YAHYA 21:2 - KITABI HABARI MOPIOHE

² Tou̒ dulahee tuwau tei Simon Petrus, tei Tomas tai̒lunte Pingi, tei Natanael lonto Kana to Galilea, mongo walae̒e Jebedeus wau duulota muri li Isa tawewolio, donggo hia̒mbua.

YAHYA 21:2 ပူးပေါင်းရင်းမြစ်များ

MATIUSI 10:3

Lapatao̒ tei Pilipus wau Bartolomeus, wolei Tomas, wau Matiusi, tamootagia beya wolei Yakobus walae̒e Alpeus, wau Tadeus;

MARKUSI 1:19

Ti Isa lonao̒ tulusi, lapatao̒ loo̒onto mota poli tamohutato duulota wewolio, deu̒ito-yito tei Yakobus wolei Yahya, mongo walae̒e Jebedeus. Timongolio todelomo bulotu, wau donggo hemo poo̒piohe pajala limongolio.

LUKASI 5:10

Odito olo wolo mongo sahabati lei Simon, deu̒ito-yito tei Yakobus wolei Yahya, mongo walae̒e Jebedeus. Ti Isa malo tahuda odelei Simon, “Diila mao̒ oohe! Tumulalo mai botia yio̒ mamowali tamoo-majalawa tau.”

YAHYA 1:45

Tei Pilipus lodunggaya wolei Natanael wau loloi̒ya mao̒ olio, “Ami maloo̒ dungga tahe untee lei Musa todelomo Buku Butoo̒ lo Allahu Taa̒ala, wau tapilo habari mai lomongo nabi. Tio boito ti Isa talonto Najaret, Walae̒e Yusu.”

YAHYA 11:16

Tei Tomas tai̒lunte “Taa Pingi” loloi̒ya mao̒ ode mongo sahabatilio tahidudua̒ li Isa, “Dulo ito moduduo̒, penu boli ito mate wo-Lio!”

YAHYA 2:1

Duuhui mola lapatio mao̒ woluo potihunggu lonika tokota Kana to Galilea, wau tiilo li Isa woluo mola teto.

YAHYA 2:11

Ui-uitolo bohulo moo̒linggolabe u pilohutu li Isa. Tio lohutu uito to Kana to Galilea. Wolo tuoto boito Tio lopobilohe odudaa̒-Lio. Yi tahidudua̒ o-Lio palacaya o-Lio.

YAHYA 20:28

Tei Tomas malo loi̒ya odeli Isa, “Eeyau̒ wau Allahu Taa̒alau̒!”

YAHYA 4:46

Lapatao̒ ti Isa luli lohualingo ode Kana to Galilea, tou̒toonu Tio mapee̒enta lomolio̒ taluhu lowali angguru. Tokota boito woluo pogawee ngota lo pamalenta, walai̒o donggo mongongoto to Kapernaum.

YOSUA 19:28

Ebron, Rehob, Hamon, wau Kana, demola ngoilaminga Sidon.