YAHYA 3:11 - KITABI HABARI MOPIOHE

¹¹ Pomalacayalo; ami mobisala bo tomimbihu wolo u otaawa lami, wau ami mongohi sakusi bo tomimbihu wolo umaa iloontonga lami; bo timongoli diila mohuto mololimo u silakusia lami.

YAHYA 3:11 ပူးပေါင်းရင်းမြစ်များ

YESAYA 50:2

Yilongola lonto umati-U̒ diaaluo penu boli ngotaa mao̒ talolameto, tou̒ Wau̒ leidungga mai helo tiango olimongolio? Wolo timongolio hipoo̒yonga wambai̒o sababu hemolantobu Wau̒ diila mambo molopato wau mopoa̒ahu olimongolio? Tutuulio tutu, to palentaa-U̒ deheto lowali lohengu, duduu-tulaalo pilowali-U̒ huta datahu wau luasi daa̒ udelita, tilinggula totoo-lawaalo mate moboolo mobunuto.

YESAYA 53:1

Bangusa boito lolameto, “Tatoonu tayakini tou̒ wolo u mai̒lo dungohe lami? To olita mapilo ilaalo kawasa lo Eeya?

YESAYA 55:4

Tutuulio tutu tio powaliyo-U̒ mai tau̒wa wau eyaanggu, sakusi monto kawasaa-U̒ ode babaa-ngusawalo.

YESAYA 65:2

Wau̒ laito dapadapato mohima umati-U̒, bo timongolio motohilaa momalakala. Bangusa boito hipohutua u moleeto wau hemodudua̒ lanjana limongolio lohihilao.

MATIUSI 11:27

Lapatao̒ ti Isa lobisala, “Totoonulalo u hitua-tuawua mailudu mai li Paapa ode laatia. Diaaluo penu boli ngotaa mao̒ tamotota to Walao̒ ngopohia li Paapa. Diaaluo olo tamotota li Paapa ngopohia Walao̒, wau tau-tauwala ode tatoonu Walao̒ boito mopoo̒taa mao̒ pasali li Paapa.

MATIUSI 23:37

“Yerusalemu, Yerusalemu! Mongo nabi pilatemu yila-yilateelo mao̒. Mongo utolia lo Allahu Taa̒ala hepilai̒mu lobotu tunggula yilate. Demaa poo̒ongolo Wau̒ ohilaa momuduo̒ ngoa̒amila tuango lipumu odelo tiilo maluo̒ modaha walai̒o to walungo polipii̒o, bo timongoli diila mohuto!

LUKASI 10:22

Toonulalo u hitua-tuauwa mailudu mai li Paapa to olaa-Tia. Diaaluo mao̒ penu boli ngota tamotota to Walao̒, ngopohia li Paapa. Diaaluo olo tamotota li Paapa, ngopohia lo Walao̒; wau tau-tauwala too̒lita Walao̒ boito yinao mopoo̒taa li Paapa.”

YAHYA 1:11

Tio dungga-dungga mai odelipu-Lio lohihilao bo bangusaa-Lio diila mololimo o-Lio.

YAHYA 1:18

Diaaluo tapee̒enta mao̒ loo̒onto Allahu Taa̒ala, ngopohia Walao̒ tuwa-tuwaulo lo Allahu Taa̒ala, u tutuuwauwa wolo Allahu Taa̒ala wau mohulanga daa̒ wo-Lio. Tiolo talo poi̒laalo mai Allahu Taa̒ala to olanto.

YAHYA 12:49

Sababu Wau̒ diila lotahuda mai to hilaa-U̒ lohihilao; ti Paapa talolao mai ola-U̒, mati Paapalo boito talo malentai ola-U̒ wolo uwajibu potahuda-U̒ wau u potunggulo-U̒.

YAHYA 14:24

Taa diila motolia̒nga ola-U̒, diila modudua̒ pongaajali-U̒. Pongaajali u ilodungohe limongoli boito, diila lonto ola-U̒, bo lonto li Paapa-U̒ talolao mai ola-U̒.

YAHYA 3:12

Timongoli diila palacaya wonu Wau̒ mohungguli mai olimongoli pasali susuu-aliyaala lodunia botie; woloolo mola timongoli mowali palacaya, wonu Wau̒ mohungguli mai olimongoli pasali lo sologa?

YAHYA 3:13

Diaaluo penu boli ngotaa tapee̒enta mao̒ lobotula mola ode sologa, ngopohia Tio tamalo laahei ode dunia, deu̒ito-yito Walao̒ Manusia.

YAHYA 3:3

Ti Isa lolametao̒, “Pomalacayalo, diaaluo penu boli ngotaa mao̒ tamowali pongawaa̒ umati lo Allahu Taa̒ala, wonu tio diila muli potutuolio mai.”

YAHYA 3:5

Ti Isa lolametao̒, “Otutu banali tahuda-U̒ botie: Wonu tau diila potutuolio mai monto taluhu wau monto Rohullah, tau boito diila mowali pongawaa̒ umati lo Allahu Taa̒ala.

YAHYA 5:43

Wau̒ dungga-dungga mai wolo kawasa li Paapa-U̒, bo timongoli diila mololimo ola-U̒. Bo wonu taawewo dungga-dungga mai wolo kawasaalio lohihilao, timongoli motohilaa mololimo olio.

YAHYA 7:16

Ti Isa lolametao̒, “U pilongajali-U̒ botie diila ajalani-U̒, bo ajalani-Lio lo talolao mai ola-U̒.

YAHYA 8:14

Ti Isa lolametao̒, “Eleponu Wau̒ mongohi mai sakusi pasali lo batanga-U̒ lohihilao, sakusi-U̒ boito otutu; sababu otaawa-U̒ lonto utoonu mai dudunggaa-U̒ wau ode utoonu nonao̒o-U̒. Diila otaawa limongoli lonto utoonu mai dudunggaa-U̒, wau ode utoonu nonao̒o-U̒.

YAHYA 8:26

Donggo dadaata sua̒li tomimbihu olimongoli u ohilaa potahuda-U̒ mai wau pomutoa̒lo. Bo Tio talolao mai ola-U̒ mowali palacayalo. Wau Wau̒ mopoo̒taa ode dunia wolo u ilodungohe-U̒ lonto o-Lio.”

YAHYA 8:38

Wolo u iloontonga-U̒ toli Paapa-U̒, uitolo olo upilo tahuda-U̒ mai. Hiambola timongoli mohutu wolo u pilo ngaajali lipaapamu olemu.”

WUNGGULI LOMONGO RASULU 22:18

Watia loo̒onto Eeya; Tio lotahuda mai olaatia, ‘Hua̒a tolai mao̒ Yerusalemu, sababu tau-tauwalo tewe diila mololimo u silakusiyamu pasali-U̒.’

2 KORINTUS 4:4

Ila moleeto umotolo kawasa dunia botie moheu̒ta pikiilangi lotau-tauwalo tadiila palacaya boito. Tiolo tamo monto-montola olimongolio alihu timongolio diila moo̒onto tilango monto Habari Mopiohe boito tomimbihu odudaa̒ li Almasi, tadebo odelo bayahu lo Allahu Taa̒ala.

WAHI 1:5

wau monto li Isa Almasi sakusi taa tatapu wau molotolo hilao. Tiolo tabohu-bohulio muli pilotumulai monto opopate wau Tio olo tao̒kawasa tomongo olongia lodunia. Ti Isa momonu olanto, wau wolo opopate-Lio Tio lopo lopato olanto lonto duduusaanto,

WAHI 3:14

“To malai̒kati lojamaa̒ to Laodikia, tulade mola odie: Utieelo tahuli monto Sangi Amin, Sakusi taatatapu wau molotolo hilao wau otutu, pilobutua mai lo totoonulalo hitua-tuawua u pilowali mai lo Allahu Taa̒ala.