YAHYA 18:1 - KITABI HABARI MOPIOHE

¹ Lapatio mao̒ ti Isa lodua̒ mola odito, Tio wolo tahidudua̒ o-Lio malonao̒ ode ngotuwali lo Dutula Kidron. Mota teto woluo ilengi tuwau u pilomuloa wolo bubuu-ngawaalo, wau ti Isa wolo tahidudua̒ o-Lio tilumuwoto ode ilengi u pilomuloa wolo bubuu-ngowaalo boito.

YAHYA 18:1 ပူးပေါင်းရင်းမြစ်များ

ILOOWALI 2:15

Lapatao̒ Eeya Allahu Taa̒ala lopo tambati mao̒ manusia boito to Tamani Eeden u motolopani mao̒ wau molaala tamani boito.

ILOOWALI 3:23

Yi Eeya Allahu Taa̒ala malo polahi mao̒ manusia lonto tamani Eeden wau lopoa̒hu olio motolopani huta u mowali asaliilio mai boito.

OLUO LO SAMUEL 15:23

Ngoa̒amila ulipu hilumoyongo loo̒ohuu̒ tou̒ pasuukani lei Dauda helo lolaa mao̒ kota. Lapatao̒ ti olongia malo balango towalao̒ Dutulaa Kidron tilunuhe lo ngoilanggubu pasuukanilio, tulusi timongolio lotidulunga ode huta datahu u luasi daa̒ wau delita.

BOHULO MONGO OLONGIA 15:13

Tiyombulio taabua, ti Maakha, yilinggilio lonto huhuloa̒lio odelo tiilo olongia taabua, sababu tio malohutu bui̒ balaahala u huloto ode Asyera, dewi u molomiodu. Tei Asa malo polohubeo̒ balaahala boito wau pilobulio to Lumbaya Kidron.

BOHULO MONGO OLONGIA 2:37

Wonu yio̒ buheli lumualao̒ wau mota lumaodeo̒ walao̒ Dutulaa Kidron, yi yio̒ musi pateelo mate-mateelo mao̒; wau yio̒ lohihilaolo tamomanta totala boito.”

OLUO MONGO OLONGIA 23:12

Memees-bawaalo u bilongu mongo olongia lo Yehuda to watopo toitaato huhuu-waliyaalo li Olongia Ahas, ilaantululio. Wau olo memees-bawaalo u pilotihuli Olongia Manasye todulo paango Bele lo Eeya, ilaantulu lei Yosia, tulusi tilapilio ode Lumbaya Kidron.

OLUO MONGO OLONGIA 23:4

Lapatao̒ uito ti olongia helo malentao̒ oli Iimamu Daa̒ Hilkia, mongo iimamu tamoo-mantua wau tahi pokawalia tao̒ tuugasi tohuhebu Bele lo Eeya, alihu mopolualao̒ monto Bele boito ngoa̒amila pakaakasi u pilomake hepo lubowalo Baal, Dewi Asyera, wau popoo-liyamaalo. Ngoa̒amila balangi boito hepilobu li Olongia Yosia to bulemengo kota totili lo Lumbaya Kidron, tulusi wahulio dilelio ode Betel.

OLUO MONGO OLONGIA 23:6

Bui̒ lo Dewi Asyera yiluwalio lonto Bele lo Eeya, wau dilelio ode bulemengo kota ode Lumbaya Kidron. Mola teto bui̒ boito pilobulio, lapatao̒ dui̒itio heilobui̒o loa̒aluti, daa̒ wau wahulio hepilo mua̒yadu toitaato kuubulu lotaa dadaata.

OLUO TAWARI 15:16

Wumbutio mola ti Olongia Asa malo hinggi oliyombulio ti Maakha, lonto huhuloa̒lio odelo Ibu Suri sababu tio malohutu bui̒ balaahala u huloto odeli Asyera, dewi u molomiyodu. Tei Asa lopo lohebeo̒ wau longantulu bui̒ boito tulusi lomobu to Lumbaya Kidron.

OLUO TAWARI 30:14

Memees-bawaalo to Yerusalemu u pilomake helo podewo bake wau pomobuwalo dupa ode dedeewaalo, ngoa̒amilalo hilama wau tilapilio ode delomo Lumbaya Kidron.

NEHEMIA 2:15

Oditolio, ami lotuhuta mola ode Lumbaya Kidron wau helo potulusi nonao̒ lami tou̒ hui boito, sambela helo malakisao̒ dingingo meeseli lokota. Lapatao̒ uito ami lobale luli lohualinga ode kota lolibaaya Huhebu Hulubangi lo Lumbaya.

YEREMIA 31:40

Ngoilanggubu lumbaya boito, u pilomake odelo polobungalo wau tambati polapilalo puputo, wau ngoa̒amila halabolu tobiihu Dutulaa Kidron demola Huhebu Hulubangi Wadala ode ambahu tiimuru, mapoheetu ode Olau̒. Kota Yerusalemu diilalo lohubuwola meaambo antuluolo.”

IMAAMATI 2:6

Roti u podewolo boito musi buta-butao̒lo, lapatao̒ poluwatalo winulo jaitun.

MATIUSI 26:30

Lapatao̒ timongolio lopolahu mola lahu tuwau poi̒laalo momuji. Wau lapatao̒ uito timongolio lonao̒ mola ode Huludu Jaitun.

MATIUSI 26:36

Lapatao̒ uito ti Isa lonao̒ wolo tahidudua̒ o-Lio ode tambati tuwau u ilunte Getsemani. Mola teto, Tio lotahuda mao̒ olimongolio, “Potihuloo̒po tewe tou̒ Wau̒ donggo mota modua̒.”

MARKUSI 14:26

Lapatao̒ timongolio lopolahu mola lahu lopoilaalo momuji tuwau. Wau lapatao̒ uito timongolio malonao̒ mola ode Huludu Jaitun.

MARKUSI 14:32

Timongolio malei dungga mota ode tambati tuwau u ilunte Getsemani, wau ti Isa lotahuda mao̒ ode tahidudua̒ o-Lio, “Potihuloo̒po tewe Wau̒ donggo mota modua̒.”

MARKUSI 14:42

Pobongulo, dulo ito monao̒. Bilohi! Tau u mohiyanati ola-U̒ malei dungga mai!”

YAHYA 14:31

Bo ngoa̒amila boito musi motoduo mai alihu dunia mongalati deu̒ Wau̒ momonu oli Paapa wau hemohutu ngoa̒amila u pilomalentai li Paapa to ola-U̒. Naa, dulo ito monao̒olo monteea.”

YAHYA 18:26

Wato ngota li iimamu daa̒, deu̒ito-yito ilaato lotaa bulongalio pilutu mao̒ lei Petrus, loloi̒ya, “Wolo diila wau̒ taloo̒onto olemu to ilengi u pilomuloa lo bubuu-ngawaalo boito pee̒-pe̒enta wo-Lio?”

WUNGGULI LOMONGO RASULU 21:11

Tio lonao̒ mai ode olami lapatao̒ lohama bintolo wohuta lei Paulus. Wolo bintolo wohuta boito tio longawade oa̒atio wau uluu̒lio lohihilao lapatao̒ loloi̒ya mao̒, “Uti-utieelo upilo tahuda mai lo Rohullah: Taa ohuu̒wo lobintolo botie mapunguolio debo odelo utie to Yerusalemu lotau-tauwalo Yahudi, wau wuduolio ode tau-tauwala tadiila Yahudi.”