YAHYA 20:1 - KITABI HABARI MOPIOHE

¹ Todulahu ahadi dimodupo, tou̒ donggo modio̒lomo, ti Maria Mahadalena lonao̒ ode kuubulu. Tio loo̒onto mao̒ botu poheu̒tio mahileilio lonto huango kuubulu boito.

YAHYA 20:1 ပူးပေါင်းရင်းမြစ်များ

MATIUSI 27:56

To wolotalio yito ti Maria Mahadalena, tiilo lei Yakobus wau tei Yusu, wau tiilo lomongo walae̒e Jebedeus.

MATIUSI 27:60

Lapatao̒ pilopo balatio milate li Isa todelomo kuubulu milikiilio lohihilao u pilohutu todelomo huludu botu tuwau. Lapatao̒ uito tio lopo lilideo̒ botudaa̒ tuwau pilo heu̒tio wangopa lokuubulu boito, lapatao̒ lonao̒lo.

MATIUSI 27:64

Sababu uito, ahulilo mao̒ tau mola modaha kuubulu boito tio̒otutua tunggula dulahu otolulio, alihu tahidudua̒ o-Lio diila mowali motao̒ milate-Lio lapatao̒ mamo poo̒taa ode tau-tauwalo deu̒ Tio mabilongu-Lio mai lonto opopate. Wau polo wimbulo u pulitio botie malebe moleetao̒ wolo ubohulio mai.”

MATIUSI 27:66

Lapatao̒ timongolio malonao̒ mola ode kuubulu, wau loseeheli botu poheu̒to boito wau pilopo tambatilio mao̒ tamodaha totalulio, alihu diaaluo tamomuyu kuubulu boito.

MATIUSI 28:1

Tou̒ malo paluto dulahu Saabati, todulahu Ahadi donggo molaliyonu, ti Maria Mahadalena wau ti Maria wewolio boito lonao̒ mola lomilohe kuubulu boito.

MATIUSI 28:2

Debolo lotoduwolo mola liluhu ulaba-labaalo tutu. Malai̒kati ngota lo Eeya lotuhutai lonto sologa tulusi lopo lilideo̒ heu̒to botu boito wau lotihuloa̒a totudulio.

MARKUSI 15:46

Lapatao̒ tei Yusu malotali watu lenani u moa̒aluti wau tou̒ pilopo laahio mai milate li Isa, matilaputio lokaingi boito. Lapatao̒ tio lopo wulideo̒ milate boito tokuubulu tuwau u pilohutu todelomo huludu botu. Lapatao̒ uito tio lopo lilideo̒ botu leidaa̒ tuwau pilopo heu̒tio tongango kuubulu boito.

MARKUSI 16:9

Tou̒ ti Isa lobongu mai lonto opopate, didimodupo todulahu Ahadi, Tio bohulio lopobilohe batanga-Lio odeli Maria Mahadalena. (Lonto oli Maria boito pee̒enta ti Isa helohinggi pitu rohu u moleeto.) Mongobua boito lonao̒ mota odelei Petrus wau mongo sahabatilio, tulusi helo hungguli mao̒ wolo limbulimbu ngoa̒amila u mapiloo̒taa mai lo taamuda boito ode limongolio.

YAHYA 11:38

Luli lodehu daa̒ hilaa li Isa, lapatao̒ malonao̒ mota ode kuubulu. Kuubulu boito yito gowa tuwau u hileu̒talio wolo botu leidaa̒.

YAHYA 11:41

Yi timongolio malo pohinggi botu boito. Lapatao̒ ti Isa yilumanggela mola ode hulungo wau loloi̒ya, “Oduo̒lo, Paapa, sababu ti Paapa malo dungohei olaatia.

YAHYA 19:25

Totili losalipu li Isa tihutihulo tiilo li Isa, wutatiilo-Lio taabua, ti Maria dile lei Kleopas, wau ti Maria Mahadalena.

YAHYA 20:26

Ngodiminggu lapatio mao̒ tahidudua̒ li Isa woluo poli totambati boito, wau tei Tomasi woluo olo. Huhebu ngoa̒amila hiu̒ntia. Boti Isa malonao̒ mai wau tilimihulao̒ tohuungi mongolio, lapatao̒ lotahuda, “Salamu moa̒ahu olemu.”

WUNGGULI LOMONGO RASULU 20:7

Tohuilo ahadi ami lotia̒mbu u molamelo pee̒-pee̒enta debo odelo tamohutato. Tei Paulus helo bibiisalawa wolo tau-tauwalo, sababu loombulio mola tio oniyati mamo monggato. Tunggula lo tomutaa̒ lou̒ hui tei Paulus helo bisala tulusi.

1 KORINTUS 16:2

Todulahee bohulio timii̒du ahadi, mamusi Wutato ngoa̒amilalo mopohetu mao̒ doi, ngota-ngota motuuu̒de wolo tilapulio. Tahua mao̒ doi boito dilumutu watia monao̒ mai, alihu towakutu boito diilalo palalu yimoo̒olo.

WAHI 1:10

To dulahu Eeya, watia kiluwaasa lo Rohullah tulusi watia loo̒dungohe suala daa̒ – debo odelo tingohu torompeti – hemo tahuda mai towulea lowatia.