YAHYA 2:23 - KITABI HABARI MOPIOHE

²³ Tou̒ ti Isa donggo to Yerusalemu tou̒ Lameyangi lo Paska, dadaata taa palacaya o-Lio sababu ngoa̒amila moo̒linggolabe u hepilohutu-Lio.

YAHYA 2:23 ပူးပေါင်းရင်းမြစ်များ

LUKASI 8:13

Bili u lobiihuta to hibotu-botua debo odelo taa u towakutu lodungohe habari boito, lololimo wolo hilaa sanangi. Bo habari boito diila longuwaa̒to todelomo hilaa limongolio. Timongolio palacaya bo ngopee̒ mola. Wau tou̒ yimontala meidungga timongolio momaahu.

YAHYA 11:45

Dadaata tau-tauwalo Yahudi talonao̒ mai lomilohe oli Maria, palacaya toli Isa tou̒ timongolio loo̒onto u lotoduo mai boito.

YAHYA 2:11

Ui-uitolo bohulo moo̒linggolabe u pilohutu li Isa. Tio lohutu uito to Kana to Galilea. Wolo tuoto boito Tio lopobilohe odudaa̒-Lio. Yi tahidudua̒ o-Lio palacaya o-Lio.

YAHYA 2:13

Tou̒ Dulahu Buka Paska lo Yahudi malembidei, ti Isa lonao̒ mola ode Yerusalemu.

YAHYA 3:2

Tou̒ huilio tuwau tio lonao̒ mai odeli Isa wau loloi̒ya mao̒, “Paaa̒ Guru, otaawa lamiaatia ti Paaa̒ tailao mai lo Allahu Taa̒ala. Sababu diaaluo penu boli ngotaa mao̒ tamowali mohutu u moo̒linggolabe debo odelo upilohutu li Paaa̒, Wonu Allahu Taa̒ala diila wolio.”

YAHYA 4:45

Bo tou̒ Tio leidungga mola ode Galilea, tau-tauwalo mola teto lolutulao̒ o-Lio wolo hiwengahe, sababu timongolio woluo to Yerusalemu to Dulahu Buka Paska, wau maloo̒onto ngoa̒amila u hepilohutu li Isa.

YAHYA 5:36

Bo u silakusiya-U̒ lebe udaa̒ mao̒ lou̒ silakusia lei Yahya. Wolo u masaatia pilohutu-U̒ botie, deu̒ito-yito kalaja u pilotuugasi mai li Paapa ola-U̒, u mopobukuti deu̒ ti Paapa malolao mai ola-U̒.

YAHYA 6:14

Tou̒ taa dadaata loo̒onto mao̒ moo̒linggolabe u pilohutu li Isa, timongolio malo loi̒ya, “Otutu, utieelo Nabi tahe halapuwolo meidungga mai ode dunia!”

YAHYA 6:2

Leidungga mola odito, dadaata talo dudua̒ o-Lio sababu timongolio maloo̒onto u moo̒linggolabu hepilohutu-Lio wolo lopoo̒luli tahi ngongota.

YAHYA 7:31

Dadaata towolota lotau-tauwalo boito mapilacaya o-Lio, wau hemoloi̒ya, “Wonu Olongia Tamoo-poa̒ahua boito meidungga mai, wolo Tio mowali mohutu lebe dadaata mao̒ u moo̒linggolabe wolo tau botie?”

GALATIA 5:6

Sababu wonu ito malo tituwau woli Isa Almasi, sua̒li modudua̒ meaalo diila modudua̒ wuu̒du lotuuna diilalo mowali sua̒li. U polohuna daa̒ bo palacaya wambao̒ li Almasi, wau uito oontonga todelomo tolia̒ngonto ode taawewo.

1 YAHYA 3:23

U pilomalenta-Lio mai to olanto yito: Ito musi palacaya to Wala-I̒o, deu̒ito-yito ti Isa Almasi, wau ito musi mototoo-lia̒nga, debo odelo umaa pilomalentai li Almasi to olanto.