YAHYA 2:5 - KITABI HABARI MOPIOHE

⁵ Bo tiilo li Isa loloi̒ya mao̒ to tahi pohintawa, “Wambao̒ pohutuwalo wolo u mapilo tahuda-Lio olemu.”

YAHYA 2:5 ပူးပေါင်းရင်းမြစ်များ

ILOOWALI 41:55

Tou̒ ulipu lo Masiri mahi dutolaa lo polaango, timongolio malohile ua̒alo toli olongia. Lapatao̒ ti olongia malo poa̒hu olimongolio lonao̒ mota odelei Yusu wau modungoheo̒ totoonulalo wolo u mapo malentai lei Yusu olimongolio.

ILOOWALI 6:22

Tei Noho helo pohutu mao̒ totoonulalo u pilomalenta lo Allahu Taa̒ala olio.

YEHESKIEL 12:7

Lapatao̒ pilohutu lowatia palenta lo Eeya odelaatia. To dulahu boitolo, wakutu donggo dulahu pilopo dapato lowatia babaa-langiyalo lowatia todelomo ngoboolula, debo odelo u biasaalio hepohutuo lotaa mopoa̒ahu batanga. Tou̒ mahui mai, watia lohutu mao̒ huwango wolo uluu̒u lowatia to dingingo meeseli lobele laatia, lapatao̒ watia yilumuala lolibaya to huwango boito. Lou̒ piloo̒tuoto lotaa ngoa̒amila, boolula boito pilotaa lowatia to binggungu lowatia, lapatao̒ watia lomonggato.

MATIUSI 12:46

Tou̒ ti Isa donggo hemo bisala wolo taa dadaata boito, malonao̒ mai tiilo wau mongo wuta-Tio. Timongolio tilimihulao̒ to bulemengio sambela hipo tolopania alihu moo̒bisala wo-Lio.

YAHYA 15:14

Timongoli mongo sahabati-U̒, wonu timongoli mohutu mao̒ wolo upilo malenta-U̒ mai olimongoli.

WUNGGULI LOMONGO RASULU 9:6

Bo botia pobongulo wau tuwotolo ode kota, mota teto mapo tahuda-U̒ mai olemu wolo umusi pohutuwomu.”

IBRANI 11:8

Sababu o iimani, yi tei Abraham lodungohe Allahu Taa̒ala tou̒ Allahu Taa̒ala lotianga olio wau lopoa̒hu olio lonao̒ ode lipu upilo danti lo Allahu Taa̒ala olio. Lapatao̒ tei Abraham lomonggato wolo diila otaawa mao̒de utoonu ponao̒walio.

IBRANI 5:9

Yi lapatio mao̒ Tio pilopowali tamoo-poa̒ahua tawimu-wimumuto tutu, Tio lowali pilobutua mai lo oa̒ahu u hiheo-hiheolo mao̒ ode ngoa̒amila tau tamo dungohe o-Lio,

RUT 3:6

Yi malonao̒ ti Rut ode tambati lo tahi pokalajawa hemo tontanga pale lonto panggeyangio. Mola teto tio helohutu mao̒ ngoa̒amila u pilohehulo lotiilo molohengio.