YAHYA 18:8 - KITABI HABARI MOPIOHE

⁸ “Mapilolele-U̒ mai Wau̒lo Tio,” tahuda Isa. “Wau wonu memangi Wau̒ tahe lolohu limongoli, poluliaalo mota tawewo limongoli botie monao̒.” (

YAHYA 18:8 ပူးပေါင်းရင်းမြစ်များ

YESAYA 53:6

Ito ngoa̒amila yilapalo debo odelo himba, tinggai hipololohe dalalio lohihilao. Eeya malo pomanta to olio ololeetonto ngoa̒amila.

MATIUSI 26:56

Bo memangi mapatutilio odito alihu mamotoduo wolo u tiluladei lomongo nabi todelomo Kitabi.” Lapatao̒ uito, ngoa̒amila tahidudua̒ o-Lio tilumeteo̒ lololaa mao̒ li Isa.

YAHYA 10:28

Wau̒ mongohi mai olimongolio tutumulo ututuulio tutu wau ohiheo-hiheolo mao̒, wau u ohiheo-hiheolo mao̒ timongolio diila tabinasa. Diaaluo penu boli ngotaa mao̒ tamowali molambata olimongolio monto ola-U̒.

YAHYA 13:1

Ngohui tou̒ diipo Dulahu Buka Paska, otaawa li Isa deu̒ maa wakutuulio Tio mololaa mao̒ dunia botie wau muli mohulinga mola odeli Paapa-Lio. Tio momonu totau-tauwalo talowali milikii-Lio todunia, wau Tio debo momonu olimongolio tunggula pulitio.

YAHYA 13:36

“Eeya, Eeya mamonao̒ ode utoonu?” yilintu mao̒ lei Simon Petrus odeli Isa. Ta̒metao̒ li Isa, “Ode utoonu ponao̒wa-U̒, yio̒ diila mowali modudua̒ ola-U̒ botia. Yio̒ mamodudua̒ ola-U̒ delapatio mao̒.”

YAHYA 16:32

Eelai mao̒! Saaa̒tilio mamei dungga, tumbao̒ malei dungga mai, timongoli mapo bubuu-ayaalio. Ngota-ngota timongoli mamo hualinga ode bele lohihilao wau mololaa mao̒ ola-U̒ tutuuwau. Bo Wau̒ diila tutuuwau sababu ti Paapa-U̒ woluo pee̒-pee̒enta wola-U̒.

YAHYA 18:7

Pee̒entapo ti Isa lohintu mao̒ olimongolio, “Tatoonu tahe lolohu limongoli?” “Ti Isa taulo Najaret,” tametao̒ limongolio.

YAHYA 18:9

Wolo lotahuda mao̒ odito, lotoduwolo mola wolo u mapilo tahuda li Isa tou̒ dipo-dipolulio: “Paapa, monto tau-tauwala tailudu mai li Paapa olaa-Tia, diaaluo penu boli ngota mao̒ tailooli.”)

1 KORINTUS 10:13

Timii̒du yimontala uilolaasa lo Wutato yito yimontala ubiasa heo̒laasawa lomanusia. Bo Allahu Taa̒ala tatapu wau molotolo hilao todanti-Lio. Tio diila tamopoluli to Wutato yimontalalio lebe lou̒ omambowamu. Tou̒ Wutato odungga loimontala, Tio mamongohi mai dalalo olemu alihu Wutato mowali molotolo wau moo̒ tahangi.

2 KORINTUS 12:9

Bo Eeya lotahuda mai, “Wau̒ momonu olemu wau uito malo tuuu̒de olemu; sababu kawasaa-U̒ tumbao̒ laba-labaalo lotolo wonu yio̒ molulupuhu.” Uito sababuulio watia lebe sanangi mopomangga totoonulalo olulupuhu lowatia, sababu wonu watia molulupuhu, yi tumbao̒ tou̒ boitolo watia molaasa ti Almasi moduo̒lai olaatia wolo olotoo-Lio.

EPESUS 5:25

Wuu dile talolai, tolia̒ngi mao̒ dilemu, tutuuwauwa debo odelo ti Almasi momonu jamaa̒ wau lopo bake batanga-Lio ode jamaa̒ boito.

1 PETRUS 5:7

Wuduwalo mola totoonulalo ololawalumu ode Allahu Taa̒ala sababu Tio momandungi mai olemu.