YAHYA 3:23 - KITABI HABARI MOPIOHE

^23-24 Tou̒ boito tei Yahya diipo tilumuwoto ode tutupa. Tio helo polihu to Ainom, diila molamingo monto Salim, sababu mola teto dadaata taluhu. Tau-tauwalo helonao̒ mai ode olio, wau tio lopolihu olimongolio.

YAHYA 3:23 ပူးပေါင်းရင်းမြစ်များ

ILOOWALI 33:18

To delomo nonao̒lio lonto Mesopotamia, malei dungga mola tei Yako wolo loa̒ahu tokota Sikhem tolipu lo Kanaa̒n, tulusi malo potihulo kemalio tohuta datahu wau luasi tuwau membideo̒ lokota.

YEREMIA 51:13

Lipu boito kaya daa̒ wau dadaata dutulaalio, bo maasa tutumulio malo pulito; pulito lo tutumulio malei dungga.

YEHESKIEL 19:10

Tiilamu debo odelo bungo lo angguru u gaaga u lobutu to ilengi totili lowalao̒ dutulaa. Tio lowali lohimbungo wau ilohungo sababu taluhu mota teto dadaata daa̒.

YEHESKIEL 43:2

wau teteetolo iloontonga lowatia dungga-dungga mai monto wimbihu tiimuru tinelaa molilingga u tuotio owoluo Allahu Taa̒ala lo Isirai̒lu. Suala lo Allahu Taa̒ala dungo-dungohei debo odelo hulaubio lo auhe daa̒, wau dunia hei̒nta-intaawa sababu tinelaa owoluo lo Allahu Taa̒ala.

LUKASI 3:7

Dadaata talonao̒ mai lei̒lihu olei Yahya. Tei Yahya loloi̒ya ode limongolio, “Timongoli tau moleeto! Tatoonu tahe moloi̒ya deu̒ timongoli moo̒huli monto hukumani lo Allahu Taa̒ala udungga-dungga mai?

YAHYA 3:22

Lapatao̒ uito ti Isa wau tahidudua̒ o-Lio malonao̒ ode Yudea. Tio lotitolaa mola teto dengolo wakutu hiheolio woli mongolio wau helo polihu tau.

WAHI 1:15

oa̒a-Tio moputio̒ lei̒lei̒ta debo odelo tombaha u tilumbila. Sualaa-Lio debo odelo bulontungo taluhu podehu uleidaa̒.

WAHI 14:2

Tulusi watia loo̒dungohe suala lonto hulungo bulo-bulontungio debo odelo tingohu taluhu podehu uleidaa̒ wau debo odelo hulaubu bulonggodu ulaba-labaalo. Suala boito odungohe debo odelo suala lomuusiki lonto tahi poitohe kocapi tadonggo hemo poitohe kocapilio.

WAHI 19:6

Lapatao̒ uito watia loo̒dungohe hitua-tuawua debo odelo suala ngopoa̒mbua lotaa dadaata daa̒; tingohio debo odelo buo̒lo u hulo-hulopai̒o wau debo odelo bulonggodu u bubuu-lontunga. Watia loo̒dungohe olimongolio loloi̒ya, “Pujiaalo Allahu Taa̒ala! Sababu Eeya, Allahu Taa̒alanto Taa Laba-labaalo kawasa boito masaatia hemo malenta!

BOHULO SEMUEL 9:4

Lapatao̒ tei Saul wau watolio helo lontale lipu hihui̒-hui̒dea lo Epraim wau huta Salisa, bo diila loo̒dungga bibii-natangiyalo boito. Lapatao̒ timongolio lonao̒ tulusi ode huta lo Sahalim, bo kokoo-lodaiyalo boito diaaluo olo mota teto. Timongolio malo lolohe olo tomadala lei Benyamin, bo debo diila ilohunalio.