YAHYA 2:11 - KITABI HABARI MOPIOHE

¹¹ Ui-uitolo bohulo moo̒linggolabe u pilohutu li Isa. Tio lohutu uito to Kana to Galilea. Wolo tuoto boito Tio lopobilohe odudaa̒-Lio. Yi tahidudua̒ o-Lio palacaya o-Lio.

YAHYA 2:11 ပူးပေါင်းရင်းမြစ်များ

BOHULO MONGO OLONGIA 17:24

Ti janda boito lolametao̒, “Botia bolo ilotaawa lowatia deu̒ ti Paaa̒ yito wato lo Allahu Taa̒ala wau loi̒ya li Paaa̒ boito memangi otutu lonto Eeya!”

JABURU 72:19

Ilopujiaalo mola tanggu-Lio u udaa̒ ohiheo-hiheolo mao̒; pohileaala dua̒ ngoilanggubu dunia mopolu mai wolo omumulia-Lio! Powaliilo mola odito. Amin!

JABURU 96:3

Wungguliyalo odudaa̒ lo Eeya ode babaa-ngusawalo, wau totoonulalo huhutu lo Eeya u molotolo boli buheli daa̒ to umati lomanusia.

PILOTIMUA̒TA 14:31

Tou̒ taulo Isirai̒lu loo̒onto mao̒ woloolo mola Eeya uwolo kawasaa-Lio daa̒ loo̒laahe taulo Masiri, timongolio helo linggolabe uleidaa̒ tilinggula palacaya to Olio wau to olei Musa wato-Lio boito.

PILOTIMUA̒TA 4:9

Wonu timongolio debo diipo olo mohuto palacaya to olemu eleponu maloo̒onto oluo lou̒ moo̒linggolabe botie, wau timongolio diila mohuto momandungi loi̒yamu, hamawa mao̒ taluhu ngoi̒di lonto dutulaa Nil wau huwata mola ode huta. Taluhu boito mamobolio̒ mowali duhu.”

TAMOO-HUTUBAWA 9:7

Ntali, polameloolo wambai̒o wau motiwengahu, yilumaalo anggurumu wolo wengahu. Allahu Taa̒ala diila okabalatani, tumbao̒ Eeya motuhatawa.

YESAYA 40:5

Yi odudaa̒ lo Eeya mapoi̒laalolo; ngoilanggubu umati lomanusia mamosakusi mao̒. Otutu, Eeya lohihilao malodanti mai!”

MALEAKHI 2:2

Pohulumatilo to Olau̒ wolo huhutuumu. Wonu timongoli diila mohuto modungohe tahudaa-U̒, timongoli malaa̒natiya-U̒. Ngoa̒amilalo u tilolimo limongoli odelo lijiki mamobolio̒ mowali laa̒nati. Tutuulio tutu, ngoa̒amila u mopiohe boito mailana̒aati-U̒, sababu timongolio diila lomandungi palentaa-U̒.

YAHYA 1:14

Tahuda malowali manusia, Tio bilubiluloa̒ to wolotanto, wau ito maloo̒onto odudaa̒-Lio. Odudaa̒ boito tilolimo-Lio odelo Walao̒ Allahu Taa̒ala tatuwa-tuwaulo. Lotimbulude o-Lio ito maloo̒onto Allahu Taa̒ala wau ponu-Lio ode olanto.

YAHYA 1:17

Butoo̒ Eeya tilolimonto lotimbulude olei Musa. Bo ponu wau otatapu wau olootolo hilao lo Allahu Taa̒ala piloi̒laalo lotimbulude li Isa Almasi.

YAHYA 1:43

Loloombulio mola ti Isa lolantu mao̒ u monao̒ ode Galilea. Tio lodunggaya wolei Pilipus wau lotahuda mao̒ olio, “Dulo dudui̒ mai Wau̒!”

YAHYA 1:50

Ti Isa lotahuda mao̒, “Yio̒ palacaya, bo sababu Wau̒ loloi̒ya mai deu̒ Wau̒ maloo̒onto olemu towalungo bungo lo ara boito? Susuu-aliyaala ulebe udaa̒ mao̒ tutu woleeto mao̒ontongamu!”

YAHYA 10:41

Dadaata tau lonao̒ mai ode o-Lio. Timongolio malo loi̒ya. “Tei Yahya diila helohutu momoo̒-linggolabeyalo, bo ngoa̒amila uiloi̒yaalio pasali lotau botie otutu.”

YAHYA 11:15

Bo Wau̒ sanangi olo deu̒ Wau̒ diaaluo mola teto, sababu lebe mopioheo̒ olimongoli, alihu timongoli moo̒ palacaya. Duloolo ito monao̒ mota botia odelei Lajarus.”

YAHYA 11:47

Sababu uito tau-tauwalo Parisi wau mongo iimamu tau̒wa malohutu dudunggaya wolo Mahakama Agama. Timongolio loloi̒ya, “Wolo umusi pohutuwonto? Tau botie malohutu dadaata u moo̒linggolabu!

YAHYA 12:18

Uito sababulio taa dadaata boito lonao̒ mota odeli Isa sababu timongolio loo̒dungohu deu̒ maa Tiolo talohutu u moo̒linggolabe boito.

YAHYA 12:37

Eleponu madadaata u moo̒linggolabe hepilohutu li Isa totalu limongolio, timongolio debo diila palacaya o-Lio.

YAHYA 12:41

Tei Yesaya loloi̒ya odito sababu tio maloo̒onto odudaa̒ li Isa, wau helo bisala tomimbihu o-Lio.

YAHYA 14:13

Wau penu boli wolo upohile limongoli to tanggulu-U̒, uito mapo hutuwo-U̒ mai olimongoli, alihu ti Paapa-U̒ pou̒daa̒alo moli Walao̒.

YAHYA 16:27

sababu ti Paapa-U̒ lohihilao momonu olimongoli. Tio momonu olimongoli sababu timongoli motolia̒nga ola-U̒, wau palacaya deu̒ Wau̒ dungga-dungga mai lonto li Paapa-U̒.

YAHYA 16:30

wau otaawa lo mongowatotia deu̒ otaawa lo Eeya totoonulalo u hitua-tuawua. Diila palalu penu boli ngotaa mao̒ mohintu wolo-wolo ode Eeya. Sababu uito mongowatotia palacaya to Eeya dungga-dungga mai lonto Allahu Taa̒ala.”

YAHYA 2:1

Duuhui mola lapatio mao̒ woluo potihunggu lonika tokota Kana to Galilea, wau tiilo li Isa woluo mola teto.

YAHYA 2:23

Tou̒ ti Isa donggo to Yerusalemu tou̒ Lameyangi lo Paska, dadaata taa palacaya o-Lio sababu ngoa̒amila moo̒linggolabe u hepilohutu-Lio.

YAHYA 3:2

Tou̒ huilio tuwau tio lonao̒ mai odeli Isa wau loloi̒ya mao̒, “Paaa̒ Guru, otaawa lamiaatia ti Paaa̒ tailao mai lo Allahu Taa̒ala. Sababu diaaluo penu boli ngotaa mao̒ tamowali mohutu u moo̒linggolabe debo odelo upilohutu li Paaa̒, Wonu Allahu Taa̒ala diila wolio.”

YAHYA 4:3

Tou̒ ilotaawa li Isa deu̒ tau-tauwalo Parisi maloo̒ dungohu pasali losua̒li boito, Tio malo monggato lonto Yudea lohualinga ode Galilea.

YAHYA 4:46

Lapatao̒ ti Isa luli lohualingo ode Kana to Galilea, tou̒toonu Tio mapee̒enta lomolio̒ taluhu lowali angguru. Tokota boito woluo pogawee ngota lo pamalenta, walai̒o donggo mongongoto to Kapernaum.

YAHYA 4:54

Uitolo u moo̒linggolabe oluolio u pilohutu li Isa to Galilea tou̒ dudunggaa-Lio mai lonto Yudea.

YAHYA 5:23

Allahu Taa̒ala lohutu uito alihu ngoa̒amila tau mohulumati to Walao̒ debo odelo timongolio mohulumati to Allahu Taa̒ala. Taa diila mohulumati to Walao̒ diila mohulumati olo to Allahu Taa̒ala tamalolao mai to Walao̒.

YAHYA 6:14

Tou̒ taa dadaata loo̒onto mao̒ moo̒linggolabe u pilohutu li Isa, timongolio malo loi̒ya, “Otutu, utieelo Nabi tahe halapuwolo meidungga mai ode dunia!”

YAHYA 6:2

Leidungga mola odito, dadaata talo dudua̒ o-Lio sababu timongolio maloo̒onto u moo̒linggolabu hepilohutu-Lio wolo lopoo̒luli tahi ngongota.

YAHYA 6:26

Ti Isa lolametao̒, “Otutu, timongoli hemo lolohe ola-U̒ diila bo sababu timongoli malo ngalati makusudu totoonulalo moo̒linggolabe u hepilohutu-U̒, bo sababu timongoli malo lamela tunggula lobutuhu.

YAHYA 6:30

“Wonu odito,” uali mongolio, “bukuti wolo u mowali wohi mai li Paaa̒ alihu amiaatia moo̒onto wau palacaya li Paaa̒? Wolo u mapohutuo li Paaa̒?

YAHYA 7:31

Dadaata towolota lotau-tauwalo boito mapilacaya o-Lio, wau hemoloi̒ya, “Wonu Olongia Tamoo-poa̒ahua boito meidungga mai, wolo Tio mowali mohutu lebe dadaata mao̒ u moo̒linggolabe wolo tau botie?”

YAHYA 9:16

Dengolo lota towolota tau-tauwalo Parisi boito loloi̒ya, “Diila pongalo aakali taa ulohutu utie asaliilio mai lonto Allahu Taa̒ala, sababu Tio diila momandungi dulahu Saabati.” Bo taa wewo loloi̒ya, “Diila pongalo aakali taa odusa mohutu momoo̒-linggolabeyalo debo odelo utie?” Lapatao̒ tilumoodulo mola huhama u hihiihede towolota limongolio.

2 KORINTUS 3:18

Masaatia bayanto ngoa̒amila diila tilau̒be lo beleu̒to, wau ito mopo bulilangao̒ otinelo mobaango tutu li Isa Eeya. Wau masababu uito ito mololaalaaita bolio̒lo mowali debo odelo Tio; lebe hihiiheo mao̒ ito mowali helebe motinelo mobaango tutu. Otinelo mobaango tutu boito monto Rohu, wau Rohu boito yito Eeya.

2 KORINTUS 4:17

Wau osuusa udiila de mangolo botie, u ilolaasawa lamiaatia u donggo pohu-pohutu, mamongohi mai tilapulo olamiaatia tuwaulio osanangi tutu upolu-polutuo̒ wau bakaa. Osanangi tutu boito lebe udaa̒ mao̒ wonu pobandingio mola wolo osuusa boito lohihilao.

2 KORINTUS 4:6

Allahu Taa̒ala talo tahuda, “Mamusi monto delomo dio̒lomo mobutu mai tilango,” Allahu Taa̒ala boitolo olo tamo pobutu mai tilango boito todelomo hilaanto, alihu pikiilanginto, mowali mobaangai u momaahamu otinelo mobaango tutu lo Allahu Taa̒ala u tinetinelo tobaya li Almasi.

TINGULI 5:24

Uali mongolio mao̒, ‘Eeya Allahu Taa̒alanto malo pobilohei odudaa̒ wau ololama-Hio tou̒ ami loo̒dungohe helo tahuda mai lonto tulu. Todulahee botie ami malo sakusi deu̒ memangi otanu ode manusia u debo tumu-tumulo, eleponu Allahu Taa̒ala malo tahuda mao̒ olio.

1 YAHYA 5:13

Watia loluladei olimongoli tapalacaya to Walao̒ Allahu Taa̒ala, alihu otaawa limongoli deu̒ timongoli mai̒lo tutumulo u tutuulio tutu wau ohiheo-hiheolo mao̒.