YAHYA 3:17 - KITABI HABARI MOPIOHE

¹⁷ Sababu Allahu Taa̒ala lolao Wala-I̒o diila mai momutoo̒ dunia botie, bo mai mopoa̒ahu mao̒.

YAHYA 3:17 ပူးပေါင်းရင်းမြစ်များ

JAKARIA 9:9

Wuu ulipu lo Sion, poti wengahulo! Wuu ulipu lo Yerusalemu, pongiibodulo mola meengahu! Bilohilo! Olongiamu dungga-dungga mai wolo ohaama! Tio olongia aadili talodelo mai oa̒ahu. Bo lealeaatu odupapa lohilao tio meidungga tae̒tae̒ to kolodai, kolodai tuwau u buboto.

MATIUSI 1:23

“Tadulahu ngota mao̒mbodaa̒ wau mopotutu mai talolai̒ kikiia̒ ngota. Tau̒kikiia̒ boito mau̒nteelio ‘Immanuel’.” (Immanuel bahasa lo Ibrani u bolilio mao̒, “Allahu Taa̒ala mai wolanto”).

MATIUSI 18:10

“Poo̒dahai! Diila mao̒ pohina tala ngota monto tau-tauwalo ukikiio botie. Sababu poo̒toloma mao̒, mamaa-lai̒katiyalo limongolio laito woluo totalu li Paapa-U̒ tosologa. [

MATIUSI 18:11

Sababu Walao̒ Manusia dungga-dungga mai mopoaahu tailapalo!]

LUKASI 19:10

Walao̒ Manusia leidungga mai u mololohe wau mopoaahu taa u yilapalo.”

LUKASI 9:56

Lapatao̒ uito timongolio malonao̒ ode kambungu uwewo.

YAHYA 1:29

Loloombulio mola, tei Yahya loo̒onto li Isa lonao̒ mai ode olio. Tulusi tei Yahya loloi̒ya mao̒, “Bilohi, boi-boitolo Walao̒ Himba lo Allahu Taa̒ala tamo luluto dusa lodunia.

YAHYA 10:36

yilongola timongoli helo loi̒ya ola-U̒ hemo muayo Allahu Taa̒ala sababu Wau̒ lotahuda Walao̒ Allahu Taa̒ala? Lebe-lebe pomao̒ Wau̒ tilulaoto Allahu Taa̒ala wau yilao-Lio mai ode dunia.

YAHYA 11:42

Otaawa lowatia ti Paapa laito modungohei olaatia, bo watia moloi̒ya mao̒ utie, ode tau-tauwalo tawoluo teea; alihu timongolio palacaya deu̒ boti Paapalo talolao mai olaatia.”

YAHYA 17:18

Debo odelo ti Paapa malolao mai olaa-Tia ode dunia, odito olo Watia lolao olimongolio ode dunia.

YAHYA 17:21

Pohile laa-Tia, Paapa, alihu timongolio ngoa̒amila mowali tuwau, debo odelo ti Paapa lotituwau mai wolaa-Tia, wau Watia woli Paapa. Pohileaala dua̒ timongolio mowali tuwau wolaan-To alihu dunia palacaya deu̒ ti Paapa talolao mai olaa-Tia.

YAHYA 17:23

Watia woli mongolio, wau ti Paapa wolaa-Tia; alihu timongolio otu-otutuulo mao̒ tuwau. Yi dunia mamotota mao̒ deu̒ ti Paapaalo talolao mai olaa-Tia, wau deu̒ ti Paapa momonu olimongolio debo odelo ti Paapa lomonu olaa-Tia.

YAHYA 17:25

Paapa taa̒adili! Dunia diila moo̒onuhe li Paapa; bo Watia moo̒onuhe li Paapa; wau tau-tauwala botie motota deu̒ ti Paapa talolao mai olaa-Tia.

YAHYA 17:3

Uti-utieelo tutumulo ututuulio tutu wau ohiheo-hiheolo mao̒; alihu tau motota li Paapa, tuwa-tuwaulo Allahu Taa̒ala tabanali, wau moo̒onuhe li Isa Almasi tailao mai li Paapa.

YAHYA 17:8

Mapilo tunggulao̒ lo Watia olimongolio tahuda u pilotahuda mai li Paapa olaa-Tia; wau timongolio malo lolimo mao̒. Otaawa limongolio deu̒ Watia otu-otutuulo mao̒ dungga-dungga mai lonto li Paapa wau timongolio palacaya deu̒ ti Paapaalo tamalolao mai olaa-Tia.

YAHYA 20:21

Lapatao̒ ti Isa pee̒entapo lotahuda mao̒ olimongolio, “Salamu moa̒ahu olemu. Debo odelo ti Paapa-U̒ lolao mai ola-U̒, odito olo Wau̒ mamolao olimongoli.”

YAHYA 3:34

Sababu taa uilao mai lo Allahu Taa̒ala mopo tunggulai tataa-heyaalo Allahu Taa̒ala, sababu Rohullah mailohi ode o-Lio lealeaatulo mao̒.

YAHYA 5:36

Bo u silakusiya-U̒ lebe udaa̒ mao̒ lou̒ silakusia lei Yahya. Wolo u masaatia pilohutu-U̒ botie, deu̒ito-yito kalaja u pilotuugasi mai li Paapa ola-U̒, u mopobukuti deu̒ ti Paapa malolao mai ola-U̒.

YAHYA 5:38

Tataahe-Lio diila leitahu todelomo hilaamu sababu timongoli diila palacaya to ola-U̒ tailao-Lio mai.

YAHYA 5:45

Diila mao̒ polantobu Wau̒ mamopotala olimongoli totalu lo Allahu Taa̒ala. Tumbao̒ tamaa mopotala olimongoli yito tei Musa.

YAHYA 6:29

Ti Isa lolametao̒, “Utieelo u otohilaa lo Allahu Taa̒ala monto olimongoli: pomalacayalo o-Lio tailao mai lo Allahu Taa̒ala.”

YAHYA 6:38

Sababu Wau̒ lotuhutai lonto sologa, diila mai mohutu u otohilaa-U̒ lohihilao, bo u otohilaa-Lio lo talolao mai ola-U̒.

YAHYA 6:40

Memangi uti-utieelo u otohilaa li Paapa-U̒: alihu ngoa̒amila tau moo̒onto to Walao̒ boito wau palacaya o-Lio o tutumulo tutu wau ohiheo-hiheolo mao̒, wau muli bongulo-U̒ mai to Dulahu Kiama.”

YAHYA 6:57

Allahu Taa̒ala tatumu-tumulo boito, lolao mai ola-U̒ wau Wau̒ olo tumumulo monto Allahu Taa̒ala. Odito olo taa u molamelo tapu-U̒ matumumulo monto ola-U̒.

YAHYA 7:29

Wau̒ moo̒onuhe o-Lio, sababu Wau̒ asaliilio mai lonto o-Lio, wau Tiolo talolao mai ola-U̒.”

YAHYA 8:11

“Diaaluo, Paaa̒,” tametio mao̒. [“Ooo̒,” uali Isa, “Wau̒ olo diila mohukuumani mai olemu. Botia ponao̒lo, diilalo pohutu dusa.”]

YAHYA 8:42

Lapatao̒ ti Isa lotahuda ode limongolio, “Humayaalio Allahu Taa̒ala boito ti Paapamu, timongoli mamo tolia̒nga ola-U̒, sababu Wau̒ dungga-dungga mai lonto Allahu Taa̒ala. Wau̒ dungga-dungga mai diila wolo hilaa-U̒ lohihilao, bo Tiolo tamalolao mai ola-U̒.

1 YAHYA 2:2

Lou̒ motimbulude li Isa Almasi boitolo duduu-saanto ilambungu-Lio. Wau diila bo duduu-saanto wambao̒, tumbao̒ dusa ngoilanggubu umati lomanusia olo.

1 YAHYA 4:14

Amiaatia lohihilao maloo̒onto Walao̒ Allahu Taa̒ala, wau amiaatia helo pohabari deu̒ Tio yilao mai lo Allahu Taa̒ala u lowali Olongia Tamoo-poa̒ahua dunia botie.