YAHYA 2:21 - KITABI HABARI MOPIOHE

²¹ Bo Bele lo Eeya u milakusudu li Isa yito batanga-Lio lohihilao.

YAHYA 2:21 ပူးပေါင်းရင်းမြစ်များ

YAHYA 1:14

Tahuda malowali manusia, Tio bilubiluloa̒ to wolotanto, wau ito maloo̒onto odudaa̒-Lio. Odudaa̒ boito tilolimo-Lio odelo Walao̒ Allahu Taa̒ala tatuwa-tuwaulo. Lotimbulude o-Lio ito maloo̒onto Allahu Taa̒ala wau ponu-Lio ode olanto.

YAHYA 2:22

Oditolio lapatio mao̒, tou̒ ti Isa bilongu mai monto opopate, mai̒loe̒ela mola lo tahidudua̒ o-Lio deu̒ sua̒li boito mapee̒enta pilotahuda-Lio. Yi malo malacaya timongolio tou̒ wolo u tulatuladu todelomo Kitabi wau tou̒ wolo u tilahuda li Isa.

1 KORINTUS 3:16

Tingga otaawa lo Wutato deu̒ timongoli yito Bele lo Allahu Taa̒ala? Wau deu̒ Rohullah bilubiluloa̒ todelomi mongoli?

1 KORINTUS 6:19

Musi otaawa mao̒ limongoli deu̒ batangamu yito tambati potibiluloa̒ lo Rohullah. Rohu boito bilubiluloa̒ todelomi mongoli. Wau Allahu Taa̒ala lohihilaolo talongohi mai Rohu boito olimongoli. Batanga lo Wutato diila haku limongoli. Uito yito haku lo Allahu Taa̒ala.

2 KORINTUS 6:16

Wolo wumbutalio towolota Bele lo Eeya wolo bele lo balaahala? Ito botie Bele lo Eeya, deu̒ito-yito Allahu Taa̒ala tatumu-tumulo. Allahu Taa̒ala lohihilao lotahuda, “Wau̒ mamo tibiluloa̒ tohuungi mongolio, wau tumumulo pee̒-pee̒enta woli mongolio. Wau̒ mamowali Allahu Taa̒ala limongolio, wau timongolio mamowali umati-U̒.

KOLOSE 1:19

Allahu Taa̒ala lohihilaolo talo kahandaki alihu totoonulalo hitua-tuawua uwoluo tobatanga lo Allahu Taa̒ala, woluo olo wolo wimu-wimumuto tobatanga lo Wala-I̒o.

KOLOSE 2:9

Sababu ngoa̒amila watade lo Allahu Taa̒ala bilu-biluloa̒ toli Almasi, deu̒ito-yito to omanusia-Lio.

IBRANI 8:2

Tio helo kalaja mao̒ tuugasi odelo Iimamu Daa̒ to Huwali Leidaa̒ Laba-labaalo mantali, deu̒ito-yito todelomo kema lo Allahu Taa̒ala u tutuulio tutu, upilo tihulo Eeya, diila lo manusia.