YAHYA 18:20 - KITABI HABARI MOPIOHE

²⁰ Ti Isa lolametao̒, “Wau̒ laito hemo bisala wolo juujulu totalu lotaa dadaata. Wau̒ laito hemo ngaajali tobele potabiyaalo wau to Bele lo Allahu Taa̒ala, tambati taulo Yahudi u biasaalio hemo ambuwa. Diila pee̒enta mao̒ Wau̒ helo bisala wolo-wolo lou̒ tuua̒ao̒-tuua̒ao̒.

YAHYA 18:20 ပူးပေါင်းရင်းမြစ်များ

JABURU 22:22

Watotia diila olotolo, lopataalo mai watotia monto tunge losapi oa̒ayua wau monto tunggilo hayahayao̒ singa.

JABURU 40:9

Watotia sanangi mohutu mao̒ kahandaki lo Eeya, yaa Allahu Taa̒ala, butoo̒ lo Eeya tilahu mao̒ lowatotia todelomo hilao.”

YESAYA 45:19

Wau̒ diila lotahuda mai wolo tuua̒o̒-tuua̒o̒ meaambo wolo depudepuhu. Wau̒ diila lopoa̒hu umati-U̒ Isirai̒lu mololohe ola-U̒ lou̒ diila ohuna. Wau̒, Eeya, motahuda mai u otutu, wau mopoo̒taa mai wolo u otutu.”

YESAYA 48:16

Pohimbidulo mai to Olau̒ wau dungohilo, tumulalo muloololio mai Wau̒ helo tahuda mai wolo hilaa motulidu; wau tahudaa-U̒ laito powaliyo-U̒ ila-ilaalo.” Botia Eeya Allahu Taa̒ala lolao mai olaatia wau lohudu olaatia mai kawasaa-Lio lohihilao.

MATIUSI 24:26

Wonu tau moloi̒ya olimongoli, ‘Bilohi, Tio maito mola teto tohuta datahu u luasi daa̒ wau delita!’ – timongoli diila mao̒ ponao̒ mola odito. Meaalo wonu timongolio moloi̒ya, ‘Bilohi, Tio tuutuo̒ teea todelomo huwali!’ – diila mao̒ palacayai.

MATIUSI 26:55

Lapatao̒ ti Isa lotahuda mao̒ ode taa dadaata boito, “Wolo Wau̒ botie tamoleeto, tunggula timongoli lonao̒ mai hidelowa wamilo wau ayu pongokoo̒ mai moheu̒pa ola-U̒? Ngohui-ngohui Wau̒ hemo ngaajali to Bele lo Allahu Taa̒ala, wau timongoli diila loheu̒pa ola-U̒.

MATIUSI 26:65

Yi ti iimamu daa̒ boito malo ngai-ngaidingo boo̒lio, wau loloi̒ya, “Tio hemomuayo Allahu Taa̒ala! Didu palalu wolo sakusi. Timongoli ngoa̒amila maloo̒ dungohe lohihilao loi̒ya u hemomuayo Allahu Taa̒ala.

MATIUSI 4:23

To Galilea, ti Isa lomalito ngoilanggubu lipu wau helo ngaajali to bebee-leyaalo u potabiaalo. Tio helo pohabari Habari Mopiohe deu̒ Allahu Taa̒ala mamomalenta. Wau Tio olo helo poo̒luli tahi ngongota wau tahi o aibua.

MATIUSI 9:35

Odi-odieelo mola ti Isa helo lontale lonto madala tuwau ode madala uwewo wau lonto kambungu tuwau ode kambungu uwewo. Tio helo ngaajali to bebee-leyaalo potabiaalo, wau helo pololadu Habari Mopiohe pasali lou̒ woloolo mola Allahu Taa̒ala momalenta odelo Olongia. Tio helo poo̒luli tau-tauwalo tahi duutola longongoto u hidala-dalaala wau tao̒ aibu batanga.

MARKUSI 8:32

Wolo lopatato daa̒ ti Isa lopoo̒taa sua̒li boito ode tahidudua̒ o-Lio. Yi tei Petrus lomantanga li Isa ode ngotuwali, wau lodini o-Lio.

LUKASI 21:37

Ti Isa helo ngaajali to Bele lo Eeya wakutu dulahu wau huilio mao̒ Tio lonao̒ ode huludu lo Jaitun wau lotitolaa teto.

LUKASI 4:15

Tio helo ngaajali to bebee-leyaalo potabiaala, wau ngoa̒amila tau hipomujia o-Lio.

YAHYA 18:21

Oditolio yilongola ti Tuani hemohintu mai olaa-Tia? Yintuwalo mao̒ olimongolio tamaa loo̒dungohe olaa-Tia helo ngaajali. Tantu otaawa limongolio wolo u yiloi̒yaa-U̒ mao̒.”

YAHYA 6:59

Ngoa̒amilalo boito pilotahuda li Isa tou̒ Tio helo ngaajali tobele potabiaalo to Kapernaum.

YAHYA 7:14

Tohuungo lo lameyangi, ti Isa tilumuwoto ode delomo Bele lo Eeya, tulusi lolumulao̒ longaajali.

YAHYA 7:26

Bilohi mao̒ Tio hemobisala lou̒ bebasi totalu lotaa dadaata, wau diaaluo tamoloi̒ya wolo-wolo to o-Lio! Wolo tahidihima kawasa to olanto botie tanu malotota lou̒tau deu̒ Tio botie Olongia Tamoo-poa̒ahua?

YAHYA 7:28

Lapatao̒, tou̒ ti Isa donggo hemo ngaajali todelomo Bele lo Eeya, Tio longibode mola wolo suala daa̒, “Oditolio otaawa limongoli tatoonu Wau̒ botie, wau lonto utoonu asalii-U̒? Wau̒ diila leidungga mai sababu otohilaa-U̒ lohihilao. Wau̒ yilao-Lio mai lo tao̒haku lolao mai ola-U̒, wau Tio mowali palacayalo. Bo timongoli diila moo̒onuhe o-Lio.

YAHYA 7:4

Diaaluo taa u mamoluuo̒ wolo u pohutuolio, wonu tio motohilaa mowali otaawa lotaa dadaata. Wonu Yio̒ mohutu susuu-aliyaalo debo odelo uito ngoilanggubu dunia musi motota!” (

YAHYA 8:2

Loloombulio mola dimodupo Tio lonao̒ mota poli ode Bele lo Eeya, wau dadaata tahe lonao̒ mai ode o-Lio. Ti Isa malo tihuloa̒a mola, tulusi lolumulo longaajali mao̒ olimongolio.

YAHYA 8:26

Donggo dadaata sua̒li tomimbihu olimongoli u ohilaa potahuda-U̒ mai wau pomutoa̒lo. Bo Tio talolao mai ola-U̒ mowali palacayalo. Wau Wau̒ mopoo̒taa ode dunia wolo u ilodungohe-U̒ lonto o-Lio.”

WUNGGULI LOMONGO RASULU 26:26

Ti Baginda Agripa lohihilao motota tutu susuu-aliyaalo boito. Uito sababuulio watia buheli mobisala mai totalu li Baginda wolo juujulu. Watia yakini diaaluo penu boli tuwau mao̒ susuu-aliyaala boito udiipo ilotaawa li Baginda, sababu ngoa̒amilalo boito diila lotoduo to tataa-mbatiyalo u tutuuo̒.