YAHYA 3:16 - KITABI HABARI MOPIOHE

¹⁶ Sababu Allahu Taa̒ala odito momonu mai manusia todunia botie, tilinggula Allahu Taa̒ala longohi mai Wala-I̒o tatuwa-tuwaulo, alihu timii̒du taa palacaya o-Lio diila binasa, bo moo̒tapu tutumulo ututuulio tutu wau ohiheo-hiheolo mao̒.

YAHYA 3:16 ပူးပေါင်းရင်းမြစ်များ

ILOOWALI 22:12

“Diila mao̒ pongongota walao̒ boito meaalo pongo-pongolawa tio,” tahuda mai lo Eeya loli malai̒kati boito. “Botia maa ilotaawa-U̒ deu̒ yio̒ mohulumati wau modungohe ola-U̒, sababu yio̒ diila lotouli u mohudu mai walau̒mu ode ola-U̒.”

ILOOWALI 22:2

Tahuda mao̒ lo Allahu Taa̒ala “Ponao̒lo ode huta lo Moria wolei Isihaka, walau̒mu tatuwa-tuwaulo, tao̒ tolia̒ngumu daa̒. Mola teto, to hui̒dee tuwau u mapotunuwo-U̒ mai olemu podewoa mao̒ walau̒mu odelo bake yilalango ode ola-U̒.”

YESAYA 9:6

Tio momalenta odelo olongia wali mai lei Dauda, okokawasaalio udaa̒ tutu. Lipulio laito dame aamnai sontosa wau maa̒amulu; pamalentaalio dutadutaa̒a tobutoo̒ wau ua̒adili botia wau ohiheo-hiheolo mao̒. Eeya Taa Laba-labaalo kawasa tantu moponao̒ mao̒ uito.

MATIUSI 9:13

Tuletea mao̒ wolo boliilo ayati lokitabi botie: ‘Wau̒ mokahandaki odehu hilao, wau diila bake lo binatangi’. Sababu Wau̒ dungga-dungga mai diila mai motianga taa u monganggapu batangalio malopiohe, bo totaaa anggapuolio hina.”

MARKUSI 12:6

Donggo tatoonu poli tamowali laololio botia lotaa ohuu̒wo lo ilengi boito? Bolo ngota wambao̒, deu̒ito-yito walai̒o lohihilao taa otolia̒ngio. Oditolio pulitio mao̒ tio malo poa̒hu mota walai̒o boito ode tahi pokalajawa ilengi boito. ‘To pikilangilio tantu walai̒o mahulumatio mai limongolio.’

LUKASI 2:14

“Ilopujialo mola Allahu Taa̒ala tohulungo u pulito molanggato! Wau toitaato dunia, salaamatilo mola manusia tamopo sanangi hilaa lo Eeya!”

YAHYA 1:14

Tahuda malowali manusia, Tio bilubiluloa̒ to wolotanto, wau ito maloo̒onto odudaa̒-Lio. Odudaa̒ boito tilolimo-Lio odelo Walao̒ Allahu Taa̒ala tatuwa-tuwaulo. Lotimbulude o-Lio ito maloo̒onto Allahu Taa̒ala wau ponu-Lio ode olanto.

YAHYA 1:18

Diaaluo tapee̒enta mao̒ loo̒onto Allahu Taa̒ala, ngopohia Walao̒ tuwa-tuwaulo lo Allahu Taa̒ala, u tutuuwauwa wolo Allahu Taa̒ala wau mohulanga daa̒ wo-Lio. Tiolo talo poi̒laalo mai Allahu Taa̒ala to olanto.

YAHYA 1:29

Loloombulio mola, tei Yahya loo̒onto li Isa lonao̒ mai ode olio. Tulusi tei Yahya loloi̒ya mao̒, “Bilohi, boi-boitolo Walao̒ Himba lo Allahu Taa̒ala tamo luluto dusa lodunia.

YAHYA 10:28

Wau̒ mongohi mai olimongolio tutumulo ututuulio tutu wau ohiheo-hiheolo mao̒, wau u ohiheo-hiheolo mao̒ timongolio diila tabinasa. Diaaluo penu boli ngotaa mao̒ tamowali molambata olimongolio monto ola-U̒.

YAHYA 3:15

alihu ngoa̒amila taa palacaya o-Lio moo̒tapu tutumulo ututuulio tutu wau ohiheo-hiheolo mao̒.”

YAHYA 3:18

Taa palacaya o-Lio diila hukuu-maniyola. Bo taa diila palacaya mahi lukuumani lo Allahu Taa̒ala, sababu tio diila palacaya to Walao̒ Allahu Taa̒ala tatuwa-tuwaulo.

YAHYA 3:36

Taa palacaya to Walao̒ boito mamoo̒tapu tutumulo ututuulio tutu wau ohiheo-hiheolo mao̒. Bo taa diila modungohe to Walao̒ boito diila moo̒tapu tutumulo. Tio hukuumanio lo Allahu Taa̒ala u ohiheo-hiheolo mao̒.

YAHYA 6:40

Memangi uti-utieelo u otohilaa li Paapa-U̒: alihu ngoa̒amila tau moo̒onto to Walao̒ boito wau palacaya o-Lio o tutumulo tutu wau ohiheo-hiheolo mao̒, wau muli bongulo-U̒ mai to Dulahu Kiama.”

ROMA 5:10

Wonu tomaasa ito mumuusua wolo Allahu Taa̒ala, ito pilopodeme wo-Lio lotimbulude to opopate lo Wala-I̒o, tidiyolo mao̒ botia tou̒ lapatio mao̒ wumbutanto wolo Allahu Taa̒ala luli lopiohe, tantu ito mapo aahuwolo olo motimbulude to tutumuli Almasi.

ROMA 5:8

Bo Allahu Taa̒ala lopoi̒laalo mai ponu-Lio olanto tou̒ ti Isa Almasi yilate ode olanto tou̒ ito donggo taa odusa.

ROMA 8:32

Wala-I̒o lohihilao diila pilolee̒-Lio mai, bo tumbao̒ yiludu-Lio mai u polohuna daa̒ ode olanto ngoa̒amila; uwalita, Tio diila tamohudu mai de olanto totoonulalo hitua-tuawua uwewolio?

EPESUS 2:4

Bo donggo boli udaa̒alio omuura hilaa lo Allahu Taa̒ala! Tio odito momonu mai olanto,

2 TESALONIKA 2:16

Pohileaala dua̒ Eeyanto Isa Almasi lohihilao, wau Allahu Taa̒ala ti Paapanto moliyango wau mopoo̒ lotolo hilaa limongoli, alihu timongoli mowali mokalaja wau mopohabari wolo u mopiohe. Sababu Allahu Taa̒ala momonu olanto, wau sababu opopiohu hilaa-Lio Tio mohutu mai olanto tatapu wau molotolo hilao, wau mohalapu u mopiohe.

TITUSI 3:4

Bo Allahu Taa̒ala, Tamoo-poa̒ahua olanto lopo bilohei ponu wau opopiohe hilaa-Lio olanto.

IBRANI 2:9

Bo ito maloo̒onto li Isa okawasa! Tio pilo powali lebe dupadupapa ngopee̒ wolo malai̒kati todelomo wakutu u ngoi̒nta lomato, alihu to opopiohu hilaa lo Allahu Taa̒ala Tio mowali mate duo̒lo ngoa̒amila umati lomanusia. Ito moo̒onto o-Lio botia yilohia huhuloa̒ u molamahu wau hulu-hulumati sababu Tio malo dutolo tunggula yilate.

1 YAHYA 3:1

Bilohi mao̒ malo odito ponu lo Allahu Taa̒ala olanto, tilinggula ito ilaku-Lio odelo mongo wala-I̒o. Wau memangi ito yito mongo walao̒ Allahu Taa̒ala. Uitolo sababuulio dunia u moleeto botie diila motota olanto, sababu dunia diila motota lo Allahu Taa̒ala.

1 YAHYA 4:19

Ito motolia̒ngo, sababu Allahu Taa̒ala maleimulo lomonu mai olanto.

WAHI 1:5

wau monto li Isa Almasi sakusi taa tatapu wau molotolo hilao. Tiolo tabohu-bohulio muli pilotumulai monto opopate wau Tio olo tao̒kawasa tomongo olongia lodunia. Ti Isa momonu olanto, wau wolo opopate-Lio Tio lopo lopato olanto lonto duduusaanto,