YAHYA 3:13 - KITABI HABARI MOPIOHE

¹³ Diaaluo penu boli ngotaa tapee̒enta mao̒ lobotula mola ode sologa, ngopohia Tio tamalo laahei ode dunia, deu̒ito-yito Walao̒ Manusia.

YAHYA 3:13 ပူးပေါင်းရင်းမြစ်များ

POHUMAYA 30:4

Manusia toonu tapee̒enta botulo laahe monto sologa? Wolo tio mapee̒enta longoonggomo dupoto todelomo uluu̒lio, wau lomolu taluhu todelomo boo̒lio, meaambo lolantu sisii-patiyaalo dunia? Tatoonu tio, wau tatoonu walai̒o? Tantuulo mao̒ otaawamu tio!”

MATIUSI 28:20

Ajaalia mao̒ timongolio modungohe ngoa̒amila u mapilo malenta-U̒ mai olimongoli. Wau eelai mao̒ Wau̒ malaito pee̒-pee̒enta woli mongoli demola pulito lojamani.” 116

MATIUSI 8:20

Ti Isa lolametao̒, “Saligala oliyango, wau bulungi obeelealio, bo Walao̒ Manusia diila otambati u poti balatalo.”

YAHYA 1:18

Diaaluo tapee̒enta mao̒ loo̒onto Allahu Taa̒ala, ngopohia Walao̒ tuwa-tuwaulo lo Allahu Taa̒ala, u tutuuwauwa wolo Allahu Taa̒ala wau mohulanga daa̒ wo-Lio. Tiolo talo poi̒laalo mai Allahu Taa̒ala to olanto.

YAHYA 13:3

Otaawa li Isa deu̒ ti Paapa-Lio malohudu mai ngoa̒amila okokawasa ode o-Lio. Otaawa-Lio olo deu̒ dudunggaa-Lio mai monto Allahu Taa̒ala wau mamuli mohualinga mola ode Allahu Taa̒ala.

YAHYA 17:5

Paapa! Pou̒daa̒alo mai Watia botia toli Paapa, wolo odudaa̒ u mililiki lo Watia pee̒-pee̒enta woli Paapa tou̒ dunia botie diipo pilowali mai.

YAHYA 3:12

Timongoli diila palacaya wonu Wau̒ mohungguli mai olimongoli pasali susuu-aliyaala lodunia botie; woloolo mola timongoli mowali palacaya, wonu Wau̒ mohungguli mai olimongoli pasali lo sologa?

YAHYA 3:31

Tadungga-dungga mai monto yitaato mongilabotao̒ lou̒ ngoa̒amilalo. Tadungga-dungga mai monto dunia, meituwoto tau lodunia, wau mobisala pasali lodunia. Tio tadungga-dungga mai monto yitaato mongilabotao̒ lou̒ ngoa̒amilalo.

YAHYA 6:33

Sababu roti uwohi mai lo Allahu Taa̒ala yito Tio tamo tuhutai monto sologa wau mongohi tutumulo ode manusia todunia.”

YAHYA 6:38

Sababu Wau̒ lotuhutai lonto sologa, diila mai mohutu u otohilaa-U̒ lohihilao, bo u otohilaa-Lio lo talolao mai ola-U̒.

YAHYA 6:42

Timongolio loloi̒ya mao̒, “Diila maa Tio botie ti Isa walae̒e Yusu? Otaawa lami mongo dulaa̒-Lio! Woloolo mola Tio mowali moloi̒ya deu̒ Tio malo tuhutai lonto sologa?”

YAHYA 6:46

Uito diila oboliilio deu̒ woluo tamaa loo̒onto li Paapa-U̒. Bo Tio tadungga-dungga mai lonto Allahu Taa̒ala, maloo̒onto li Paapa.

YAHYA 6:51

Wau̒lo roti u lotuhutai lonto sologa – roti u mongohi tutumulo. Taa u molamela roti botie matumumulo ohiheo-hiheolo mao̒. Roti u mawohi-U̒ ode tutumulo manusia todunia ui-uitolo tapu-U̒.”

YAHYA 6:62

Woloolo mola waliilio dewonu timongoli moo̒onto Walao̒ Manusia muli mobotula mola ode tambati-Lio u bohulio?

YAHYA 8:42

Lapatao̒ ti Isa lotahuda ode limongolio, “Humayaalio Allahu Taa̒ala boito ti Paapamu, timongoli mamo tolia̒nga ola-U̒, sababu Wau̒ dungga-dungga mai lonto Allahu Taa̒ala. Wau̒ dungga-dungga mai diila wolo hilaa-U̒ lohihilao, bo Tiolo tamalolao mai ola-U̒.

WUNGGULI LOMONGO RASULU 2:34

Tei Dauda lohihilao diila lobotula mola ode sologa, bo tei Dauda loloi̒ya, ‘Eeya lotahuda ode Eeyau̒:

WUNGGULI LOMONGO RASULU 20:28

Mamusi timongoli modaha batanga wau dahai mao̒ olo ngoa̒amila jamaa̒ u mailudu mai lo Rohullah olimongoli upei̒ dahaa-Lio; sababu timongoli mapiludu-I̒o lowali tamoo-ngimatoa jamaa̒ lo Allahu Taa̒ala boito debo odelo diti hemodaha himbalio, sababu Allahu Taa̒ala malo powali mai jamaa̒ boito milikii-Lio lohihilao lotimbulude to ilopate lo Wala-I̒o lohihilao.

ROMA 10:6

Bo tomimbihu pohuli lotaa mopiiohe wolo Allahu Taa̒ala patopatoa̒ to palacaya ode Allahu Taa̒ala, Kitabi loi̒loi̒ya odie, “Sambelolo yio̒ moloi̒ya todelomo hilaamu, ‘Tatoonu tamaa mobotula mola ode sologa?’ (boliilio mao̒ modelo li Almasi motuhuto),

1 KORINTUS 15:47

Tei Adamu tabohulio pilowali mai monto huta, bo tei Adamu oluolio asaliilio mai monto sologa.

EPESUS 1:23

Jamaa̒ yito batanga li Almasi, ngoa̒amilalo pilo wimumuto lo Allahu Taa̒ala ngoa̒amilalo tamopo wimumuto totoonulalo u hitua-tuawua penu boli tou̒toonu olo.

TINGULI 30:12

Tambatilio diila tohulungo, tilinggula timongoli mohintu, ‘Tatoonu tamobotula mola odito u mohama mai ode olanto, alihu ito mowali modungohe wau moponao̒ mao̒?’