YAHYA 18:4 - KITABI HABARI MOPIOHE

⁴ Otaawa li Isa ngoa̒amila u mamotoduo mai to batanga-Lio. Oditolio Tio malo himbide mota ode tau-tauwala boito wau lohintu mao̒, “Tatoonu tahe lolohu limongoli?”

YAHYA 18:4 ပူးပေါင်းရင်းမြစ်များ

BOHULO MONGO OLONGIA 18:10

Domi Eeya tatumu-tumulo, Allahu Taa̒ala tahe tuboo li Paaa̒, watia mopoo̒taa mai deu̒ ti olongia malo poa̒hu mai olaatia mololohe oli Paaa̒ to utoonulalo mao̒. Wonu bolo tolipu tuwau tao̒kawasa teto moloi̒ya mai deu̒ ti Paaa̒ diaaluo mola teto, tei Ahab mohile wolo moo̒ohuu̒ alihu tao̒kawasa tolipu boito motadia deu̒ ti Paaa̒ memangi diila ilondungga mota teto.

NEHEMIA 6:11

Bo wau̒ lolametao̒, “Wau̒ botie diila taa u hilaa mopolahi batanga. Odelo taa awamu wau̒ diila mowali tumuota mota ode Bele lo Eeya, de wau̒ maamate. Diila, wau̒ diila mohuto!”

JABURU 27:3

Penu boli watotia balaawa lo pasuukani u udaa̒, watotia diila tamoohe. Penu boli mobutu mai popaatea moluwali olo watotia, watotia debo moharapu mola.

JABURU 3:6

Watotia lotibalata wau lotuluhu wolo aamani, wau luli lobongu, sababu Eeya helo lolumude olo watotia.

POHUMAYA 28:1

Taa moleeto tumeteo̒ diaaluo tamo hilapito olio, bo taa juujulu, buheli debo odelo singa.

MATIUSI 16:21

Tumulalo mai tosaaa̒ti boito, ti Isa lotahuda wolo juujulu ode tahidudua̒ o-Lio, deu̒ Tio musi monao̒ ode Yerusalemu wau mola modutolo dadaata monto mongo tau̒wa, mongo iimamu tau̒wa wau guguu-ruwaalo agama. Tio mapateelio mate-mateelo mao̒, bo todulahu otolulio Tio mamuli mobongu mai.

MATIUSI 26:2

“Mao̒taawa limongoli donggo duuhui mola Dulahu Buka Paska, wau Walao̒ Manusia mawuduolio u salipuolio!”

MATIUSI 26:21

Tou̒ timongolio donggo hipolamela, ti Isa lotahuda mao̒, “Dungohi: ngotaalio limongoli mamo hiyanati ola-U̒.”

MATIUSI 26:31

Lapatao̒ ti Isa lotahuda mao̒ ode tahidudua̒ o-Lio, “Tou̒ huilo botie timongoli ngoa̒amila matumeteo̒ mololaa mao̒ ola-U̒; sababu todelomo Kitabi tulatulade: Allahu Taa̒ala lotahuda, ‘Wau̒ mamomate-mateelo mao̒ diti boito, wau himbala lohimbalio mamo bubuua̒lawa.’

LUKASI 24:44

Lapatao̒ uito Tio lotahuda mao̒ olimongolio, “Utieelo susuu-aliyaalo umaa piloo̒taa-U̒ mai olimongoli tou̒ Wau̒ donggo pee̒-pee̒enta woli mongoli; deu̒ timii̒du sua̒li u tulatuladu tomimbihu tanggulu-U̒ todelomo Bubuu-kuwaalo lei Musa, lomongo Nabi, wau Jaburu, musi motoduo mai.”

YAHYA 13:1

Ngohui tou̒ diipo Dulahu Buka Paska, otaawa li Isa deu̒ maa wakutuulio Tio mololaa mao̒ dunia botie wau muli mohulinga mola odeli Paapa-Lio. Tio momonu totau-tauwalo talowali milikii-Lio todunia, wau Tio debo momonu olimongolio tunggula pulitio.

YAHYA 13:11

Mai̒lotaawa li Isa tatoonu tamamo hiyanati o-Lio. Uito sababuulio Tio lotahuda mao̒, “Timongoli botie malo beresi, bo diila ngoa̒amilalo.”)

YAHYA 18:5

“Ti Isa, taulo Najaret,” tametao̒ limongolio. “Wau̒lo Tio,” tahuda mao̒ li Isa. Tei Yudas tamoo-hiyanatia tihutihula teto woli mongolio.

YAHYA 18:7

Pee̒entapo ti Isa lohintu mao̒ olimongolio, “Tatoonu tahe lolohu limongoli?” “Ti Isa taulo Najaret,” tametao̒ limongolio.

YAHYA 19:28

Otaawa li Isa deu̒ botia mailapato ngoa̒amilalo, wau alihu wolo u tulatuladu todelomo Kitabi mowali motoduo mai, Tio malo tahuda “Wau̒ mototoa̒ngo.”

YAHYA 6:64

Bo debo woluo olo towolota limongoli tadiila mohuto palacaya.” (Mai̒lotaawa li Isa tou̒ bohulio mai titatita tadiila mohuto palacaya, wau tatoonu tamamo hiyanati o-Lio.)

WUNGGULI LOMONGO RASULU 2:28

Eeya malo pobilohei olau̒ dalalo udulu-dulunga ode tutumulo utuutu. Owengahuu̒ lepa-lepato sababu Eeya woluo pee̒-pee̒enta wolau̒.’

1 PETRUS 4:1

Sababu ti Almasi malo dutolo delo pohuli lobatanga, timongoli olo musi mopolotolo batanga wolo tilihula udebo odelo uito. Sababu taa u modutolo delo pohuli lobatanga diilalo mohutu dusa.