YAHYA 3:2 - KITABI HABARI MOPIOHE

² Tou̒ huilio tuwau tio lonao̒ mai odeli Isa wau loloi̒ya mao̒, “Paaa̒ Guru, otaawa lamiaatia ti Paaa̒ tailao mai lo Allahu Taa̒ala. Sababu diaaluo penu boli ngotaa mao̒ tamowali mohutu u moo̒linggolabe debo odelo upilohutu li Paaa̒, Wonu Allahu Taa̒ala diila wolio.”

YAHYA 3:2 ပူးပေါင်းရင်းမြစ်များ

BOHULO MONGO OLONGIA 17:24

Ti janda boito lolametao̒, “Botia bolo ilotaawa lowatia deu̒ ti Paaa̒ yito wato lo Allahu Taa̒ala wau loi̒ya li Paaa̒ boito memangi otutu lonto Eeya!”

YESAYA 51:7

Dungohilo mai Wau̒, wuu bangusaa-U̒, otaawa limongoli wolo u otutu; pongaajali-U̒ meitahu todelomo hilaamu. Diila mao̒ oohe wonu timongoli henteo̒ lomanusia, diila mao̒ polawalo wonu timongoli hinaa limongolio.

YEREMIA 38:16

Ti Olongia Jedekia wolo poo̒-poo̒oyo lodanti olaatia, ualio mao̒, “Domi Allahu Taa̒ala tatumu-tumulo, Allahu Taa̒ala tamongohi tutumulo olanto, wau̒ motadia mai deu̒ wau̒ diila tamomate olemu mate-mateelo mao̒.”

MATIUSI 22:16

Yi timongolio malolao to tahidudua̒ olimongolio odeli Isa pee̒-pee̒enta wolo dengolo lota pongawaa̒ lopalatei lei Herodes. Tau-tauwalo boito loloi̒ya mao̒ odeli Isa, “Paaa̒ Guru, otaawa lami ti Paaa̒ ohilaa motulidu. Ti Paaa̒ malo ngaajali lou̒ juujuru tomimbihu kahandaki lo Allahu Taa̒ala ode manusia, lou̒ diila momandungi boli huhaama lo tatoonu. Sababu ti Paaa̒ diila momilohe tau.

MATIUSI 23:7

Timongolio sanangi hulumatio lotau to papaa-taliyaalo, wau unteelo ‘Paaa̒ Guru’.

MATIUSI 23:8

Bo timongoli, diila mao̒ pohuto unteelo ‘Paaa̒ Guru’ sababu Gurumu bo wambao̒ ngota wau timongoli ngoa̒amila mohutato.

MARKUSI 12:14

Timongolio lonao̒ mai odeli Isa wau loloi̒ya, “Paaa̒ Guru, otaawa lamiaatia deu̒ ti Paaa̒ juujulu wau diila paduli boli huhama lo tatoonu. Ti Paaa̒ helo ngaajali wolo juujulu pasali kahandaki lo Allahu Taa̒ala ode manusia, sababu ti Paaa̒ diila momilohe tau. Naa, nte polelea mai li Paaa̒ olamiaatia, ‘Modudua̒ wuu̒du lo agamanto, tingga mowali momayali beya odeli Kaisali meaalo diila? Wolo ito musi momayali beya boito, meaalo diila?’ ”

YAHYA 1:38

Ti Isa loili ode wulea, wau loo̒onto olimongolio donggo hidudua̒ o-Lio. Tio malohintu mao̒, “timongoli hemo lolohe olita?” Tametao̒ limongolio, “Rabbi, tou̒toonu biluloa̒ li Rabbi?” (‘Rabbi’ boliilio mao̒ guru).

YAHYA 10:38

Bo sababu Wau̒ helohutu mao̒ uito, pomalacayalo tou̒ wolo u pilohutu-U̒ boito, eleponu timongoli diila mohuto palacaya ola-U̒. Lou̒ odito otaawa mao̒ limongoli wau mongalati deu̒ Allahu Taa̒ala debo tuwau wola-U̒, wau Wau̒ debo tuwau wolo Allahu Taa̒ala.”

YAHYA 12:37

Eleponu madadaata u moo̒linggolabe hepilohutu li Isa totalu limongolio, timongolio debo diila palacaya o-Lio.

YAHYA 14:10

Pilipus! Wolo yio̒ diila palacaya, deu̒ Wau̒ tuwau woli Paapa wau ti Paapa tuwau wola-U̒? Wolo umapilo tahuda-U̒ mai olemu, diila lonto ola-U̒ lohihilao. Ti Paapa-U̒ tadebo tuwau wolau̒, Tiolo tamohutu mai ngoa̒amilalo boito.

YAHYA 15:24

Humayaalio tohuungi mongolio Wau̒ diila lohutu susuu-aliyaala udiipo pee̒enta mao̒ pilohutu lotaa wewo, yi timongolio diila ilodusa. Bo botia timongolio malo oonto wolo u pilohutu-U̒, wau timongolio molonuu̒u-U̒ meaalo li Paapa-U̒.

YAHYA 2:11

Ui-uitolo bohulo moo̒linggolabe u pilohutu li Isa. Tio lohutu uito to Kana to Galilea. Wolo tuoto boito Tio lopobilohe odudaa̒-Lio. Yi tahidudua̒ o-Lio palacaya o-Lio.

YAHYA 20:16

Ti Isa lotahuda mao̒ olio, “Maria!” Ti Maria loili mao̒ odeli Isa tulusi loloi̒ya todelomo bahasa lo Ibrani, “Rabuni!” (Boliilio mao̒ “Guru”.)

YAHYA 3:26

Timongolio lonao̒ mota odelei Yahya, wau loloi̒ya mao̒, “Paaa̒ Guru, wolo donggo oe̒ela mola li Paaa̒ tapee̒-pee̒enta woli Paaa̒ to ngotuwali lo Dutulaa Yordan boito, tou̒ boito pilotunu mai li Paaa̒ olamiaatia omoo̒molu? Tio masaatia olo hemo polihu, wau ngoa̒amila tau hiponao̒wa ode o-Lio!”

YAHYA 4:31

Tou̒ boito tahidudua̒ o-Lio malo loduo li Isa lolamelo, “Paaa̒ Guru,” uali mongolio, “toduwolo molamelo.”

YAHYA 5:36

Bo u silakusiya-U̒ lebe udaa̒ mao̒ lou̒ silakusia lei Yahya. Wolo u masaatia pilohutu-U̒ botie, deu̒ito-yito kalaja u pilotuugasi mai li Paapa ola-U̒, u mopobukuti deu̒ ti Paapa malolao mai ola-U̒.

YAHYA 6:2

Leidungga mola odito, dadaata talo dudua̒ o-Lio sababu timongolio maloo̒onto u moo̒linggolabu hepilohutu-Lio wolo lopoo̒luli tahi ngongota.

YAHYA 7:31

Dadaata towolota lotau-tauwalo boito mapilacaya o-Lio, wau hemoloi̒ya, “Wonu Olongia Tamoo-poa̒ahua boito meidungga mai, wolo Tio mowali mohutu lebe dadaata mao̒ u moo̒linggolabe wolo tau botie?”

YAHYA 9:16

Dengolo lota towolota tau-tauwalo Parisi boito loloi̒ya, “Diila pongalo aakali taa ulohutu utie asaliilio mai lonto Allahu Taa̒ala, sababu Tio diila momandungi dulahu Saabati.” Bo taa wewo loloi̒ya, “Diila pongalo aakali taa odusa mohutu momoo̒-linggolabeyalo debo odelo utie?” Lapatao̒ tilumoodulo mola huhama u hihiihede towolota limongolio.

WUNGGULI LOMONGO RASULU 10:38

Otaawa limongoli deu̒ Allahu Taa̒ala malo lulaotao̒ li Isa taulo Najaret boito wau longohi o-Lio Rohullah wau kawasa. Otaawa limongoli olo deu̒ ti Isa boito malonao̒ ode tilolahepalo mao̒ helohutu u mopiohe; Tio lopoo̒luli ngoa̒amila tau tahe kiluwaasa lo Ibilisi, sababu Allahu Taa̒ala pee̒-pee̒enta wo-Lio.

WUNGGULI LOMONGO RASULU 2:22

Mongo wutato tau-tauwalo Isirai̒lu! Dungohilo wolo uiloi̒ya mai lowatia botie: ti Isa taulo Najaret boito mailohia tuugasi lo Allahu Taa̒ala ode wutato. Uito loi̒laalo daa̒ tou̒ tilolahepalo u moo̒linggolabu wau susuu-aliyaalo upolu-polutuo̒ upilohutu mai lo Allahu Taa̒ala tohuungi mongoli lotimbulude toli Isa boito. U ngoa̒amilalo boito mailotaawa lowutato lohihilao.

PILIPI 1:14

Wau pilo tutupawa olaatia maloo̒ sababu odaata lonto tau-tauwalo Nasara tokota botie lowali lebe yakini poli to Eeya, tilinggula timongolio lebe buheli helo pohabari tahuli lo Allahu Taa̒ala lou̒ diila wohe-wohe.

MONGO HAKIMU 6:27

Yi tei Gideon loluaotao̒ mopulu lota watolio tulusi lonao̒ helo ponao̒ wolo upilo malentao̒ lo Eeya olio. Bo kalana mailaba wohelio to ngaalaa̒lio wau totau-tauwala to kambungulio boito, yi tio diila buheli mohutu mao̒ sua̒li boito tou̒ dulahu. Oditolio tio lopohutu mao̒ tou̒ hui.