YAHYA 19:5 - KITABI HABARI MOPIOHE

⁵ Yi ti Isa yilumualao̒ wolo pakepake makuta duhi wau jumba lailoumu. Lapatao̒ tei Pilatus loloi̒ya ode limongolio, “Bilohilo tau boito.”

YAHYA 19:5 ပူးပေါင်းရင်းမြစ်များ

YESAYA 40:9

Pobotuloolo mola ode yitaato hui̒dee u molanggato, wau pomala-lumualo habari mopiohe ode Yerusalemu! Pongiibodulo wolo suala moo̒ohuu̒, wau pomala-lumualo habari mopiohe ode Sion! Poleleaalo to kokoo-tawaalo Yehuda deu̒ Allahu Taa̒ala limongolio mamei dungga!

YESAYA 43:1

Isirai̒lu, odie mola tahuda mai lo Eeya, “Wau̒ulo talo powali wau lohutu mai olemu, diila mao̒ oohe, yio̒ tantu poa̒ahuwo-U̒ mai! Wau̒ malo tianga olemu wolo tanggulumu, yio̒ yito milikii-U̒.

YESAYA 7:14

Botia, Eeya lohihilao mamongohi mai tuoto olemu: Ngotaalio tadulahu tabanta-bantaala mamo potutu mai ngotaalio talolai̒ tau̒nteelio Imanuel.

HIYONGO MOPOILAALO SUUSA 1:12

“Wuu tau-tauwalo tahilaode to dalalo, bilohilo wau poo̒tuotalo! Tingga woluo sikisa debo odelo dilutolau̒ u dilutola lowatia botia, sikisa u pilopo dungga mai lo Eeya odelaatia, sababu mulakaa-Lio u mailaba udaa̒ boito?

MATIUSI 27:29

Timongolio lohutu mao̒ makuta tuwau lonto tango kekeei̒ oduhi, wau pilopo hulilio to lunggongi Isa. Lapatao̒ pilopo dihu limongolio tunggudu ngoputu ti Isa to uluu̒-Lio olowala, tulusi timongolio malo tibonggohu totalu-Lio wau lohentea̒ o-Lio. “Salamu Olongia Taulo Yahudi!” uali mongolio.

YAHYA 1:29

Loloombulio mola, tei Yahya loo̒onto li Isa lonao̒ mai ode olio. Tulusi tei Yahya loloi̒ya mao̒, “Bilohi, boi-boitolo Walao̒ Himba lo Allahu Taa̒ala tamo luluto dusa lodunia.

YAHYA 19:2

Mongo pajule lohutu mao̒ makuta lonto tataa-ngowaalo kekeei̒ u oduhi, lapatao̒ lopohuli to lunggongi Isa, lapatao̒ uito timongolio lopopake mao̒ o-Lio jumba lailoumu,

IBRANI 12:2

Mamusi bibilohunto duludulunga odeli Isa, sababu Tiolo talo pobongu mai iimaninto wau lolaalao̒ tou̒ bohuliolo mai dilumutu pulitio. Ti Isa tatapu owowoluwoalio lodutolo to ayu salipu! Tio diila paduli deu̒ mate to ayu salipu boito yito tala tuwau sua̒li umoo̒olito. Tio bo hemoe̒ela mola oweengahe umaa olasaa-Lio lapatio mao̒. Masaatia Tio hulohuloa̒ to ambahu olowala totambati huhuloa̒lo Allahu Taa̒ala wau hemo malenta pee̒-pee̒enta wo-Lio.