YAHYA 3:15 - KITABI HABARI MOPIOHE

¹⁵ alihu ngoa̒amila taa palacaya o-Lio moo̒tapu tutumulo ututuulio tutu wau ohiheo-hiheolo mao̒.”

YAHYA 3:15 ပူးပေါင်းရင်းမြစ်များ

YESAYA 11:10

Wakutuulio mamei dungga ngotaalio li olongia wali mai lei Dauda mowali bungo lopotuoto babaa-ngusawalo. Timongolio mamonao̒ mai ode olio, wau tambati biluloa̒alio mapoo-pupuujialio.

YESAYA 45:22

Wuu, ngoilanggubu tuango dunia, pomalingolo mai de Olau̒ alihu timongoli poa̒ahuwolo, sababu bo Wau̒ulo Allahu Taa̒ala, diaaluo uwewo!

YIA̒APO 21:9

Yi tei Musa malohutu mao̒ tulidu lonto tombaha wau ntilangio mola toitaato wolihi ngoputu. Timii̒du taa u tilopango tulidu, mowali moluli wonu momilohe tulidu tombaha boito.

MATIUSI 18:10

“Poo̒dahai! Diila mao̒ pohina tala ngota monto tau-tauwalo ukikiio botie. Sababu poo̒toloma mao̒, mamaa-lai̒katiyalo limongolio laito woluo totalu li Paapa-U̒ tosologa. [

MATIUSI 25:46

Yi tau-tauwalo boito mahukuu-maniyolo wolo hukuumani u ohiheo-hiheolo mao̒, hiambola tahi pohutua kahandaki lo Allahu Taa̒ala mamoo̒ toduo tutumulo ututulio tutu wau ohiheo-hiheolo mao̒.”

MARKUSI 16:16

Taa diila palacaya mamoo̒tapu hukuumani. Bo taa palacaya wau lihualio, mamoa̒ahu.

LUKASI 19:10

Walao̒ Manusia leidungga mai u mololohe wau mopoaahu taa u yilapalo.”

YAHYA 1:12

Penu boli odito debo woluo olo talo lolimo o-Lio wau palacaya o-Lio: timongolio yilohia-Lio haku lowali Walao̒ Allahu Taa̒ala,

YAHYA 16:33

Ngoa̒amilalo botie polele-U̒ mai alihu timongoli moo̒toduo mai moa̒ahu sababu motituwau wola-U̒. To dunia timongoli mamodutolo. Bo poo̒toheeta mola hilaamu! Dunia maa ilolaahe-U̒!”

YAHYA 20:31

Bo ngoa̒amilalo botie tiluladio mai, alihu timongoli palacaya deu̒ ti Isa yito Olongia Tamoo-poa̒ahua, Walao̒ Allahu Taa̒ala, wau sababu palacaya to o-Lio, timongoli mamoo̒tapu tutumulo.

YAHYA 3:16

Sababu Allahu Taa̒ala odito momonu mai manusia todunia botie, tilinggula Allahu Taa̒ala longohi mai Wala-I̒o tatuwa-tuwaulo, alihu timii̒du taa palacaya o-Lio diila binasa, bo moo̒tapu tutumulo ututuulio tutu wau ohiheo-hiheolo mao̒.

YAHYA 3:36

Taa palacaya to Walao̒ boito mamoo̒tapu tutumulo ututuulio tutu wau ohiheo-hiheolo mao̒. Bo taa diila modungohe to Walao̒ boito diila moo̒tapu tutumulo. Tio hukuumanio lo Allahu Taa̒ala u ohiheo-hiheolo mao̒.

YAHYA 5:24

Otutu banali totoonulalo tahudaa-U̒ botie: Taa umopoo̒ tuotao̒ totoonulalo tahudaa-U̒, wau palacaya o-Lio talolao mai ola-U̒, o tutumulo ututuulio tutu wau ohiheo-hiheolo mao̒. Tio diila tahukuu-maniyolo; tio malo lopato lonto opopate wau loo̒tapu tutumulo.

YAHYA 6:27

Diila mao̒ pokalaja u moo̒tapu mai ua̒alo u mowali mopulito wau mobunuto. Pokalajaalo u moo̒tapu mai ua̒alo udiila mowali mobunuto u mongohi tutumulo ututuulio tutu wau ohiheo-hiheolo mao̒. Ua̒alo boito mawohi mai lo Walao̒ Manusia olemu, sababu Tio mapiluduo̒ lo Allahu Taa̒ala.”

YAHYA 6:40

Memangi uti-utieelo u otohilaa li Paapa-U̒: alihu ngoa̒amila tau moo̒onto to Walao̒ boito wau palacaya o-Lio o tutumulo tutu wau ohiheo-hiheolo mao̒, wau muli bongulo-U̒ mai to Dulahu Kiama.”

YAHYA 6:47

Ototai mao̒: Taa u palacaya, o tutumulo ututuulio tutu wau ohiheo-hiheolo mao̒.

WUNGGULI LOMONGO RASULU 13:41

‘Poo̒tuota mao̒ tio̒otutua, wuu timongoli tau-tauwalo tao̒hilaa mohina! Timongoli mamo linggolabe, tulusi mate! Sababu tojamani botie Wau̒ donggo hemohutu mai hitua-tuawua u timongoli lohihilao diila tamo malacaya mao̒, eleponu woluo tamo tombangai uito olimongoli.’ ”

WUNGGULI LOMONGO RASULU 8:36

Tohuungo lononao̒, timongolio malei dungga ode tambati tuwau u otaluhu. Pegawee boito malo loi̒ya, “Bilohi uito otaluhu! Donggo wolo poli ukuulangi u mopolihu olaatia?” [

ROMA 5:21

Naa, ito musi mate sababu ito malohutu dusa. Bo Allahu Taa̒ala momonu olanto wau longohi mai dalalo olanto luli lopiiohe wo-Lio. Wau sababu wumbutanto wolo Allahu Taa̒ala maluli lopiohe, yi Tio longohi mai tutumulo tutu wau ohiheo-hiheolo mao̒ to olanto lotimbulude li Isa Almasi, Eeyanto.

1 KORINTUS 1:18

Sababu ode tau-tauawalo tahi dulunga ode obobinasa, habari pasali lo opopate li Almasi to ayu salipu debo odelo latabu wambao̒. Bo, to olanto tapoa̒ahuo lo Allahu Taa̒ala, habari boito debo odelo dudelolio lo Allahu Taa̒ala mopo bilohei kawasaa-Lio.

2 KORINTUS 4:3

Wonu Habari Mopiohe u pohabario lamiaatia boito debo donggo woluo olo diipo ilopahamua, yi bo tau-tauwalo tadonggo hiludunga ode obobinasa wambai̒o tadiila moo̒ pahamu mao̒.

GALATIA 2:16

Eleponu odito otaawa lamiaatia deu̒ tau muli mopiiohe wolo Allahu Taa̒ala bo sababu palacaya li Isa Almasi, wau diila kalana moponao̒ butoo̒ lo agama. Amiaatia lohihilao olo palacaya li Isa Almasi, alihu amiaatia mopiiohe wolo Allahu Taa̒ala motimbulude to iimani lamiaatia boito, diila kalana amiaatia moponao̒ butoo̒ lo agama. Sababu wolo moponao̒ butoo̒ lo agama, diaaluo penu boli ngota mao̒ muli mopiiohe wolo Allahu Taa̒ala.

GALATIA 2:20

Botia diilalo watia tatumu-tumulo, boti Almasi tatumu-tumulo todelomo batanga lowatia lohihilao. Tutumulo botie u tomimbihu tutumulo laatia botia yito tutumula lo iimani ode Walao̒ Allahu Taa̒ala talomonu mai olaatia wau tamalo pobake batanga-Lio ode laatia.

IBRANI 10:39

Ito botie diila umati tatoutouli wau yilapalo. Bolii̒o mao̒, ito yito umati tapalacaya to Allahu Taa̒ala wau tapilo aahu.

IBRANI 7:25

Masababu uito u ohiheo-hiheolo mao̒ ti Isa mowali mopoa̒ahu tahi ponao̒wa mai ode Allahu Taa̒ala motimbulude to o-Lio, sababu Tio tumutumulo ohiheo-hiheolo mao̒ u moo̒owoli mola polohone ode Allahu Taa̒ala duo̒lo tau-tauwala boito.

1 YAHYA 2:25

Wau utieelo upilo danti mai li Almasi lohihilao to olanto; tutumulo u tutuulio tutu wau ohiheo-hiheolo mao̒.

1 YAHYA 5:1

Taa u palacaya deu̒ ti Isa yito Olongia Tamoo-poa̒ahua tapilo dantia mai lo Allahu Taa̒ala, tau boito walao̒ Allahu Taa̒ala. Taa u motolia̒ngo ngotaalio lotiyamo, motolia̒ngo walai̒o olo.

1 YAHYA 5:20

Otaawanto deu̒ Walao̒ Allahu Taa̒ala malei dungga mai wau malongohi pongotota to olanto, alihu ito motota lo Allahu Taa̒ala tao̒tutu. Ito tumutumulo motituwau wolo Allahu Taa̒ala tao̒tutu, wau tumutumulo motituwau wolo Wala-I̒o Isa Almasi. Utieelo Allahu Taa̒ala tao̒tutu, wau utieelo tutumulo u tutuulio tutu wau ohiheo-hiheolo mao̒.