YAHYA 3:3 - KITABI HABARI MOPIOHE

³ Ti Isa lolametao̒, “Pomalacayalo, diaaluo penu boli ngotaa mao̒ tamowali pongawaa̒ umati lo Allahu Taa̒ala, wonu tio diila muli potutuolio mai.”

YAHYA 3:3 ပူးပေါင်းရင်းမြစ်များ

YEREMIA 5:21

“Dungohilo mai, wuu timongoli tamohulodu wau abaloolo! Timongoli omato bo diila moo̒onto, obulonga bo diila modungohu!

YEHESKIEL 36:26

Yi timongoli mahiya-U̒ mai hale u bohu wau pikiilangi u bohu. Hilaamu u debo odelo toheeto botu boito matuloa̒a-U̒ mai wolo hilao u modungohe.

MATIUSI 16:17

“Mai̒luntungi daa̒ yio̒, Simon walae̒e Yona!” tahuda li Isa. “Sababu diila manusia tamalo poo̒taa mai sua̒li boito to olemu, boti Paapa-U̒ tosologa.

MATIUSI 19:24

Wau utie olo utohilaa potahuda-U̒ mai olemu; lebe gambangi unta tuwau tomuwoto ode huango dudetu wolo taakaya ngota tumuwoto ode Dunia Bohu lo Allahu Taa̒ala.”

MATIUSI 21:31

Naa, towolota lowalao̒ duulota boito, tatoonu tamaa lohutu kahandaki liyamolio?” “Tamohuhula,” tametao̒ lomongo iimamu tau̒wa wau mongo tau̒wa lo Yahudi boito. Yi ti Isa lotahuda mao̒ olimongolio, “Pomalacayalo; Tahi potagia beya wau mongobua suuntali mameimulo mowali pongawaa̒ umati lo Allahu Taa̒ala wolimongoli.

MATIUSI 5:18

Poo̒toloma mao̒! Ngotilonggadu hulungo wau dunia donggo woluo, boli hulupu ngotahe meaalo bontoo̒ u pulito kikiio̒ todelomo butoo̒ boito, diila talulutolo, wonu ngoa̒amilalo diipo motoduo mai!

MARKUSI 10:14

Loo̒onto mao̒ sua̒li boito, ti Isa maloingo lapatao̒ Tio lotahuda ode tahidudua̒ o-Lio. “Hulia mao̒ tau̒kekeei̒ boito monao̒ mai ode ola-U̒! Diila mao̒ dinia timongolio, sababu taa debo odelo utieelo tamowali pongawaa̒ umati lo Allahu Taa̒ala.

MARKUSI 9:47

Wonu matomu moo̒sababu olemu ilodusa, luo̒ohe mao̒ mato boito! Lebe mopiohe yio̒ tumuwoto ode Dunia Bohu lo Allahu Taa̒ala didu omato ngotuwali, lou̒ yio̒ wolo matomu dulo tuwali pomahulolo ode delomo nalaka.

YAHYA 1:13

tapilo tutulio mai diila lonto manusia, sababu tutumula bohu boito lonto Allahu Taa̒ala asaliilio.

YAHYA 1:5

Tilango boito tinetinelo tou̒ modio̒lomo, wau modio̒lomo diila mowali momate tilango boito.

YAHYA 1:51

Uali Isa poli, “Otutu, pomalacayalo, yio̒ mamoo̒onto mola hulungo mohuo̒, wau mamaa-lai̒katiyala lo Allahu Taa̒ala laahe bootula to Walao̒ Manusia.”

YAHYA 12:40

‘Wau̒ mopopitoo̒ mato limongolio, mohutu hilaa limongolio diila mowali bolio̒olo; alihu mato limongolio diila mao̒ moo̒onto, pikiilangi limongolio diila mao̒ mongalati. Alihu timongolio diila mao̒ mohualingai ode ola-U̒, lapatao̒ Wau̒ mamo poo̒luli olimongolio.’ ”

YAHYA 3:4

“Diila pongalo aakali tamaa iludaa̒ muli potutuolio mai,” loi̒ya mao̒ lei Nikodemus odeli Isa, “Tingga mowali tio muli tumuwoto ode delomo talomo liilolio wau muli pututuolio mai?”

2 KORINTUS 4:4

Ila moleeto umotolo kawasa dunia botie moheu̒ta pikiilangi lotau-tauwalo tadiila palacaya boito. Tiolo tamo monto-montola olimongolio alihu timongolio diila moo̒onto tilango monto Habari Mopiohe boito tomimbihu odudaa̒ li Almasi, tadebo odelo bayahu lo Allahu Taa̒ala.

2 KORINTUS 5:17

Taa umalo tituwau woli Almasi, mowali manusia bohu sama-samaata. U deedelo madiduu̒ – ngoa̒amilalo malowali bohu.

GALATIA 6:15

Tiluuna meaalo diila tiluuna, uito diila polohuna daa̒. U polohuna daa̒ yito mowali manusia bohu.

EPESUS 2:1

Muloololio mai timongoli yilate odelo dudelo lorohu sababu timongoli odusa wau lolambanga papaa-lentawalo Allahu Taa̒ala.

TINGULI 29:4

Bo tunggula todulahee botie Eeya diipo longohi mai olimongoli u mongalati mao̒ ngoa̒amila u ilolaasawa limongoli boito.

TITUSI 3:5

Tio lopoa̒ahu mai olanto, diila sababu ito malohutu hitua-tuawua umopiohe, bo sababu Tio lohihilao momonu olanto. Tio lopoa̒ahu mai olaanto lotimbulude to Rohullah, talongohi mai olanto pilotutu bohu wau tutumulo bohu wolo dalala lopobelesi olanto.

YAKOBUS 3:17

Bo taa o tinepo u asalilio mai monto yitaato, tio tabohu-bohulio daa̒ belesi, lapatao̒ ohilaa modaamea, mopiohe hale, wau tamoo-dungohea. Odehu hilaalio lealeaatu wau mongohi tilapulo tou̒ totoonulalo huhutu u mopiohe. Tio diila motiwambao̒ wau diila munapiki.

1 PETRUS 1:3

Duloolo ito mosukuru mola ode Allahu Taa̒ala, ti Paapa Eeyanto Isa Almasi! Malo odito ponu-Lio olanto, uito sababuulio Tio longohi mai olanto tutumulo bohu, lou̒ luli lopotumulai li Isa Almasi lonto opopate. Utie mongohi mai olanto halapani u motoheeto.

1 YAHYA 2:29

Mai̒lotaawa limongoli deu̒ ti Almasi tilumumulo lodudua̒ u otohilaa lo Allahu Taa̒ala. Sababu uito musi otaawa mao̒ limongoli olo deu̒ timii̒du tatumumulo moduduo̒ otohilaa lo Allahu Taa̒ala yito walao̒ Allahu Taa̒ala.

1 YAHYA 3:9

Taa u malowali Walao̒ Allahu Taa̒ala, diila mololaalaaita mohutu dusa, sababu pii̒li lo Allahu Taa̒ala lohihilao woluo to olio. Wau sababu Allahu Taa̒ala boito ti Paapalio, yi tio diila mowali mololaalaaita mohutu dusa.

1 YAHYA 5:1

Taa u palacaya deu̒ ti Isa yito Olongia Tamoo-poa̒ahua tapilo dantia mai lo Allahu Taa̒ala, tau boito walao̒ Allahu Taa̒ala. Taa u motolia̒ngo ngotaalio lotiyamo, motolia̒ngo walai̒o olo.

1 YAHYA 5:18

Otaawanto deu̒ ngoa̒amila tau tamalowali mongo walao̒ Allahu Taa̒ala, diila molo-laalaaita hipohutua dusa, sababu Walao̒ Allahu Taa̒ala moduo̒lai olio, wau Taa Moleeto diila mowali mohutu wolo-wolo to olio.

1 YAHYA 5:4

Sababu timii̒du walao̒ Allahu Taa̒ala mambo mopoo̒laahe dunia u moleeta botie. Wau ito mopoo̒laahe dunia wolo iimaninto.

WAHI 3:14

“To malai̒kati lojamaa̒ to Laodikia, tulade mola odie: Utieelo tahuli monto Sangi Amin, Sakusi taatatapu wau molotolo hilao wau otutu, pilobutua mai lo totoonulalo hitua-tuawua u pilowali mai lo Allahu Taa̒ala.