YAHYA 3:27 - KITABI HABARI MOPIOHE

²⁷ Tei Yahya lolametao̒, “Manusia diila mowali owolo-wolo wonu tio diila wohia mai lo Allahu Taa̒ala.

YAHYA 3:27 ပူးပေါင်းရင်းမြစ်များ

YEREMIA 1:5

“Tou̒ Wau̒ diipo lopowali mai olemu todelomo talomo liilamu, wau tou̒ yio̒ diipo pilotutulio mai, Wau̒ malo lulaota olemu wau lomudua̒ olemu u lowali nabi ode babaa-ngusawalo.”

YEREMIA 17:16

Bo, yaa Eeya, diila pee̒enta mao̒ watotia lohuntula alihu Eeya mopodungga mai baala ode limongolio. Watotia olo diila motohilaa alihu timongolio odungga lo marapo. Otaawa lo Eeya uito, yaa Eeya. Otaawa lo Eeya wolo uiloi̒ya lowatotia.

AMOS 7:15

Bo Eeya malohama olau̒ lonto tuugasiu̒, wau lopoa̒hu olau̒ mopo tunggula tahulii-Lio ode taulo Isirai̒lu.

YIA̒APO 17:5

Tunggudu lotaa u tilulaotu-U̒ mamo tumbingai. Wolo dudelo boito Wau̒ mamopo huheli mao̒ poloi̒laalo suusa lotau-tauwalo tamalo laalaaita hemobiihe toli mongoli.”

MATIUSI 21:25

Tei Yahya helo polihu wolo haku lotatoonu? Lo Allahu Taa̒ala meaanto lomanusia?” Tulusi mongo iimamu tau̒wa wau mongo tau̒wa lo Yahudi boito malo dulohupa towolota limongolio, “Wonu polelento mao̒, ‘Wolo haku lo Allahu Taa̒ala,’ Tio mamoloi̒ya, ‘Wonu odito yilongola timongoli diila palacaya o-Lio?’

MATIUSI 25:15

Ode timii̒du tamoomayawa boito yilohialio modudua̒ u omamboa limongolio ngota-ngota. Ode ngotaalio yilohialio limo lolihu doi hulawa. Ode tawewo yilohialio dulo lihu doi hulawa. Wau ode tadonggo ngotaalio poli yilohialio ngolihu doi hulawa. Tulusi tio malo monggato.

MARKUSI 13:34

Owowoluwoalio debo odelo ngotaalio tamololaa mao̒ belelio tulusi lonao̒ ode tambati u molamingo. Tio lopoa̒hu mao̒ tahi pomayaalio longulusi belelio, wau longohi kalaja ode limongolio ngota-ngota. To tamoodahawa huhebu, tio lolahuli mao̒ alihu mopoo̒daha tio̒otutua.

YAHYA 10:41

Dadaata tau lonao̒ mai ode o-Lio. Timongolio malo loi̒ya. “Tei Yahya diila helohutu momoo̒-linggolabeyalo, bo ngoa̒amila uiloi̒yaalio pasali lotau botie otutu.”

YAHYA 6:65

Lapatao̒ ti Isa luli lotahuda mao̒, “Uitolo sababuulio Wau̒ mopoo̒taa mai olemu deu̒ diaaluo penu boli ngotaa mao̒ tamowali monao̒ mai ode ola-U̒, wonu ti Paapa-U̒ diila mongohi olio.”

ROMA 1:5

Lotimbulude o-Lio olo Allahu Taa̒ala longohi mai olaatia ponu lowali rasulu, alihu watia – u mohulumati mao̒ li Isa Almasi – modelo tau-tauwala monto totoonulalo bangusa alihu palacaya wau modungohu.

ROMA 12:6

Ito ngota-ngota o tolia̒ngo momaya u hiwewo-wewoa. Totoo-lia̒ngawalo boito yilohi lo Allahu Taa̒ala olanto lodudua̒ odehu hilaa-Lio. Sababu uito ito musi mopohuna totoo-lia̒ngowalo boito. Taa u otolia̒ngo u mopohabari habari monto Allahu Taa̒ala, musi mopohabari habari monto Allahu Taa̒ala boito modudua̒ omambowa lo batangalio lohihilao.

1 KORINTUS 1:1

Mongo wutato jamaa̒ lo Allahu Taa̒ala to Korintus! Wutato matiliyango Allahu Taa̒ala u lowali umati-Lio sababu Wutato miliki li Isa Almasi, pee̒-pee̒enta wolo ngoa̒amila tau boli tou̒toonu wambai̒o tahi poluboa Eeyanto Isa Almasi, deu̒ito-yito Eeya limongolio wau Eeyanto olo. Watia Paulus, wau wutatonto tei Sostenes, mohalapu hinta Allahu Taa̒ala ti Paapanto wau Eeya Isa Almasi mongohi mai balakati wau salaamati olimongoli. Watia loluladei tuladu botie odelo Rasulu li Isa Almasi, tapiluduo̒ Allahu Taa̒ala lohihilao wau to kahandaki-Lio olo.

1 KORINTUS 12:11

Ngoa̒amilalo boito kilalaja lo Rohu u tuwau boito olo; ngota-ngota, tau yilohia ponu uwiwi-wiwi modudua̒ otohilaa lo Rohu boito lohihilao.

1 KORINTUS 15:10

Bo sababu odehu hilao lo Allahu Taa̒ala watia lowali debo odelo owowoluwoa lowatia botia. Wau diila paracuma Allahu Taa̒ala longambungu mai olaatia. Boli tumbao̒ wawaa-tiyalo tahelo kalaja lebe tio̒opatea wolo ngoa̒amila rasulu wewolio. Bo uito otutuulio mao̒ diila tolopani lowatia; uito tolopani lo Allahu Taa̒ala talomonu mai olaatia wau talo kalaja pee̒-pee̒enta wolaatia.

1 KORINTUS 3:5

Otutuulio mao̒ tatoonu tei Apolos boito? Wau tatoonu tei Paulus? Amiaatia bo tahi pomayawa to Allahu Taa̒ala, tamaa lodelo olimongoli u lomalacaya li Almasi. Amiaatia bo hemo ponao̒ lokalaja uiludu mai lo Eeya olamiaatia ngota-ngota.

1 KORINTUS 4:7

Tatoonu talo powali to Wutato lebe lou̒ taawewo? Wolo totoonulalo hitua-tuawua u tilolimo lo Wutato diila lonto Allahu Taa̒ala? Oditolio, yilongola ohilaa motimenge lobatanga, debo odelo wolo uwoluo to Wutato boito diila tuwaulio uilohi?

GALATIA 1:1

Mongo wutato jajaa-maa̒alo tomadala lo Galatia, watia, Paulus, wau ngoa̒amila wutato Nasara tawolaatia, mohalapu pohileaala dua̒ Allahu Taa̒ala ti Paapanto wau Eeya Isa Almasi mongohi mai balakati wau salaamati olimongoli. Watia lowali rasulu diila lotimbulude loli manusia meaalo sababu piluduo̒ lomanusia, bo sababu ti Isa Almasi wau Allahu Taa̒ala ti Paapanto tamaaluli lopotumulai o-Lio lonto opopate.

EPESUS 1:1

Umati lo Allahu Taa̒ala to Epesus, taa tatapu wau molotolo hilao toli Isa Almasi!

1 TIMOTIUS 2:7

Wau uitolo sababuulio watia ilahula lonao̒ ode tau-tauwalo tadiila Yahudi u lopololadu olimongolio habari pasali lo opopalacaya u otutu. U tiloo̒woli mai laatia botie yito otutu, watia diila mohimbulo.

YAKOBUS 1:17

Timii̒du wowohi u mopiohe wau wuupa u wimu-wimumuto tutu dudunggalio mai monto sologa, tiluhutai lo Allahu Taa̒ala, Talopowali totoonulalo u mobaango tohulungo. Tiolo Allahu Taa̒ala tadiila mobolio̒, wau diila olo moo̒sababu penu boli odio̒lomo wolo.