YAHYA 2:12 - KITABI HABARI MOPIOHE

¹² Lapatao̒ uito ti Isa lonao̒ mola ode Kapernaum pee̒-pee̒enta woliilo-Lio, mongo wuta-Tio wau tahidudua̒ o-Lio. Timongolio lotibiluloa̒ mola teto dengolo hui mola hiheolio.

YAHYA 2:12 ပူးပေါင်းရင်းမြစ်များ

MATIUSI 11:23

Wau timongoli, Kapernaum! Wolo timongoli mapolaio̒-Lio demola sologa? Diila! Tumbao̒ timongoli matapiloolo ode nalaka! Sababu humayaalio totoonulalo moo̒linggolabe u pilohutu tohuungi mongoli boito mapilohutu to Sodom, Sodom boito donggo woluo tunggula botia!

MATIUSI 12:46

Tou̒ ti Isa donggo hemo bisala wolo taa dadaata boito, malonao̒ mai tiilo wau mongo wuta-Tio. Timongolio tilimihulao̒ to bulemengio sambela hipo tolopania alihu moo̒bisala wo-Lio.

MATIUSI 4:13

Tilolaa-Lio mao̒ Najaret, tulusi mola lotibiluloa̒ to Kapernaum tobiihu lo Bulalo Galilea tomadala Jebulon wau Naputali.

MARKUSI 6:3

Diila maa Tio botie walao̒ pani lo ayu, walai̒ Maria, wau wutatee Yakobus, Yoses, Yudas, wau Simon? Ooo̒, mongo wuta-Tio taabua woluo olo hibiluloa̒wa tewe.” Sababu uito timongolio diila lololimo o-Lio.

YAHYA 2:2

Ti Isa wolo tahidudua̒ o-Lio tiloduwolio olo ode potihunggu boito.

YAHYA 4:46

Lapatao̒ ti Isa luli lohualingo ode Kana to Galilea, tou̒toonu Tio mapee̒enta lomolio̒ taluhu lowali angguru. Tokota boito woluo pogawee ngota lo pamalenta, walai̒o donggo mongongoto to Kapernaum.

YAHYA 6:17

Lapatao̒ timongolio malo titae̒ tobulotu lobalango bulalo boito lotidulunga ode Kapernaum. Dulahu malo dio̒lomai ti Isa debo diipo leidungga mai ode limongolio.

1 KORINTUS 9:5

Wolo watia diila ohaku modelo ngotaalio dile taabua lo Nasara pee̒-pee̒enta wolaatia tononao̒ lowatia, debo odelo u pilohutu lomongo wutati Isa Eeya wau lomongo rasulu wewolio, leiwaito tei Petrus?

GALATIA 1:19

Watia diila lodunggaya wolo mongo rasulu wewo, ngopohia tei Yakobus, wutato Eeya.