YAHYA 19:4 - KITABI HABARI MOPIOHE

⁴ Lapatao̒ uito tei Pilatus pee̒entapo yilumualai wau loloi̒ya ode taa dadaata, “Bilohilo! Wau̒ lodelo mai o-Lio ode bulemengio ode limongoli, alihu otaawa mao̒ limongoli Tio diila piloo̒ tapulau̒ totala penu boli tuwau mao̒.”

YAHYA 19:4 ပူးပေါင်းရင်းမြစ်များ

MATIUSI 27:19

Tou̒ tei Pilaatu donggo hulo-huloa̒a tohudungu polomutoo̒, dilelio lolahuli mao̒ utie olio, “Diila mao̒ pou̒ulambohe yio̒ to palakala lotaa diila ototala boito, masababu Tio, wau̒ loo̒ tohiilopo u moo̒tihela hapato todulahee botie.”

MATIUSI 27:24

Pulitio mao̒ tei Pilaatu malongalati deu̒ tio diilalo mowali mohutu wolo-wolo wau deu̒ tau-tauwalo boito tanu mamo malakala. Oditolio tio malohama mai taluhu, tulusi totalu lotaa dadaata boito yilulowalio uluu̒lio wau loloi̒ya, “Wau̒ diila momanta tau botie mate! Uito uluusani limongoli!”

MATIUSI 27:4

Tio loloi̒ya mao̒, “Watia mai̒lodusa lohiyanati taa diila ototala tunggula Tio hilukuumani yila-yilateelo mao̒!” Bo timongolio malo lameto, “Pongolaa lami? Uito ulusanimu!”

MATIUSI 27:54

Tau̒wa lo pasukani pee̒-pee̒enta wolo mongo pajule tadonggo hidahawa li Isa mailoohe daa̒ tou̒ loo̒onto liluhu, wau ngoa̒amila u lotoduo mai boito. Timongolio hipo loi̒yawa, “Otutu, Tio botie Walao̒ Allahu Taa̒ala!”

LUKASI 23:4

Yi loi̒ya mao̒ lei Pilatus ode mongo iimamu tau̒wa wau taa dadaata boito, “Wau̒ diila loo̒tapu totala penu boli tuwau mao̒ totau botie u pohukuu-maniyalo o-Lio.”

LUKASI 23:41

Bo hukuu-maninto duulota memangi malo tuuu̒de wolo huhutuunto. Bo Tio sama-samaata diila ototala!”

LUKASI 23:47

Tou̒ polowila lo pasukani loo̒onto wolo u mailowali, tio malomuji Allahu Taa̒ala. Tulusi tio loloi̒ya, “Otutu Tio diila ototala!”

YAHYA 18:33

Tei Pilatus luli tilumuwoto ode bele biluloa̒ saaha li olongia wau lotiangao̒ li Isa, lapatao̒ malohintu, “Wolo Yio̒ olongia taulo Yahudi?”

YAHYA 18:38

Tei Pilatus lohintu o-Lio, “Wolo boliilio obobanali?” Lapatao̒ tei Pilatus luli yilumualo lonto bele biluloa̒ saaha li olongia wau loloi̒ya mao̒ ode tau-tauwalo Yahudi, “Wau̒ diila loo̒tapu totala penu boli tuwau mao̒ lonto o-Lio.

YAHYA 19:6

Tou̒ mongo iimamu tauwa wau tahi pokawalia boito loo̒onto li Isa, timongolio malo nguwatio̒ mola, “Salipuwalo Tio! Salipuwalo Tio!” Tei Pilatus loloi̒ya mao̒ ode limongolio, “Hamaawa mota Tio, wau salipuwalo limongoli lohihilao, Tio diila piloo̒ tapulau̒ totala penu boli tuwau mao̒.”

2 KORINTUS 5:21

Ti Almasi diila odusa, bo Allahu Taa̒ala lohutu mai o-Lio lomanta dusanto, alihu ito muli mopiiohe wolo Allahu Taa̒ala sababu lotituwau woli Almasi.

IBRANI 7:26

Oditolio, ti Isa boitolo ti Iimamu Daa̒ tapalaa-luwonto. Tio mantali, to o-Lio diila odungga totala meaalo penu boli dusa wolo. Tio pilohalahu lonto tahi oduusawa, wau pilobotulo demola tambati ulebe molanggato wolo ngoa̒amilalo hulungo.

1 PETRUS 1:19

bo hitua-tuawua u ohalaga daa̒; deu̒ito-yito batanga li Almasi lohihilao, ulowali odelo himba u pilobake ode Allahu Taa̒ala lou̒ diila o aibu wau henteo̒.

1 PETRUS 2:22

Tio diila pee̒enta mao̒ helohutu dusa, wau diila pee̒enta mao̒ olo penu boli ngotaa loo̒dungohe o-Lio helo himbulo.

1 PETRUS 3:18

Sababu ti Almasi lohihilao yilate bo pee̒enta wambao̒, u ohiheo-hiheolo mao̒ sababu dusa lomanusia – ngotaalio tadiila ototala, yilate ode taa ototala. Ti Almasi lohutu uito alihu Tio mowali modelo olimongoli ode Allahu Taa̒ala. Tio pilatelio yila-yilateelo mao̒ delo pohuli lobatanga, bo luli pilotumulai delo pohuli lo rohu.

1 YAHYA 3:5

Otaawa limongoli deu̒ ti Almasi meidungga mai moluluta dusa lomanusia, wau deu̒ diaaluo dusa todelomo batanga-Lio.