YAHYA 3:18 - KITABI HABARI MOPIOHE

¹⁸ Taa palacaya o-Lio diila hukuu-maniyola. Bo taa diila palacaya mahi lukuumani lo Allahu Taa̒ala, sababu tio diila palacaya to Walao̒ Allahu Taa̒ala tatuwa-tuwaulo.

YAHYA 3:18 ပူးပေါင်းရင်းမြစ်များ

MARKUSI 16:16

Taa diila palacaya mamoo̒tapu hukuumani. Bo taa palacaya wau lihualio, mamoa̒ahu.

YAHYA 1:12

Penu boli odito debo woluo olo talo lolimo o-Lio wau palacaya o-Lio: timongolio yilohia-Lio haku lowali Walao̒ Allahu Taa̒ala,

YAHYA 1:18

Diaaluo tapee̒enta mao̒ loo̒onto Allahu Taa̒ala, ngopohia Walao̒ tuwa-tuwaulo lo Allahu Taa̒ala, u tutuuwauwa wolo Allahu Taa̒ala wau mohulanga daa̒ wo-Lio. Tiolo talo poi̒laalo mai Allahu Taa̒ala to olanto.

YAHYA 20:31

Bo ngoa̒amilalo botie tiluladio mai, alihu timongoli palacaya deu̒ ti Isa yito Olongia Tamoo-poa̒ahua, Walao̒ Allahu Taa̒ala, wau sababu palacaya to o-Lio, timongoli mamoo̒tapu tutumulo.

YAHYA 3:16

Sababu Allahu Taa̒ala odito momonu mai manusia todunia botie, tilinggula Allahu Taa̒ala longohi mai Wala-I̒o tatuwa-tuwaulo, alihu timii̒du taa palacaya o-Lio diila binasa, bo moo̒tapu tutumulo ututuulio tutu wau ohiheo-hiheolo mao̒.

YAHYA 3:36

Taa palacaya to Walao̒ boito mamoo̒tapu tutumulo ututuulio tutu wau ohiheo-hiheolo mao̒. Bo taa diila modungohe to Walao̒ boito diila moo̒tapu tutumulo. Tio hukuumanio lo Allahu Taa̒ala u ohiheo-hiheolo mao̒.

YAHYA 5:24

Otutu banali totoonulalo tahudaa-U̒ botie: Taa umopoo̒ tuotao̒ totoonulalo tahudaa-U̒, wau palacaya o-Lio talolao mai ola-U̒, o tutumulo ututuulio tutu wau ohiheo-hiheolo mao̒. Tio diila tahukuu-maniyolo; tio malo lopato lonto opopate wau loo̒tapu tutumulo.

YAHYA 6:40

Memangi uti-utieelo u otohilaa li Paapa-U̒: alihu ngoa̒amila tau moo̒onto to Walao̒ boito wau palacaya o-Lio o tutumulo tutu wau ohiheo-hiheolo mao̒, wau muli bongulo-U̒ mai to Dulahu Kiama.”

YAHYA 6:47

Ototai mao̒: Taa u palacaya, o tutumulo ututuulio tutu wau ohiheo-hiheolo mao̒.

ROMA 5:1

Botia ito maluli lopiiohe wolo Allahu Taa̒ala, sababu ito palacaya. Wau masababu uito ito hitumula todelomo u dame wolo Allahu Taa̒ala lotimbulude li Isa Almasi Eeyanto.

ROMA 8:1

Masaatia madiduu̒ hukuumani ode limongolio tahitumula lotituwau woli Isa Almasi.

ROMA 8:34

Wolo woluo tao̒hilaa mopotala olanto? Deti Isa Almasi tamopo duulua olanto! Tiolo tamailate, wau tumbao̒ Tiolo tamaaluli pilopo tumu-Lio mai lonto opopate wau maito totambati lo Allahu Taa̒ala tao̒kawasa.

IBRANI 12:25

Sababu uito, poo̒daha-dahaalo mao̒ diila bolo timongoli diila mohuto modungohe o-Lio tahe lotahuda mai boito. Timongolio tadiila mohuto modungohe o-Lio tamei dungga mai ode dunia wau mopo tunggulo habari monto Allahu Taa̒ala, diila mowali mopolahi lobatanga. Tidiyolo mao̒ ito botie tamo dungohe o-Lio u motahuda mai monto sologa! Wonu ito diila mohuto modungohe o-Lio, diila pongalo akali ito mowali moa̒ahu!

IBRANI 2:3

Tidiyolo mao̒ wolo oa̒ahu ulebe polu-polutuo̒ monto tataa-huliyalo boito! Wonu ito diila mopoo̒tuota to oa̒ahu boito, ito tantu diila tamolopato monto hukuumani. Sababu Eeya lohihilaolo tabohu-bohulio lopo malalumu oa̒ahu boito, wau tau-tauwalo tamulomulo lodungoheo̒ malo pobukuti u otutuulio to olanto.

IBRANI 3:19

Botia ito mongalati deu̒ timongolio diila moo̒ tuwoto, sababu timongolio diila palacaya to Allahu Taa̒ala.

1 YAHYA 3:23

U pilomalenta-Lio mai to olanto yito: Ito musi palacaya to Wala-I̒o, deu̒ito-yito ti Isa Almasi, wau ito musi mototoo-lia̒nga, debo odelo umaa pilomalentai li Almasi to olanto.

1 YAHYA 4:9

Allahu Taa̒ala malo pobilohei deu̒ Tio lomonu olanto wolo lolao mai Wala-I̒o tatuwa-tuwaulo ode delomo dunia alihu ito moo̒toduo tutumulo motimbulude to Wala-I̒o boito.

1 YAHYA 5:10

Sababu uito, taa palacaya to Walao̒ Allahu Taa̒ala, malo lolimo ososakusi boito todelomo hilaalio; bo taa diila momalacaya to Allahu Taa̒ala, malo nganggapu tutuuwauwa tutu sua̒liilio wolo Allahu Taa̒ala tamoo-himbuloa, sababu tio diila palacaya tou̒ wolo upilo tahuda mai lo Allahu Taa̒ala pasali lo Wala-I̒o.

1 YAHYA 5:12

Taa o Walao̒ Allahu Taa̒ala, o tutumulo boito; wau taa diila o Walao̒ Allahu Taa̒ala, diila o tutumulo boito.