YAHYA 19:9 - KITABI HABARI MOPIOHE

⁹ Yi tio luli tilumuwoto ode delomo bele biluloa̒ saaha li olongia wau lapatao̒ ti Isa pilotuotio mai, tei Pilatus lohintu mao̒ o-Lio, “Lonto utoonu mai asalii-Mu?” Boti Isa diila lolameto.

YAHYA 19:9 ပူးပေါင်းရင်းမြစ်များ

YESAYA 53:7

Tio pilohutulio lou̒ diila omanusia, bo bilantalio wolo sabali. Tio diila lomuo̒ tunggilio debo odelo walao̒ himba u dilelo ode pongolotalo meaambo tiilo lohimba u iluluhe lambutio.

MATIUSI 26:63

Boti Isa wambao̒ lotipoo̒oyo. Donggo pee̒entapo ti iimamu daa̒ loloi̒ya mao̒ o-Lio, “Domi Allahu Taa̒ala tatumu-tumulo, polelea mai olami wolo Yio̒ botie Olongia Tamoo-poa̒ahua, Walao̒ Allahu Taa̒ala?”

MATIUSI 27:27

Lapatao̒ mongo pajule lei Pilaatu malodelo mota li Isa tilumuwoto ode bele biluloa̒ li gubolonulu, wau ngoa̒amila pasukani lotia̒mbu to palito li Isa.

LUKASI 23:9

Sababu uito tei Herodes heloo̒woli mao̒ dadaata yiyintu ode o-Lio, boti Isa diila pee̒enta mao̒ lolameto.

YAHYA 18:28

Didimodupo daa̒ timongolio lodelo mota li Isa lonto bele lei Kayapas ode bele biluloa̒ saaha li Gubolonulu. Tau-tauwalo Yahudi lohihilao diila tilumuwoto ode delomo bele biluloa̒ saaha li olongia, alihu timongolio diila mowali najisi moduduo̒ dudelo lo agama, sababu timongolio ohilaa molamela ua̒alo lo Paska.

YAHYA 18:33

Tei Pilatus luli tilumuwoto ode bele biluloa̒ saaha li olongia wau lotiangao̒ li Isa, lapatao̒ malohintu, “Wolo Yio̒ olongia taulo Yahudi?”

YAHYA 18:34

Ti Isa lolametao̒, “Wolo yiyintu botie lonto olemu lohihilao meaalo woluo taawewo tamalo poo̒taa mai olemu tomimbihu ola-U̒?”

YAHYA 18:37

Yi tei Pilatus lohintu mao̒ o-Lio, “Wonu odito, Yio̒ botie olongia?” Ti Isa lolametao̒, “Yio̒ loloi̒ya deu̒ Wau̒ botie olongia. Wau̒ pilotutulio wau dungga-dungga mai ode dunia wolo makusudu tuwau, deu̒ito-yito mai mongohi sakusi pasali lo obobanali. Taa monto obobanali boito mamo dungohe ola-U̒.”

YAHYA 19:10

Oditolio tei Pilatus luli loloi̒ya mao̒, “Yio̒ diila mohuto mobisala wolau̒? Ototai mao̒ wau̒ okawasa molopata ole-Mu, wau okawasa moposalipu ole-Mu!”

YAHYA 19:8

Tou̒ tei Pilatus loo̒dungohe olimongolio loloi̒ya odito, yi malebe yiloohe tio.

YAHYA 8:14

Ti Isa lolametao̒, “Eleponu Wau̒ mongohi mai sakusi pasali lo batanga-U̒ lohihilao, sakusi-U̒ boito otutu; sababu otaawa-U̒ lonto utoonu mai dudunggaa-U̒ wau ode utoonu nonao̒o-U̒. Diila otaawa limongoli lonto utoonu mai dudunggaa-U̒, wau ode utoonu nonao̒o-U̒.

PILIPI 1:28

Mamusi timongoli laito buheli; diila mao̒ oohe to tahi potuwalia olimongoli. Lou̒ odito timongoli mopo biloheo̒ deu̒ timongolio tantu mao̒laahe, wau timongoli mamoo̒haama, sababu Allahu Taa̒ala lohihilaolo talo poo̒haama olimongoli.

MONGO HAKIMU 13:6

Lapatao̒ uito dile lei Manoah lonao̒ ode dilelio wau loloi̒ya mao̒, “Kanda, woluo utolia lo Allahu Taa̒ala lonao̒ mai ode laatia; uanggu debo odelo malai̒kati lo Allahu Taa̒ala, tilinggula watia mailoohe. Watia diila lohintu wonu lonto utoonu mai tio, wau tio olo diila lopoo̒taa mai tanggulio ode laatia.