YAHYA 2:6 - KITABI HABARI MOPIOHE

⁶ Teto woluo mohelu wolomo tombe upilohetu odelo tambati pongulowalo modudua̒ uu̒udu lo Yahudi. Timii̒du tombe boito tuangio tanu ngohetuto liiteri.

YAHYA 2:6 ပူးပေါင်းရင်းမြစ်များ

LUKASI 16:6

Tau boito lolametao̒, ‘Ngohetuto bolinggo yinulo jaitun?’ Pogawee boito loloi̒ya mao̒ olio, ‘Utie tuladu lo bilolimu. Huloo̒olo wau aliheo̒ tuladelo mao̒: limo lopulu.’

YAHYA 2:7

Ti Isa lotahuda mao̒ to tahi pohintawa boito, “Tuangi mao̒ timii̒du tombe boito wolo taluhu.” Yi matiluanga limongolio tombe boito tunggula lopolu.

YAHYA 3:25

Dengolo lota tahidudua̒ olei Yahya helo haamawa wolo taulo Yahudi pasali lowuu̒du u mopoo̒ belesi.

EPESUS 5:26

Ti Almasi lohutu mai uito alihu Tio moo̒ pobelesi jamaa̒ boito wolo pongaajali-Lio wau moli taluhu popolihu, alihu lapatao̒ uito Tio mowali wuduo-Lio ode Allahu Taa̒ala.

IBRANI 10:22

Sababu uito, duloolo ito mohimbide Allahu Taa̒ala wolo hilaa motulidu wau iimani motoheeto; wolo hilaa umaa pilomantali monto pongolaaasa utilala, wau wolo batanga u mapiloo̒ belesi wolo taluhe u mantali.

IBRANI 6:2

meaalo dasali lo pongaajali tomimbihu polihu meaalo mopodutu lo uluu̒ toitaato lotau, meaalo tomimbihu muli tumumulai tou̒ mailate mao̒ meaalo hukuumani u ohiheo-hiheolo mao̒.

IBRANI 9:10

Sababu uu̒upa-calawaalo boito bo motuhatawa lou̒ aalo, minumani wau upacala hidala-dalaala u pomantaliyalo. Ngoa̒amilalo bo wuwuu-uduwaalo lahiri u pohu-pohutu dilumutu saa̒tilio pobohua mai lo Allahu Taa̒ala.

IBRANI 9:19

Bohu-bohulio tei Musa lopo tunggulai ngoa̒amila palenta lobutoo̒ Allahu Taa̒ala tobangusa lo Isirai̒lu. Lapatao̒ uito tei Musa lohama mao̒ duhu lowalao̒ sapi wau walao̒ batade ulai̒, tulusi ilulaulio wolo taluhu, lapatao̒ pilomutatio mao̒ to Kitabi lo Bubuu-too̒waalo lonto Allahu Taa̒ala wau to ngoilanggubu bangusa lo Isirai̒lu wolo lomake huo̒yoto u hidala-dalala lohisopi wau lambuto himba lakulio meela molonihe.