YAHYA 2:10 - KITABI HABARI MOPIOHE

¹⁰ tulusi lotahuda mao̒ olio, “Biasaalio tau mopo hintapo angguru umopiohe daa̒ meimulo wau wonu tahe tiloduo malotolu longilu, deu̒ito angguru ubiasa. Bo Wutato lolahu angguru u mopiohe daa̒ tunggula botia!”

YAHYA 2:10 ပူးပေါင်းရင်းမြစ်များ

ILOOWALI 43:34

Timongolio yilohiyalio ua̒alo lonto meja lei Yusu, wau tei Benyamin yilintalio poo̒olimo daatalio wolo mongo mohuhulalio. Tulusi malo lamela wau longilu timongolio pee̒-pee̒enta wolei Yusu tilinggula lotolu-toluulo mao̒.

JABURU 104:15

wau ilotilapulo taluhu lo angguru u loo̒sanangi. Wau olo winulo jaitun ulohutu bayaalio ilumoyomo, wau ua̒alo u mongohi olio lotolo.

LAHU MOLAMAHU 5:1

Wau̒ lonao̒ mai ode ilengiu̒, dinda, bulaintitiu̒, yilimou̒uu̒ damahu moonu wau ramba-rambaau̒; tilameluu̒ beelea lotiia̒ wau hula lotiia̒au̒, yililumuu̒ susu wau taluhu lo angguruu̒. Polamelo wau pongilulo, mongo sahaabati, pongilulo tunggula huwoa̒alo pongolaasa motohilaa daa̒.

MATIUSI 24:49

‘Tuani watia donggo mohiheo bolo mohualingai,’ tulusi tio mamomate tahi pomayawa wewo, wau molamela mongilu wolo tahi huwoa̒alo.

LUKASI 12:45

Bo wonu tamoomayawa boito moloi̒ya todelomo hilaalio, ‘Tuani donggo mohiheo watia mohualingai,’ tulusi tio momate ngoa̒amila tamomayawa wau molamelo mongilu tunggula huwoa̒alo,

LUKASI 16:25

Bo tei Abraham lolameto, ‘Eelai mao̒ walau̒uu̒: ngotupa lo tutumulumu yio̒ maloo̒tapu ngoa̒amila u hipiiohe, hiambola tei Lajarus loo̒tapu u hileeleeta. Masaatia tio sanangi teea, wau yio̒ sikisa.

WUNGGULI LOMONGO RASULU 2:15

Tau-tauwala botie diila hihuwoa̒, debo odelo helantobu limongoli; sababu botia boheli jamu sambila dumodupo.

1 KORINTUS 11:21

Sababu tou̒ hipolamela, timongoli ngota-ngota wawaahua mohama ua̒alolio lohihilao, dilumutu woluo tadiila loo̒tapu wolo-wolo, hiambola tawewolio bolo hehuwoa̒alo.

EPESUS 5:18

Diila mao̒ potihuwoo̒ lo angguru timongoli, sababu uito mamoo̒luusa olimongoli. Bolii̒o mao̒, mamusi timongoli kiluwaasa lo Rohullah.

1 TESALONIKA 5:7

Tou̒ hui tau motuluhu, wau tou̒ hui olo tau mowali huwoa̒alo.

WAHI 17:2

Mongo olongia lodunia helohutu huloto wolio, wau tuango dunia lowali hiluwoa̒a sababu longilu angguru polo hulotolio.”

WAHI 17:6

Lapatao̒ watia loo̒onto deu̒ taabua boito hiluwoaa̒ wolo duhu umati lo Allahu Taa̒ala wau duhu lotau-tauwalo tapilate yila-yilateelo mao̒ sababu tatapu wau molotolo hilao toli li Isa. Tou̒ watia loo̒onto taabua boito, watia lolinggolabu daa̒.