YAHYA 19:6 - KITABI HABARI MOPIOHE

⁶ Tou̒ mongo iimamu tauwa wau tahi pokawalia boito loo̒onto li Isa, timongolio malo nguwatio̒ mola, “Salipuwalo Tio! Salipuwalo Tio!” Tei Pilatus loloi̒ya mao̒ ode limongolio, “Hamaawa mota Tio, wau salipuwalo limongoli lohihilao, Tio diila piloo̒ tapulau̒ totala penu boli tuwau mao̒.”

YAHYA 19:6 ပူးပေါင်းရင်းမြစ်များ

MATIUSI 26:58

Tei Petrus loduduo̒ li Isa lonto u molamingo demota paango lobele li iimamu daa̒. Lapatao̒ tei Petrus tilumuwoto ode delomo paango boito wau lotihuloa̒a pee̒-pee̒enta wolo tahi pokawalia. Tio ohilaa motota woloolo mola ngoa̒amilalo boito de pulitio mao̒.

MATIUSI 27:22

“Wonu odito, wolo u musi pohutuwou̒ woli Isa tai̒lunte Almasi?” yilintu lei Pilaatu olimongolio. “Salipuwalo Tio!” uali mongolio ngoa̒amila.

MATIUSI 27:24

Pulitio mao̒ tei Pilaatu malongalati deu̒ tio diilalo mowali mohutu wolo-wolo wau deu̒ tau-tauwalo boito tanu mamo malakala. Oditolio tio malohama mai taluhu, tulusi totalu lotaa dadaata boito yilulowalio uluu̒lio wau loloi̒ya, “Wau̒ diila momanta tau botie mate! Uito uluusani limongoli!”

LUKASI 23:4

Yi loi̒ya mao̒ lei Pilatus ode mongo iimamu tau̒wa wau taa dadaata boito, “Wau̒ diila loo̒tapu totala penu boli tuwau mao̒ totau botie u pohukuu-maniyalo o-Lio.”

YAHYA 18:3

Yi tei Yudas lonao̒ mota ode tambati boito wolo ngopasuukani suludadu lo Romawi wau dengolo lota tamoo-kawalia Bele lo Eeya tai̒lahula lomongo iimamu tauwa wau tau-tauwalo Parisi. Timongolio hideloa tingolo, lantera wau molongo.

YAHYA 18:31

Tei Pilatus loi̒ya mao̒ olimongolio, “Hamaalo mota Tio wau butoi̒lo mao̒ Tio moduduo̒ butoi̒ mongoli lohihilao!” Bo tau-tauwalo Yahudi boito lolametao̒, “Amiaatia diila mowali mohukuumani mate totau.” (

YAHYA 18:38

Tei Pilatus lohintu o-Lio, “Wolo boliilio obobanali?” Lapatao̒ tei Pilatus luli yilumualo lonto bele biluloa̒ saaha li olongia wau loloi̒ya mao̒ ode tau-tauwalo Yahudi, “Wau̒ diila loo̒tapu totala penu boli tuwau mao̒ lonto o-Lio.

YAHYA 19:15

Timongolio hiwuwa-wuwaatia̒, “Pateyalo Tio mate-mateelo mao̒! Pateyalo Tio mate-mateelo mao̒! Salipuwalo Tio!” Tei Pilatus lohintu mao̒, “Tingga wajibu wau̒ mosalipu mao̒ olongia limongoli?” Mongo iimamu tauwa malo lametao̒, “Boti Kaisari wambao̒ tuwa-tuwaulo olongia lamiaatia!”

YAHYA 19:4

Lapatao̒ uito tei Pilatus pee̒entapo yilumualai wau loloi̒ya ode taa dadaata, “Bilohilo! Wau̒ lodelo mai o-Lio ode bulemengio ode limongoli, alihu otaawa mao̒ limongoli Tio diila piloo̒ tapulau̒ totala penu boli tuwau mao̒.”

WUNGGULI LOMONGO RASULU 2:23

Lotuuu̒de wolo lanjana-Lio lohihilao, Allahu Taa̒ala malolantu u mohudu li Isa ode limongoli. Wau tou̒ Tio yiludu mai, timongoli lomate o-Lio yila-yilateelo mao̒, wolo lopoluli totau-tauwalo tahileeta boito lopo salipu o-Lio.

WUNGGULI LOMONGO RASULU 7:52

Wolo woluo nabi tadiila ilalinaya linenemoya limongoli? Timongolio helomate mongo utolia lo Allahu Taa̒ala yila-yilateelo mao̒ u muloololio mai daa̒ malopo malalumu deu̒ Wato lo Allahu Taa̒ala tao̒tutu boito madungga-dungga mai. Wau botia timongoli lohiyanati wau lomate yila-yilateelo mao̒ Wato lo Allahu Taa̒ala boito.