YAHYA 19:34 - KITABI HABARI MOPIOHE

³⁴ Bo tutua̒lobu li Isa hebiletui̒o wolo totobuo̒ lo ngotaalio lomongo pajule boito; wau hua̒a yilumualai duhu wau taluhu.

YAHYA 19:34 ပူးပေါင်းရင်းမြစ်များ

JABURU 51:7

Tutuulio mao̒ tutu, watotia moleeto tumulalo pilotutulio mai, wau ilodusa tumulalo mai todelomo talomo.

YEHESKIEL 36:25

Lapatao̒ uito timongoli maputata-U̒ lo taluhee moolango, alihu timongoli belesi monto totoonulalo balaahalamu wau monto totoonulalo hitua-tuawua umalo pokootolo olimongoli.

JAKARIA 12:10

Lapatao̒ wali mai lei Dauda boli ulipu lo Yerusalemu mahiya-U̒ hilao u motohilaa motolia̒ngo wau motohilaa modua̒. Timongolio mamoo̒onto olio tamaa ngilamo limongolio wau hiliyongolio debo odelo taa lohiliyongao̒ opopate lo walai̒o bo tuwa-tuwaulo. Timongolio mahumoyongo wolo mooloolo daa̒, debo odelo taa u mai̒loolia lowalao̒ tamohuhula daa̒.

JAKARIA 13:1

Eeya Taa Laba-labaalo kawasa lotahuda, “To dulahee boito mamo pentelai butu lotaluhu tuwau u mopo mantali walimai lei Dauda wau ulipu lo Yerusalemu monto dusa wau polotubowa balaahala u mapilohutu limongolio.

MATIUSI 27:62

Loloombulio mola, todulahu Saabati, mongo iimamu tau̒wa wau tau-tauwalo Parisi lonao̒ pee̒-pee̒enta mola lotaalua wolei Pilaatu,

YAHYA 19:33

Tou̒ timongolio leidungga odeli Isa, iloontonga limongolio Tio mailate. Oditolio timongolio diila lomata lomoli oa̒a-Tio.

YAHYA 20:20

Lapatao̒ lotahuda odito, ti Isa lopo biloheo̒ olimongolio uluu̒ wau tutua̒lobe-Lio. Tou̒ loo̒onto mao̒ to Eeya, timongolio lengahee daa̒.

WUNGGULI LOMONGO RASULU 22:16

Botia didu mao̒ pohima lebe mohiheo. Tihuloolo mola wau wuduwalo batangamu u lihuwalo. Pongibodulo mola ode Eeya alihu yio̒ lopato-Lio mai monto totoonulalo dusamu.’ ”

1 KORINTUS 1:30

Allahu Taa̒ala lohihilaolo tamohutu mai tilinggula Wutato motituwau woli Isa Almasi. Lotimbulude li Isa Almasi, ito pilowali molinepo. Wau lotimbulude o-Lio olo Allahu Taa̒ala lohutu mai olanto luli mopiiohe wolo batanga-Lio, lopowali olanto tolomodu umati-Lio, wau lolopato olanto.

1 KORINTUS 6:11

Dengolo lota towolota limongoli muloololio mai opii̒li debo odelo uito. Bo botia timongoli piloi̒laalo belesi lonto dusa. Timongoli malowali tolomodu haku lo Allahu Taa̒alanto. Timongoli maluli mopiiohe wolo Allahu Taa̒ala, sababu timongoli palacaya to Eeya Isa Almasi wau sababu kawasa lo Rohu lonto Allahu Taa̒ala.

EPESUS 5:26

Ti Almasi lohutu mai uito alihu Tio moo̒ pobelesi jamaa̒ boito wolo pongaajali-Lio wau moli taluhu popolihu, alihu lapatao̒ uito Tio mowali wuduo-Lio ode Allahu Taa̒ala.

TITUSI 2:14

Tio malo pobake batanga-Lio olanto u lolopato olanto lonto totoonulalo u hileeta, wau lopowali olanto umati tuwau talo lopato lonto dusa wau talowali miliki-Lio wambao̒, wau tamoo̒lohu mohutu u mopiohe.

IBRANI 9:13

Duhu monto batade wau sapi ulai̒ wau peaahuo̒ bake lowalao̒ sapi, pomake u pomutata totaa hinajisia modudua̒ wuu̒du lo agama alihu timongolio mowali belesi.

IBRANI 9:22

Memangi modudua̒ butoo̒ agama lo Yahudi, ngopee̒ ngoa̒amilalo u hitua-tuawua pomantaliyolo wolo duhu; wau dusa bo mowali ambunguolo wonu woluo duhu pohuwatolo.

1 PETRUS 3:21

Naa, ilowali boito debo odelo pohumaya lo popolihu u masaatia botie mopoa̒ahu olimongoli. Popolihu botie diila tala tuwau lo upacala mopoo̒ belesi wawao̒ monto ngoa̒amila u hikootoloa, bo debo odelo dantimu to Allahu Taa̒ala monto hilaa u maloo̒tapu tinelo Eeya u mopiohu. Popolihu boito mopoa̒ahu olimongoli sababu ti Isa Almasi maluli tilumumulai lonto opopate,

1 YAHYA 5:6

Ti Isa Almasilo tamei dungga mai ode dunia wolo taluhu popolihu-Lio wau wolo duhu lo opopate-Lio. Tio meidungga mai diila bo wolo taluhu wambao̒, bo wolo taluhu wau duhu. Wau Rohullah lohihilao tamongohi sakusi deu̒ uito otutu, sababu Rohu diila pee̒enta mao̒ mohimbulo.

WAHI 1:5

wau monto li Isa Almasi sakusi taa tatapu wau molotolo hilao. Tiolo tabohu-bohulio muli pilotumulai monto opopate wau Tio olo tao̒kawasa tomongo olongia lodunia. Ti Isa momonu olanto, wau wolo opopate-Lio Tio lopo lopato olanto lonto duduusaanto,

WAHI 7:14

“Diila otaawa lowatia, Tuani. Ti Tuani lohihilao tamotota,” tametao̒ lowatia. Yi ualio mai olaatia, “Utieelo tau-tauwalo tamaa loa̒ahu loli maasa lo alinaaya ulaba-labaalo tutu. Timongolio malo moboa̒a jumba limongolio wau lohutu mao̒ lowali loputio̒ wolo duhu lo Walao̒ Himba boito.