YAHYA 20:12 - KITABI HABARI MOPIOHE

¹² lapatao̒ maloo̒onto malai̒kati duulota hipakea moputio̒. Timongolio boito hihuloa̒a tobakasi lotambati milate li Isa, ngota towimbihu lunggongo wau tawewolio towimbihu oa̒ato.

YAHYA 20:12 ပူးပေါင်းရင်းမြစ်များ

DANIALI 7:9

Tou̒ watia donggo tulusi bilobilohe, dengolo tambati huhuloa̒ li olongia donggo hepodutuolo. Lapatao̒ Tio tatumu-tumulo ohiheo-hiheolo mao̒ lotihuloa̒ toitaato tala tuwau lotambati huhuloa̒ li olongia boito. Pakeyangi-Lio wau huwo-I̒o moputio̒ belesi debo odelo pini. Tambati huhuloa̒ li olongia-Lio wolo loloo-lodaalio lei-lei̒ita sababu hintalabu tulu,

MATIUSI 17:2

Totalu limongolio, lolomelo lomola baya li Isa: Baya-Lio malo tilango debo odelo mato lodulahu wau boo̒-Lio moputio̒ hii̒nta-intawa.

WUNGGULI LOMONGO RASULU 1:10

Tou̒ timongolio donggo hilanggela mola ode hulungo, towakutu ti Isa leibintaa̒a mola, debolo duulota tahipakea lou̒ moputio̒ hitihula totili limongolio.

WAHI 3:4

Bo tohuungi mongoli to Sardis donggo woluo tau tahidahawa alihu boo̒lio debo belesi. Timongolio boito mamonao̒ pee̒-pee̒enta wola-U̒ wolo mohiboo̒ lou̒ moputio̒, sababu timongolio motuuu̒de woleeto.

WAHI 7:14

“Diila otaawa lowatia, Tuani. Ti Tuani lohihilao tamotota,” tametao̒ lowatia. Yi ualio mai olaatia, “Utieelo tau-tauwalo tamaa loa̒ahu loli maasa lo alinaaya ulaba-labaalo tutu. Timongolio malo moboa̒a jumba limongolio wau lohutu mao̒ lowali loputio̒ wolo duhu lo Walao̒ Himba boito.