YAHYA 2:24 - KITABI HABARI MOPIOHE

²⁴ Boti Isa lohihilao diila palacaya olimongolio, sababu oonuhe-Lio ngoa̒amila tau.

YAHYA 2:24 ပူးပေါင်းရင်းမြစ်များ

BOHULO MONGO OLONGIA 8:39

potala Eeya todelomo biluloa̒ lo Eeya tosologa modungohe boli mongambu wau motulungi mai olimongolio. Bo Eeyaalo tamotota tuango hilaa lo manusia. Sababu uito pohutuwalo mai timii̒du tau motuuu̒de wolo huhutuulio,

BOHULO TAWARI 28:9

Lapatao̒ odelei Salomo, tei Dauda loloi̒ya mao̒, “Walau̒uu̒, patutilio Allahu Taa̒ala tahe tuboo liyamamu, akuwimu mao̒ odelo Allahu Taa̒alamu. Yio̒ musi motiwato to Eeya wolo hilaa ihilasi wau iloheela lohilao. Sababu otaawa lo Eeya ngoa̒amila pikiilangi wau otohilaa lo hilaanto. Wonu yio̒ mololohe to Eeya, Eeya maa odunggamu, bo wonu yio̒ mololaa mao̒ to Eeya, Eeya mamo potouli olemu u ohiheo-hiheolo mao̒.

BOHULO TAWARI 29:17

Otaawa lo watotia Eeya helotesi mai hilaa lo timii̒du ngotaalio wau Eeya motohilaa taa umantali hilaalio. Wolo hilao motulidu wau ihilasi wau hilao sanangi pilodewo mola lo watotia ngoa̒amilalo botie ode Eeya. Watotia malo sakusi woloolo mola umati lo Eeya tahi ambua tewe helodelo dewo limongolio ode Eeya wolo sanangi lohilao.

YEREMIA 17:9

Hilaa lo manusia diila otonapata, mailaba dadaata aakali u moleeto monto totoonulalo u hitua-tuawaua wau mailaba tiluhua ngongotio.

MATIUSI 9:4

Otaawa li Isa pikiilangi limongolio, oditolio Tio malo tahuda, “Yilongola pikiilangi limongoli malo odito leetio?

MARKUSI 2:8

Tou̒ boito olo ilotaawa li Isa pikiilangi limongolio. Lapatao̒ Tio lotahuda mao̒, “Yilongola timongoli hipo hihiintua odito todelomo hilaa limongoli?

YAHYA 1:42

Tei Andreas malo depita mota olei Simon odeli Isa. Ti Isa lolontonga olei Simon, lapatao̒ lotahuda mao̒, “yio̒ Simon, walae̒e Yona, yio̒ maunteelo Kepas.” (Kepas tutuuwauwa wolei Petrus, bolilio mao̒: hui̒dee botu.)

YAHYA 16:30

wau otaawa lo mongowatotia deu̒ otaawa lo Eeya totoonulalo u hitua-tuawua. Diila palalu penu boli ngotaa mao̒ mohintu wolo-wolo ode Eeya. Sababu uito mongowatotia palacaya to Eeya dungga-dungga mai lonto Allahu Taa̒ala.”

YAHYA 21:17

U otolulio ti Isa luli lotahuda mao̒ olio, “Simon walae̒e Yona, wolo yio̒ motolia̒ngo ola-U̒?” Tei Petrus masiluukali sababu ti Isa malohintu olio tunggula poo̒otolu. Yi tei Petrus luli lolametao̒, “Eeya, otaawa lo Eeya totoonulalo u hitua-tuawua. Otaawa lo Eeya watotia motolia̒ngo to Eeya!” Tulusi ti Isa lotahuda olio, “Biyaheelo ngoa̒amila himba-U̒.

YAHYA 4:16

“Ponao̒lo, mota tianga mai dilemu, lapatao̒ muli pohualingai,” tahuda mao̒ li Isa.

YAHYA 5:42

Oonuhe-U̒ timongoli. Otaawa-U̒ timongoli diila motolia̒nga to Allahu Taa̒ala todelomo hilaamu.

YAHYA 6:15

Otaawa li Isa timongolio malonao̒ monao̒ mai momakusa o-Lio mowali olongia limongolio. Sababu uito Tio malolahi ode madala ohuludu.

YAHYA 6:64

Bo debo woluo olo towolota limongoli tadiila mohuto palacaya.” (Mai̒lotaawa li Isa tou̒ bohulio mai titatita tadiila mohuto palacaya, wau tatoonu tamamo hiyanati o-Lio.)

WUNGGULI LOMONGO RASULU 1:24

Tulusi timongolio lodua̒. Timongolio loloi̒ya, “Yaa Eeya otaawa lo Eeya hilaa lotaa ngoa̒amila. Tei Yudas malodehu lonto huhuloa̒lio odelo rasulu wau mailate. Oditolio poi̒laalo mai ode mongowatotia, tatoonu to taduulota botie tatulaoto lo Eeya u wohiyalo tuugasi boito mobuulota wolei Yudas.”

WUNGGULI LOMONGO RASULU 15:8

Wau Allahu Taa̒ala tamotota hilaa lomanusia malo pobilohei deu̒ Tio lololimo olimongolio; Tio lopo bilohei sua̒li boito wolo longohi olimongolio Rohullah tutuuwauwa odelo u mailohi-Lio mai olanto olo.

TINGULI 31:21

wau dadaata baala tilahuo̒ ulaba-labaalo mamei dungga mao̒ tolimongolio. Bo lahu botie madebo polahuwola wau pomake odelo ososakusi ode limongolio. Tumbao̒ botia tou̒ timongolio diipo deloo-U̒ mota ode lipu u pilodanti-U̒ mai, otaawa-U̒ dalalo pikiilangi limongolio.”

IBRANI 4:13

Diaaluo mao̒ penu boli mahaluku tuwau utuutuo̒ monto bibilohu Allahu Taa̒ala. Totoonulalo u hitua-tuawua hilaalawa wau hibua̒de totalu-Lio. Wau ito musi mongohi titihulanto to o-Lio.

WAHI 2:23

Tahidudua̒ olio mapate-U̒ olo mate-mateelo mao̒ alihu ngoa̒amila jamaa̒ mongalati deu̒ Wau̒lo Tio molonea̒ pikiilangi wau hilaa lomanusia. Timongoli mabalasiya-U̒ modudua̒ huhutu limongoli ngota-ngota.

BOHULO SEMUEL 16:7

Bo Eeya malo tahuda mai odelei Semuel, “Yio̒ diila mao̒ oa̒anga lolakulio u gaaga wau molanggato wawai̒o; diila tio taa kahandakiyo-U̒. Wau̒ diila momilohe debo odelo bibilohio lo manusia. Manusia bo momilohe baya, bo Wau̒ momilohe hilao.”