YAHYA 17:9 - KITABI HABARI MOPIOHE

⁹ Watia modua̒ mola ode limongolio. Watia diila modua̒ duo̒lo dunia bo duo̒lo tamailudu mai li Paapa olaa-Tia, sababu timongolio deu̒ito-yito miliki li Paapa.

YAHYA 17:9 ပူးပေါင်းရင်းမြစ်များ

LUKASI 22:32

Bo Wau̒ malodua̒ mola olemu, Simon, alihu iimanimu diila mao̒ moluluto. Wau wonu yio̒ malo hualingai ode ola-U̒, yio̒ mamusi mopoo̒ lotolao̒ mongo wutatumu.”

LUKASI 23:34

Tulusi ti Isa malodua̒, “Paapa, ambunguwalo mai timongolio! Diila otaawa limongolio wolo upilohutu limongolio.”

LUKASI 8:34

Tahi podahawa boi boito loo̒onto wolo u mailowali. Yi timongolio tilumeteo̒ wau lopololadu habari boito tokota wau kambungu totililio.

YAHYA 14:16

Wau̒ mohile mola li Paapa-U̒, wau Tio mamongohi mai olemu Tamoo-tulungia wewo, tamaa motibiluloa̒ pee̒-pee̒enta woli mongoli u ohiheo-hiheolo mao̒.

YAHYA 17:2

Ti Paapa malohudu mai kawasa to ngoa̒amila umati lomanusia ode Walao̒, alihu Tio mongohi tutumulo ututuulio tutu wau ohiheo-hiheolo mao̒ ode ngoa̒amila tamailudu mai li Paapa o-Lio.

YAHYA 17:20

Diila bo ode limongolio wambao̒ Watia modua̒ mola. Watia modua̒ mola olo ode tau-tauwalo tamaa palacaya olaa-Tia lo ososakusi limongolio botie.

YAHYA 17:6

Watia malo poo̒taa li Paapa ode tau-tauwalo lonto dunia botie tamailudu mai li Paapa olaa-Tia. Timongolio yito miliki li Paapa, wau ti Paapa malohudu mai olimongolio ode Laatia. Timongolio malo dudua̒ tahuda li Paapa.

YAHYA 6:37

Ngoa̒amila tailudu mai li Paapa ode ola-U̒ mamonao̒ mai ode ola-U̒. Wau̒ diila tamopo touli boli tatoonu tamonao̒ mai ode ola-U̒.

YAHYA 6:39

Wau uti-utieelo u otohilaa-Lio lo talolao mai ola-U̒: alihu monto ngoa̒amila tailudu-Lio mai ola-U̒, diaaluo penu boli ngotaa mao̒ tamooli; bo alihu Wau̒ mopobongu mai olimongolio to Dulahu Kiama.

IBRANI 7:25

Masababu uito u ohiheo-hiheolo mao̒ ti Isa mowali mopoa̒ahu tahi ponao̒wa mai ode Allahu Taa̒ala motimbulude to o-Lio, sababu Tio tumutumulo ohiheo-hiheolo mao̒ u moo̒owoli mola polohone ode Allahu Taa̒ala duo̒lo tau-tauwala boito.

IBRANI 9:24

Sababu ti Almasi diila tilumuwoto ode Huwali Leidaa̒ Mantali huhutu lomanusia, u bo mopo bayahei Mantali u otutuulio mao̒. Ti Almasi tilimuwota mola ode sologa tutuwau; mola teto Tio masaatia lotahudeo̒ ode Allahu Taa̒ala ode polohuna daa̒ olanto.

1 YAHYA 5:19

Otaawanto deu̒ ito haku lo Allahu Taa̒ala, eleponu ngoilanggubu dunia botie to walungo kawasa lo Taa Moleeto.

WAHI 12:9

Naha uleidaa̒ boito tilapi ode bulemengio! Tiolo tulide panggola boito u ilunte Ibilisi meealo Rohu Moleeto, u lohimbulo ngoilanggubu dunia. Tio tilapi ode dunia wolo ngoa̒amilalo malai̒katilio.

WAHI 13:8

Binatangi boito matuboo lo ngoa̒amila taa utumu-tumulo toitaato dunia, ngopohia tau-tauwalo u tanggulio malei daputali tou̒ dunia diipo pilowali mai, todelomo buku taa tumu-tumulo miliki lo Walao̒ Himba umaa iloloto.

WAHI 20:15

Tau-tauwalo tadiila hitulade tanggulio todelomo Buku lo Taa Tumutumulo, pilomahulo ode delomo auhu lotulu.