YAHYA 19:7 - KITABI HABARI MOPIOHE

⁷ Tau-tauwalo Yahudi boito lolametao̒, “Modudua̒ butoo̒ lamiaatia Tio musi hukuu-maniyolo mate-mateelo mao̒ sababu Tio longaku batanga-Lio Walao̒ Allahu Taa̒ala.”

YAHYA 19:7 ပူးပေါင်းရင်းမြစ်များ

YESAYA 53:4

Tutuulio tutu ngongotonto wambao̒ u bilantalio, dudutolonto wambao̒ u dilutolaalio, lebe-lebe pomao̒ he lantobunto dudutolio boito hukuumani lo Allahu Taa̒ala de olio.

IMAAMATI 24:16

wau hukuu-maniyolo mate. Boli tita tamo laa̒anati to Eeya musi pai̒yolo wolo botu tunggula mate lo ngoilanggubu jamaa̒. Butoo̒ boito pohu-pohutu ode taulo Isirai̒lu meaalo ode tau deli tamalo titatapu to Isirai̒lu.

MARKUSI 15:39

Polowila tatihu-tihula totalu lo ayu salipu boito, loo̒onto mao̒ woloolo mola ti Isa yilate. Polowila boito malo loi̒ya, “Memangi otutu tau botie Walao̒ Allahu Taa̒ala!”

YAHYA 19:8

Tou̒ tei Pilatus loo̒dungohe olimongolio loloi̒ya odito, yi malebe yiloohe tio.

YAHYA 5:18

Tahuda boito maloo̒ sababu to tahidihima kawasa lo Yahudi lebe mao̒ hipo tolopania u momate o-Lio mate-mateelo mao̒. Timongolio lohutu uito, diila bo sababu u Tio lolambanga wuu̒du lo agama tomimbihu dulahu Saabati, bo olo kalana Tio malo tahuda deu̒ Allahu Taa̒ala boito ti Paapa-Lio; boliilio mao̒ Tio mopo tutuuwauwa batanga-Lio wolo Allahu Taa̒ala.

WUNGGULI LOMONGO RASULU 18:13

Timongolio lopo dudulao̒ lo dudulohe botie, “Tau botie helo heinga taa dadaata alihu molubo Allahu Taa̒ala wolo pohuli u bubuu-lemenga wolo butoe̒e Musa!”

ROMA 1:4

bo debo odelo watade lo Eeya, Tio yito malo ilaalo walao̒ Allahu Taa̒ala. Uito ilobukuti wolo kawasa upolu-polutuo̒ lotimbulude to obobongu-Lio mai tou̒ mailate mao̒.

TINGULI 18:20

Bo wonu ngotaalio lo nabi buheli mopo tunggulao̒ tahuli tuwau to tanggulu-U̒ lebe-lebe pomao̒ Wau̒ diila lopoa̒hu olio mohutu mao̒ odito, yi tio musi mate; odito olo timii̒du nabi tamo bisala to tanggulo ila-ila wewo musi mate.’