YAHYA 3:29 - KITABI HABARI MOPIOHE

²⁹ Bulentiti taabua yito hakuulio libulentiti talolai̒. Sahabati libulentiti talolai̒ boito wambao̒ tihutihula totili wau modungohe, wau tio sanangi wonu modungohe suala libulentiti talolai̒. Odito olo wolaatia. Masaatia watia sanangi daa̒.

YAHYA 3:29 ပူးပေါင်းရင်းမြစ်များ

LAHU MOLAMAHU 3:11

Lualoolo mai, wuu mongo puusili lo Sion, bilohilo ti Olongia Salomo wolo makuta u pilopohuli liiloolio, todulahu nikalio, todulahu tio wenga-wengahu.

LAHU MOLAMAHU 5:1

Wau̒ lonao̒ mai ode ilengiu̒, dinda, bulaintitiu̒, yilimou̒uu̒ damahu moonu wau ramba-rambaau̒; tilameluu̒ beelea lotiia̒ wau hula lotiia̒au̒, yililumuu̒ susu wau taluhu lo angguruu̒. Polamelo wau pongilulo, mongo sahaabati, pongilulo tunggula huwoa̒alo pongolaasa motohilaa daa̒.

YESAYA 54:5

Talopowali mai olemu debo odelo dile talolai̒ ode olemu, Allahu Taa̒ala mantali lo Isirai̒lu yito Tamoo-poa̒ahua olemu. Eeya Taa Laba-labaalo kawasa, boi-boitolo tanggu-Lio, Tio Allahu Taa̒ala takawa-kawaasa ngoilanggubu dunia.

YESAYA 66:11

Timongoli mamoo̒laasa omaa̒amurulio, debo odelo ngotaalio lowalao̒ molutu to oliilolio.

YEREMIA 2:2

lopomalalumu mola habari botie ode ngoa̒amila tau to Yerusalemu, “Wuu Isirai̒lu, ileela-U̒ mola malo odito tatapu wau molotolo hilaamu tou̒ yio̒ donggo humula mai; malo odito udaa̒ tolia̒ngumu tou̒ ito tomaasa buleintiti bohu molaasa mao̒ nikaalio. Ode huta datahu wau luasi daa̒ udelita Wau̒ tilunuhemu lolibaya madala u diila pilomuloa.

HOSEA 2:19

Isirai̒lu, yio̒ mapowaliyo-U̒ dile-U̒, dile tasaaha u ohiheo-hiheolo mao̒. Yio̒ maponuwo-U̒ wau ilohilaa-U̒ daa̒ laito; Wau̒ mamohutu mai motulidu hale wau tatapu molotolo hilao̒.

MATIUSI 22:2

“Wonu Allahu Taa̒ala momalenta, owowoluwoalio debo odelo pohumaya botie: Olongia ngota helohutu potihunggu lonika ode walai̒o talolai̒.

MATIUSI 25:1

“Wonu bolo Walao̒ Manusia meidungga mai odelo Eeya, owowoluwoalio debo odelo todelomo pohumaya botie: Mopulu lota mongo dulahu helo lunuhe libulentiti. Ngota-ngota helohama tohe, tulusi mota lolutulai bulentiti lai̒.

MATIUSI 9:15

Ti Isa lolametao̒, “Woloolo mola huhama limongoli? Tingga mowali tahe tiloduo to potihunggu lonika boito motisuukali lohilao wonu tibulentiti lai̒ donggo woluo pee̒-pee̒enta woli mongolio? Tantu diila! Bo mamei dungga wakutuulio tibulentiti lai̒ boito mahamaalio monto olimongolio. Tou̒ boito deu̒ito timongolio mamo puasa.

LUKASI 15:6

tulusi deloolio mohualingo. Lapatao̒ tio motiango mongo tamani wau mongo tiheedio, wau moloi̒ya mao̒, ‘Dulo ito motiwengahu. Himbau̒ uilooli maluli lotapuu̒ mai!’

YAHYA 15:11

Ngoa̒amilalo botie poo̒taa-U̒ mai olimongoli, alihu owengahu-U̒ woluo todelomo hilaa limongoli, wau owengahi mongoli mowali wimu-wimumuto ngoa̒amilalo.

YAHYA 16:24

Tunggula tosaaa̒ti botie timongoli diipo lohile mola wolo-wolo to tanggulu-U̒. Pohileaalo mola, yi timongoli mamo lolimo, alihu owengahumu wimu-wimumuto ngoa̒amilalo.”

YAHYA 17:13

Botia Watia monao̒ mai odeli Paapa. Ngoa̒amilalo botie tilahuda mao̒ lo Watia tou̒ donggo todunia; alihu timongolio wolo tio̒otutua moo̒laasa owengahu lo Watia.

YAHYA 3:30

Tioolo tamusi helebe polohuna daa̒, wau watia diila boti polohuna daa̒.”

2 KORINTUS 11:2

Watia moololo olimongoli, debo odelo Allahu Taa̒ala lohihilao olo moololo olimongoli. Timongoli yito debo odelo tadulahu ngota tadonggo mantali u mapilo danti mai lowatia u ponikaalo wolo dile ngota, deu̒ito-yito ti Almasi.

PILIPI 2:2

Naa, ntali timongoli tio̒otutua moposanangi mai hilaa lowatia wolo susuu-aliyaalo botie: Poti tumulolo ngohilao wolo tolia̒ngo u tutuuwauwa, wolo pikiilangi u tutuuwauwa wau patuju u tutuuwauwa.

1 YAHYA 1:4

Amiaatia loluladei utie alihu hilaanto tio̒otutua meengahe.

2 YAHYA 1:12

Dadaata daa̒ upalalu poo̒taa mai lowatia olimongoli, bo lasaalio lebe mopiohu diila mao̒ moli tuladu. Watia mohalapu moo̒ biilohe wau mobisala lohihilao woli mongoli, alihu hilaa limongoli tio̒otutua meengahe.

WAHI 21:9

Ngota towolota opitu lo malai̒kati boito tamaa lodihu motii̒du tataa-pahulaalo u polupolu wolo opitu baala pulitio boito lonao̒ mai ode laatia wau loloi̒ya, “Dulo! Wau̒ mamopo bilohei olemu Bulentiti, deu̒ito-yito dile taabua lo Walao̒ Himba.”