YAHYA 21:5 - KITABI HABARI MOPIOHE

⁵ Ti Isa lotahuda mao̒ olimongolio, “Mongo walao̒, wolo timongoli otola?” “Diaaluo,” tametao̒ limongolio.

YAHYA 21:5 ပူးပေါင်းရင်းမြစ်များ

BOHULO MONGO OLONGIA 19:6

Tei Elia lomiloheo̒ to palitio, lapatao̒ iloontongalio totili lo lunggongio roti ngopita yilalango wau ginti tuatuanga taluhu. Tio olo lolamelo wau longilu, tulusi luli lotibalatao̒.

JABURU 37:3

Poyakinilo mola to Eeya, wau pohutuwalo u mopiohu, poti poo̒oyolo tolipu boito wau potihutulo tatapu wau molotolo hilao.

MATIUSI 14:15

Tou̒ lolaangio malo, tahidudua̒ li Isa lonao̒ mai wau loloi̒ya o-Lio, “Dulahu malo laango wau tambati botie tihitihi mai. Lebe mopiohu ti Paaa̒ mopoa̒hu mota tau-tauwalo botie monao̒, alihu mota motali mai ua̒alo to kakaa-mbunguwalo.”

MARKUSI 8:7

Timongolio olo o uponula kekeei̒ dengolo botu. Ti Isa lolapali mola sukuru ode Allahu Taa̒ala to uu̒u-ponulaalo boito, lapatao̒ lopoa̒hu to tahidudua̒ o-Lio helo laya-layadeo̒ olo uu̒u-ponulaalo boito olo.

PILIPI 4:19

Allahu Taa̒ala tahe tuboo lowatia, taleta-letaao̒ wolo okokaya todelomo li Isa Almasi, mamo poo̒polu mai totoonulalo upalaluo limongoli.

IBRANI 13:5

Diila mao̒ tutumulumu okawasa lou̒ motolia̒ngo todoi, bo mamusi timongoli olulia lohilao lou̒ wolo uwoluo toli mongoli. Sababu Allahu Taa̒ala malo tahuda, “Wau̒ diila tamo poluli meaalo mamololaa mao̒ olemu.”

1 YAHYA 2:13

Watia loluladei olimongoli, Mongo dulaa̒, sababu timongoli mototaa-Lio tamawoluo tumulalo mai bohulio daa̒. Watia loluladei olimongoli Taa himuudawa, sababu timongoli malo poo̒laaheo̒ Taa Moleeto.

1 YAHYA 2:18

Mongo walau̒, pulito lojamani malembidei! Mapiloo̒taa olimongoli tou̒ dipolulio mai deu̒ Musu li Almasi mamei dungga mai; wau botia mailumeneto dadaata tau tahelo musu li Almasi. Uito tuotio deu̒ pulito lojamani malembidei.