YAHYA 19:11 - KITABI HABARI MOPIOHE

¹¹ Ti Isa lolametao̒, “Wonu Allahu Taa̒ala diila mongohi mai kawasa boito olemu, yio̒ sama-samaata diila okawasa ola-U̒. Sababu uito talohudu mai ola-U̒ ode olemu, lebe udaa̒ mao̒ dusalio wolemu.”

YAHYA 19:11 ပူးပေါင်းရင်းမြစ်များ

BOHULO TAWARI 29:11

Eeya otutu udaa̒, wau okawasa. Eeya molamahu, laito otilapulo wau udaa̒. Totoonulalo u hitua-tuawua tohulungo wau todunia yito miliki lo Eeya. Eeya olongia daa̒, takawa-kawaasa to ngoa̒amilalo mao̒.

JABURU 39:9

Lopataalo mai watotia monto ngoa̒amila dusa lowatotia, diila mao̒ polulia watotia mowali hantia̒ lotaa abaloolo.

JABURU 62:11

Diila mao̒ pohalaapu to tilapulo u lotapu mai wolo untungi dadaata daa̒, wau diila mao̒ pongakua balangi u yilambato. Tumbao̒ wonu okokayaamu oduhenga mola, diila mao̒ podembinga hilaamu to okokaya boito.

HIYONGO MOPOILAALO SUUSA 3:37

Wonu Eeya diila mokahandaki u hitua-tuawua, tantu manusia diila moo̒hutu wolo-wolo woleeto.

DANIALI 4:17

Ui-uitoolo putuusani lami mamaa-lai̒katiyalo tadapa-dapato wau hemo poo̒daaha. Makusudu lami yito alihu tau-tauwalo penu boli tou̒toonu momasisi, deu̒ Allahu Taa̒ala Taa Laba-labaalo molanggato okawasa to yilaidia lomanusia wau yilaidia boito wuduo-Lio ode titaalo tita tatulao-Tio, tumbao̒ ode taa u diila oboliilio sama-samaata wambai̒o!’

DANIALI 4:25

Ti Tuani mapo lahiyolio monto huungo ulipu lomanusia wau tumumula towolota lo bibii-natangiyalo to padengo. Ngotilonggadu pitu lotaunu mola ti Tuani lo watotia mamonga huo̒yoto debo odelo sapi wau motuluhe to tanalapa ubua̒-bua̒de, tilinggula mobata lowambulo. Lapatao̒ uito ti Tuani lo watotia mamomasisi mao̒ deu̒ Allahu Taa̒ala Taa Laba-labaalo Molanggato okawasa to bele biluloa̒ saaha li olongia lomanusia, wau bele biluloa̒ saaha li olongia boito wuduo-Lio ode titaalo tita tatilulao-Tio.

DANIALI 4:32

Yio̒ mapo lahiyolo monto huungo ulipu lomanusia, wau tumumula wolo bibii-natangiyalo to padengo. Ngotilonggadu pitu lotaunu mola yio̒ mamonga huo̒yoto debo odelo sapi. Lapatao̒ uito yio̒ mamo tolongaku mao̒ deu̒ Allahu Taa̒ala Taa Laba-Labaalo Molanggato okawasa to bele biluloa̒ saaha li olongia lomanusia wau bele biluloa̒ saaha li olongia boito wohi-Lio mao̒ ode titaa lo tita tatilulao-Tio.”

DANIALI 4:35

Babaa-ngusawalo todunia diila oboliilio. Diaaluo penu boli ngotaa mao̒ tamoo̒ tuwali kahandaki-Lio, diaaluo tabuheli mohintu mao̒ wolo u hepohutuo-Lio.”

DANIALI 5:21

Tio pilopolahi lonto ulipu lomanusia wau aakalilio lowali debo odelo aakali lo binatangi. Tio tilumumulo wolo kolodai lo oa̒ayua, yilongaa huo̒yota debo odelo sapi wau lotuluhe to tanalapa u huo̒huo̒o tilinggula bilata lo wambulo. Pulitio mao̒ tio lomasisi deu̒ Allahu Taa̒ala Taa Laba-labaalo molanggato okawasa to yilaidia lomanusia wau yilaidia boito yilohilio ode titaalo tita wambai̒o tatilulao-Tio.

MATIUSI 26:65

Yi ti iimamu daa̒ boito malo ngai-ngaidingo boo̒lio, wau loloi̒ya, “Tio hemomuayo Allahu Taa̒ala! Didu palalu wolo sakusi. Timongoli ngoa̒amila maloo̒ dungohe lohihilao loi̒ya u hemomuayo Allahu Taa̒ala.

MATIUSI 27:2

Timongolio malo mungu o-Lio, wau lodelo o-Lio, tulusi mola lohudu o-Lio odelei Pilaatu, gubolonulu pamalenta lo Roma.

MATIUSI 6:13

Diila mao̒ polulia mai mongowatotia oolia lo palacaya tou̒ mongowatotia yimontalalio bo lopatalo mai mongowatotia monto kawasa lo Ibilisi. [Eeyaalo Olongia tao̒kawasa wau molamahu u ohiheo-hiheolo mao̒. Amien.]’

MARKUSI 14:44

Tamoo-hiyanatia malolantu mao̒ tuoto tuwau olimongolio. Taa u diilo lowatia, loi̒yaalio mao̒ olimongolio, “maa Tiolo taulio. Wau̒pa Tio wau deloa mao̒ Tio wolo dudaha u tio̒otutua.”

LUKASI 22:53

Ngohui-ngohui Wau̒ wolimongoli to Bele lo Eeya, timongoli diila loheu̒pa ola-U̒. Bo uti-utieelo saaa̒tilio limongoli moponao̒ uito, saaa̒ti kawasa lou̒ modio̒lomo modihu poloitohu.”

YAHYA 18:13

Bohu-bohulio timongolio lodelo li Isa lotaalua wolei Hanas, tiyamo moluhengo lei Kayapas. Tei Kayapas boitolo iimamu daa̒ totaunu boito.

YAHYA 18:3

Yi tei Yudas lonao̒ mota ode tambati boito wolo ngopasuukani suludadu lo Romawi wau dengolo lota tamoo-kawalia Bele lo Eeya tai̒lahula lomongo iimamu tauwa wau tau-tauwalo Parisi. Timongolio hideloa tingolo, lantera wau molongo.

YAHYA 19:10

Oditolio tei Pilatus luli loloi̒ya mao̒, “Yio̒ diila mohuto mobisala wolau̒? Ototai mao̒ wau̒ okawasa molopata ole-Mu, wau okawasa moposalipu ole-Mu!”

YAHYA 3:27

Tei Yahya lolametao̒, “Manusia diila mowali owolo-wolo wonu tio diila wohia mai lo Allahu Taa̒ala.

YAHYA 7:30

Tou̒ boito timongolio ohilaa moheu̒pa li Isa, bo diaaluo tabuheli modihu o-Lio, sababu diipo leidungga wakutuulio.

YAHYA 9:41

Ti Isa lolametao̒, “Humayaalio timongoli pitoo̒, timongoli diila odusa. Bo sababu timongoli malo loi̒ya, ‘Ami moo̒onto,’ uito boliilio mao̒ timongoli donggo odusa.”

WUNGGULI LOMONGO RASULU 2:23

Lotuuu̒de wolo lanjana-Lio lohihilao, Allahu Taa̒ala malolantu u mohudu li Isa ode limongoli. Wau tou̒ Tio yiludu mai, timongoli lomate o-Lio yila-yilateelo mao̒, wolo lopoluli totau-tauwalo tahileeta boito lopo salipu o-Lio.

WUNGGULI LOMONGO RASULU 3:13

Allahu Taa̒ala tahe tuboo lei Abraham, lei Isihaka, lei Yako, Allahu Taa̒ala linenemoyanto, Allahu Taa̒ala boito tamaa lopolaio̒ Wato-Lio, deu̒ito-yito ti Isa. Ti Isa boitolo tailudu limongoli ode tahidihima kawasa, wau hetiluwali limongoli totalu lei Pilatus, tou̒ tei Pilatus ohilaa molopata o-Lio.

WUNGGULI LOMONGO RASULU 4:28

Timongolio lotituwau u mohutu totoonulalo u hitua-tuawua, u matilantu lo Eeya leimulo deu̒ uito mamotoduo mai. Wau Eeya lolantu mai uito to okokawasa wau ilohilaa lo Eeya lohihilao.

ROMA 11:36

Allahu Taa̒ala talo powali totoonulalo u hitua-tuawua. Ngoa̒amilalo asaliilio mai lonto Allahu Taa̒ala wau duo̒lo Allahu Taa̒ala. Ilopujialo mola Allahu Taa̒ala u ohiheo-hiheolo mao̒! Amin. ROM

ROMA 13:1

Timii̒du manusia mamusi modungohe to pomalenta, sababu diaaluo pomalenta udiila moo̒tapu okokawasalio monto Allahu Taa̒ala. Wau pomalenta uwoluo masaatia botie, moponao̒ okokawasalio to palenta lo Allahu Taa̒ala.

YAKOBUS 1:17

Timii̒du wowohi u mopiohe wau wuupa u wimu-wimumuto tutu dudunggalio mai monto sologa, tiluhutai lo Allahu Taa̒ala, Talopowali totoonulalo u mobaango tohulungo. Tiolo Allahu Taa̒ala tadiila mobolio̒, wau diila olo moo̒sababu penu boli odio̒lomo wolo.

YAKOBUS 4:17

Sababu uito, taa u motota wolo umopiohe umusi pohutuolio bo diila pilohutulio, yi tau boito odusa.