YAHYA 20:23 - KITABI HABARI MOPIOHE

²³ Wonu timongoli mongambungu dusa lo tahingota-ngotaawa, Allahu Taa̒ala olo mongambungu mai olio. Wonu timongoli diila mongambungu dusa lo tahingota-ngotaawa, Allahu Taa̒ala olo diila mongambungu olio.”

YAHYA 20:23 ပူးပေါင်းရင်းမြစ်များ

MATIUSI 16:19

Wau̒ mamongohi mai olemu uu̒nti Dunia Bohu lo Allahu Taa̒ala. Wolo u diniyomu toitaato dunia, uito olo dididini tosologa. Wau wolo u banaliyamu toitaato dunia, uito olo banaliyalo tosologa.”

MATIUSI 18:18

“Ototai mao̒: Wolo udinio limongoli todunia, dinidini olo tosologa. Wau wolo u banalia limongoli todunia, banabanali olo tosologa.

YAHYA 20:22

Lapatao̒ ti Isa lopo hiipao̒ napasi-Lio ode limongolio wau lotahuda mao̒, “Tolimowalo Rohullah.

WUNGGULI LOMONGO RASULU 10:43

Ngoa̒amila mongo nabi helo bisala pasali o-Lio. Timongolio loloi̒ya deu̒ ngoa̒amila taa palacaya li Isa, maa̒mbunguwolo dusa limongolio wolo okokawasa li Isa.”

WUNGGULI LOMONGO RASULU 2:38

Tei Petrus lolametao̒, “Polilihulo monto duduu-sawaalo limongoli. Wau mawajibulio timongoli ngota-ngota lihuwalo to tangguli Isa Almasi, alihu ngoa̒amila dusa limongoli maa ambunguolo. Yi Mongo wutato mamololimo palaseni Rohullah monto Allahu Taa̒ala.

EPESUS 2:20

Timongoli olo bilongulio toitaato wumbato u pilodutu lomongo rasulu wau mongo nabi woli Isa Almasi odelo botu ulaba-labaalo mopiohu.

1 TIMOTIUS 1:20

To wolotalio yito tei Himeneus wolei Aleksander. Taduulota boito mahi lukuumaniu̒ lou̒ lohudu olio ode Ibilisi, alihu timongolio mobalajali mao̒ u mohuheli momuayo Allahu Taa̒ala.