YAHYA 21:1 - KITABI HABARI MOPIOHE

¹ Lapatao̒ uito ti Isa lopobilohe batanga pee̒entapo to Bulalo Tiberias to tahidudua̒ o-Lio. Odie mola waliilio:

YAHYA 21:1 ပူးပေါင်းရင်းမြစ်များ

MATIUSI 26:32

Bo tou̒ Wau̒ mamuli bongulo-Lio mai, Wau̒ mamo timulo woli mongoli ode Galilea.”

MATIUSI 28:16

Tamopulaa tuwau lota muri li Isa boito lonao̒ mola ode huludu to Galilea lotuuu̒de lou̒ pilomalenta li Isa olimongolio.

MATIUSI 28:7

Botia, hua̒a ponao̒lo, mola polelea to tahidudua̒ o-Lio, ‘Tio malobongu, wau masaatia Tio maleimulo mola woli mongoli ode Galilea. Mola teto timongoli mamoo̒onto o-Lio!’ Poo̒toloma mao̒ wolo umaa piloleleu̒ mai olimongoli.”

MARKUSI 16:12

Lapatao̒ uito ti Isa lopobilohe batanga-Lio ode taduulota muri-Lio wolo dudelo uwewo. Uito lotoduo tou̒ taduulota boito donggo hinao̒wa ode kambungu tuwau.

MARKUSI 16:14

Mapulitio, ti Isa lopobilohe batanga-Lio ode tamopulaa tuwau lota muri-Lio, tou̒ timongolio donggo hipolamela. Tio lohimelu mao̒ olimongolio sababu timongolio diila boti o iimani wau baaa̒ngiolo daa̒ tilinggula diila palacaya totaa mahelo oonto lohihilao deu̒ ti Isa tumutumulo.

MARKUSI 16:7

Botia ponao̒lo, potunggula mao̒ habari botie ode tahidudua̒ o-Lio, leituoto tei Petrus. Polelea mao̒, ‘Tio monao̒ meimulo mola woli mongoli ode Galilea. Mola teto timongoli mamoo̒onto o-Lio debo odelo u mapilo tahuda-Lio olemu.’ ”

YAHYA 21:14

Uti-utieelo otolulio ti Isa lopo biloheo̒ batanga-Lio ode tahidudua̒ o-Lio lapatao̒ Tio bilongu-Lio mai tou̒ yilate mao̒.

YAHYA 6:1

Dengolo wakutu lapatio mao̒ ti Isa lonao̒ mola ode ngotuwali lobulalo Galilea, u ilunte olo Bulalo Tiberias.

YAHYA 6:23

Lapatao̒ demohelu ngoolo bulotu lonto kota lo Tiberias leidungga mai wau lotirabua totili lotambati lotaa dadaata boito hipo lamela roti u mailapato silukuru mola lo Eeya.

WUNGGULI LOMONGO RASULU 1:3

Lapatao̒ Tio yilate mao̒ ngotilonggadu wopato pulu hui mola laito Tio hemo pobilohe wolo dudelo u moi̒laalo daa̒ tomongo rasulu boito deu̒ Tio tutuulio tutu tumutumulo. Timongolio loo̒onto o-Lio, wau Tio helo bisala woli mongolio tomimbihu woloolo mola Allahu Taa̒ala momalenta odelo Olongia.