YAHYA 3:14 - KITABI HABARI MOPIOHE

¹⁴ Tutuuwauwa debo odelo tei Musa malopo botula mola tulidu tombaha tobatango ayu ngoputu tohuta datahu u luasi daa̒ wau delita, odito olo Walao̒ Manusia paatuti pobotulolo,

YAHYA 3:14 ပူးပေါင်းရင်းမြစ်များ

OLUO MONGO OLONGIA 18:4

Tio helo ngantulu tataa-mbatiyalo u polubowalo dewa, wau lopo lohubeo̒ tutuugulio wau helo ngantulu bubuu-iyaalo Dewi Asyera. Tio olo longantulu mao̒ tulidee lo polonggu huhutuulio lei Musa u ilunte Nehustan. Sababu, tunggula tou̒ boito taulo Isirai̒lu donggo hipomobua dupa u mohurumati tulidee polonggu boito.

JABURU 22:16

Bunggohu lowatotia lohengu debo odelo poo̒ lo winggilua, dila lowatotia leidembinga to wangodu ngango lowatotia. Yaa Eeya, tilolaa lo Eeya watotia toitaato peaahuo̒ debo odelo taa u mailate.

YESAYA 11:10

Wakutuulio mamei dungga ngotaalio li olongia wali mai lei Dauda mowali bungo lopotuoto babaa-ngusawalo. Timongolio mamonao̒ mai ode olio, wau tambati biluloa̒alio mapoo-pupuujialio.

MATIUSI 26:54

Bo wonu odito, diila pongalo aakali motoduo mai debo odelo umaa nilubuwati todelomo Kitabi deu̒ memangi musi motoduo debo odelo u masaatia botie?”

MATIUSI 8:20

Ti Isa lolametao̒, “Saligala oliyango, wau bulungi obeelealio, bo Walao̒ Manusia diila otambati u poti balatalo.”

LUKASI 24:20

Mongo iimamu tau̒wa wau mongo tau̒wa lo bangusanto malohudu o-Lio u hilukuu-manilio yila-yilaatelo mao̒, wau timongolio loposalipu o-Lio!

YAHYA 18:32

Utie motoduo alihu pohupohutu wolo upilo tahuda li Isa tomimbihu pohuliilio tou̒ Tio maamate mao̒.)

YAHYA 6:51

Wau̒lo roti u lotuhutai lonto sologa – roti u mongohi tutumulo. Taa u molamela roti botie matumumulo ohiheo-hiheolo mao̒. Roti u mawohi-U̒ ode tutumulo manusia todunia ui-uitolo tapu-U̒.”

YAHYA 8:28

Sababu uito ti Isa lotahuda mao̒ olimongolio, “De wonu timongoli malo palaio̒ mola Walao̒ Manusia, timongoli mamotota deu̒ ‘Wau̒lo Tio tai̒lunte WAU̒ WOLUO’, wau timongoli mamotota deu̒ diaaluo penu boli tuwau mao̒ u pilohutu-U̒ monto batanga-U̒ lohihilao. Wau̒ bo wambao̒ motahuda wolo upilo ngaajali mai li Paapa ola-U̒.

WUNGGULI LOMONGO RASULU 2:23

Lotuuu̒de wolo lanjana-Lio lohihilao, Allahu Taa̒ala malolantu u mohudu li Isa ode limongoli. Wau tou̒ Tio yiludu mai, timongoli lomate o-Lio yila-yilateelo mao̒, wolo lopoluli totau-tauwalo tahileeta boito lopo salipu o-Lio.