YAHYA 18:11 - KITABI HABARI MOPIOHE

¹¹ Yi ti Isa lotahuda mao̒ odelei Petrus, “Muli potau̒pa mola wamilumu ode tau̒pio! Wolo to pikiilangimu Wau̒ diila tamongilu hakati lo dudutolo uilohi mai li Paapa ola-U̒?”

YAHYA 18:11 ပူးပေါင်းရင်းမြစ်များ

OLUO LO SAMUEL 16:10

Bo ti olongia loloi̒ya mao̒ odelei Abisai wolei Yoab tamo huhulalio, “Diila mao̒ pandungia. Huliilo mao̒ tio hemo laa̒anati olau̒. Sababu wonu Eeya talo poa̒hu mai olio, tatoonu tao̒ haku mohintu mao̒ yilongola tio helohutu odito?”

JABURU 75:8

Bo Allahu Taa̒ala lohihilaolo tamo mutoa̒i, Eeya mopo dupapa u tuwau mopolaio̒ uwewo.

YEHESKIEL 23:31

Yio̒ lodudua̒ baa̒ato lo tahulangumu, masababu uito yio̒ mahukuu-maniyo-U̒ wolo hukuumani u tutuuwauwa.”

MATIUSI 20:22

“Timongoli diila motota wolo upohile limongoli,” tahuda li Isa ode limongolio. “Wolo timongoli mambo mongilu monto hakati polodutolo umusi yilumo-U̒?” “Mambo” tametao̒ limongolio.

MATIUSI 26:39

Lapatao̒ ti Isa lonao̒ mota lebe lolaminga ngopee̒, tulusi Tio leidumulo lomola tohuta wau lodua̒. “Paapa,” ua-Lio, “Wonu mowali, polaminga mao̒ monto olaatia sikisa u musi dutola lowatia botie. Bo diila moduduo̒ hilaa lowatia, bo moduduo̒ u tohilaa li Paapa.”

MATIUSI 26:42

Pee̒entapo ti Isa mota lodua̒, loi̒yaa-Lio, “Paapa, wonu sikisaa botie musi dutola lowatia, wau diila mowali powalahulo, huliaalo mao̒ utohilaa li Paapa u motoduo mai.”

LUKASI 12:30

Susuu-aliyaalo debo odelo uito heilapita lotaa diila motota lo Allahu Taa̒ala. Lebe-lebe pomao̒ otaawa lo Allahu Taa̒ala limongoli deu̒ timongoli palalu ngoa̒amilalo boito.

LUKASI 22:42

“Oo Paapa,” ua-Lio mao̒, “wonu mowali, powalahe mao̒ monto olaa-Tia polodutolo umusi olaasawa lowa-Tia botie. Bo diila moduduo̒ utohilaa lowa-Tia, bo moduduo̒ utohilaa li Paapa wambao̒.” [

YAHYA 15:10

Wonu timongoli moponao̒ ngoa̒amila palentaa-U̒, timongoli debo tatapu wau molotolo hilao toponu-U̒. Tutuuwauwa debo odelo Wau̒ debo molotolo hilao toponu li Paapa-U̒ sababu loponao̒ ngoa̒amila palentaa-Lio.

YAHYA 17:24

Paapa, otohila laa-Tia alihu timongolio, tailudu mai li Paapa olaa-Tia, woluo pee̒-pee̒enta wolaa-Tia totambati Watia woluo, alihu timongolio moo̒onto odudaa̒ laa-Tia; deu̒ito-yito odudaa̒ uiludu mai li Paapa olaa-Tia; sababu ti Paapa lomonu olaa-Tia tou̒ dunia diipo pilowali mai.

YAHYA 18:36

Tametao̒ li Isa, “Yilaidiaa-U̒ diila lonto dunia botie. Humayaalio yilaidiaa-U̒ lonto dunia botie, tautau-U̒ mamohipate alihu Wau̒ diila tawuduolio ode tahidihima kawasa lo Yahudi. Bo memangi yilaidiaa-U̒ diila lonto dunia botie!”

YAHYA 20:17

“Diila mao̒ dihima Wau̒,” tahuda li Isa olio, “Sababu Wau̒ diipo lobotula mola odeli Paapa. Bo ponao̒lo mota ode mongo wutatu-U̒, wau polelea mao̒ olimongolio deu̒ botia Wau̒ mamo botula mola odeli Paapa-U̒ wau odeli Paapamu, Allahu Taa̒ala-U̒ wau Allahu Taa̒alamu.”

2 KORINTUS 10:4

Titii-ngolowalo u pilohuna lamiaatia todelomo polohipate lamiaatia diila tingolo dunia botie, bo titii-ngolowalo Allahu Ta̒ala tao̒kawasa. Wolo titii-ngolowalo boito amiaatia helo ngantulu totoonulalo bintengi; amiaatia lolame polo hahaa-mawaalo

2 KORINTUS 6:7

wau lou̒ helo pohabari habari ulonto Allahu Taa̒ala wau wolo kawasa lo Allahu Taa̒ala, amiaatia helo pobiloheo̒ deu̒ amiaatia botie yito mongo wato lo Allahu Taa̒ala. Amiaatia helo tidihu to kahandaki lo Allahu Taa̒ala odelo sinapangi lamiaatia umoluhu meaalo mopoduulua batanga.

IBRANI 12:2

Mamusi bibilohunto duludulunga odeli Isa, sababu Tiolo talo pobongu mai iimaninto wau lolaalao̒ tou̒ bohuliolo mai dilumutu pulitio. Ti Isa tatapu owowoluwoalio lodutolo to ayu salipu! Tio diila paduli deu̒ mate to ayu salipu boito yito tala tuwau sua̒li umoo̒olito. Tio bo hemoe̒ela mola oweengahe umaa olasaa-Lio lapatio mao̒. Masaatia Tio hulohuloa̒ to ambahu olowala totambati huhuloa̒lo Allahu Taa̒ala wau hemo malenta pee̒-pee̒enta wo-Lio.