YAHYA 17:8 - KITABI HABARI MOPIOHE

⁸ Mapilo tunggulao̒ lo Watia olimongolio tahuda u pilotahuda mai li Paapa olaa-Tia; wau timongolio malo lolimo mao̒. Otaawa limongolio deu̒ Watia otu-otutuulo mao̒ dungga-dungga mai lonto li Paapa wau timongolio palacaya deu̒ ti Paapaalo tamalolao mai olaa-Tia.

YAHYA 17:8 ပူးပေါင်းရင်းမြစ်များ

POHUMAYA 1:23

Dungohilo wau̒, wonubolo wau̒ modinimu, yi to olemuulo mapo ilaalou̒ mai tuango hilaau̒ wau pongaajaliu̒ mai pongototaau̒.

POHUMAYA 1:3

Nanaa-sehatiyalo botie mongaajali woloolo mola tau moo̒ tumulo wolo molinepo, juujulu, aadili wau otutu.

POHUMAYA 2:1

Tolimowaalo mao̒ totoonulalo pongaajaliu̒, walau̒uu̒, wau eelailo laito nanaa-seehatiu̒ olemu.

POHUMAYA 4:10

Podungohulo olau̒, walau̒uu̒! Poo̒tuotalo tio̒otutua nanaa-seehatiu̒, yi umulumu mahumayao̒.

POHUMAYA 8:10

Halagailo nasehatiu̒ mongilabota lotalaa̒ tutu, pou̒daa̒awa pongotota mongilabota lo hulawa tutu.

MATIUSI 13:11

Ti Isa lolametao̒, “Sababu timongoli mailohia ponu u motota mao̒ hitua-tuawua u sangaja tiluuo̒ alihu diila otaawa pasali lou̒ woloolo mola Allahu Taa̒ala momalenta, hiambola timongolio diila.

YAHYA 12:49

Sababu Wau̒ diila lotahuda mai to hilaa-U̒ lohihilao; ti Paapa talolao mai ola-U̒, mati Paapalo boito talo malentai ola-U̒ wolo uwajibu potahuda-U̒ wau u potunggulo-U̒.

YAHYA 14:10

Pilipus! Wolo yio̒ diila palacaya, deu̒ Wau̒ tuwau woli Paapa wau ti Paapa tuwau wola-U̒? Wolo umapilo tahuda-U̒ mai olemu, diila lonto ola-U̒ lohihilao. Ti Paapa-U̒ tadebo tuwau wolau̒, Tiolo tamohutu mai ngoa̒amilalo boito.

YAHYA 15:15

Timongoli diilalo tanggula-U̒ wato, sababu wato diila motota wolo u hekalaja lituanilio. Timongoli tanggula-U̒ mai sahabati, sababu ngoa̒amila u dilungohe-U̒ lonto li Paapa-U̒, mapiloo̒taa-U̒ mai olimongoli.

YAHYA 16:27

sababu ti Paapa-U̒ lohihilao momonu olimongoli. Tio momonu olimongoli sababu timongoli motolia̒nga ola-U̒, wau palacaya deu̒ Wau̒ dungga-dungga mai lonto li Paapa-U̒.

YAHYA 16:30

wau otaawa lo mongowatotia deu̒ otaawa lo Eeya totoonulalo u hitua-tuawua. Diila palalu penu boli ngotaa mao̒ mohintu wolo-wolo ode Eeya. Sababu uito mongowatotia palacaya to Eeya dungga-dungga mai lonto Allahu Taa̒ala.”

YAHYA 17:14

Watia malopo tunggulao̒ olimongolio tahuda li Paapa, wau dunia molonui̒ mongolio, sababu timongolio diila miliki lodunia, tutuuwauwa debo odelo Watia olo diila miliki lodunia.

YAHYA 17:18

Debo odelo ti Paapa malolao mai olaa-Tia ode dunia, odito olo Watia lolao olimongolio ode dunia.

YAHYA 17:21

Pohile laa-Tia, Paapa, alihu timongolio ngoa̒amila mowali tuwau, debo odelo ti Paapa lotituwau mai wolaa-Tia, wau Watia woli Paapa. Pohileaala dua̒ timongolio mowali tuwau wolaan-To alihu dunia palacaya deu̒ ti Paapa talolao mai olaa-Tia.

YAHYA 17:23

Watia woli mongolio, wau ti Paapa wolaa-Tia; alihu timongolio otu-otutuulo mao̒ tuwau. Yi dunia mamotota mao̒ deu̒ ti Paapaalo talolao mai olaa-Tia, wau deu̒ ti Paapa momonu olimongolio debo odelo ti Paapa lomonu olaa-Tia.

YAHYA 17:3

Uti-utieelo tutumulo ututuulio tutu wau ohiheo-hiheolo mao̒; alihu tau motota li Paapa, tuwa-tuwaulo Allahu Taa̒ala tabanali, wau moo̒onuhe li Isa Almasi tailao mai li Paapa.

YAHYA 3:17

Sababu Allahu Taa̒ala lolao Wala-I̒o diila mai momutoo̒ dunia botie, bo mai mopoa̒ahu mao̒.

YAHYA 3:33

Taa palacaya tou̒ silakusia-Lio boito, motolongaku mao̒ deu̒ Allahu Taa̒ala banali.

YAHYA 6:68

“Eeya,” ualei Simon Petrus o-Lio, “ode tatoonu mongowatotia musi monao̒? Tahuda lo Eeya mongohi tutumulo ututuulio tutu wau ohiheo-hiheolo mao̒.

YAHYA 8:42

Lapatao̒ ti Isa lotahuda ode limongolio, “Humayaalio Allahu Taa̒ala boito ti Paapamu, timongoli mamo tolia̒nga ola-U̒, sababu Wau̒ dungga-dungga mai lonto Allahu Taa̒ala. Wau̒ dungga-dungga mai diila wolo hilaa-U̒ lohihilao, bo Tiolo tamalolao mai ola-U̒.

1 KORINTUS 11:23

Sababu u pilo ngaajali mai lowatia olimongoli, uito tilolimo lowatia lonto Eeya lohihilao: deu̒ tou̒ hui boito tou̒ ti Isa, Eeyanto hiliyanatilio, Tio lohama mao̒ roti,

1 KORINTUS 15:1

Wau botia, Mongo wutato, otohilaa lowatia timongoli mamuli moe̒ela mola Habari Mopiohe monto Allahu Taa̒ala upilo habari lowatia muloololio mai olimongoli. Timongoli lololimo uito, wau palacaya li Almasi sababu Habari Mopiohe boito.

TINGULI 18:18

Monto bangusa limongolio lohihilao Wau̒ mamolao mai ode limongolio ngotaalio lo nabi debo odelo yio̒. Wau̒ mamo tahuda mai olio wolo umusi loi̒yaalio, lapatao̒ tio mamopo tunggulao̒ ode bangusa boito totoonulalo upilo malentaa-U̒.

1 TESALONIKA 2:13

Donggo Woluo poli sua̒li tuwau uwewo ulohutu olamiaatia lolapali oduo̒lo ode Allahu Taa̒ala. Sua̒li boito yito, deu̒ tou̒ amiaatia lopo tunggulai habari lonto Allahu Taa̒ala olimongoli, timongoli lodungohe wau lololimo habari boito diila odelo habari lonto manusia, bo odelo habari u tutuulio tutu lonto Allahu Taa̒ala. Tiolo tadonggo kalakalaja todelomo batanga limongoli tapalacaya li Almasi.

1 TESALONIKA 4:1

Pulitio mao̒ Mongo wutato, amiaatia malongohi mai obaaya olimongoli tomimbihu woloolo mola timongoli musi tumumulo u moposanangi hilaa lo Allahu Taa̒ala. Memangi timongoli maa tilumumulo debo odelo uito. Bo botia tokawasa li Isa Eeya, amiaatia mohile lou̒ tio̒otutua olimongoli wau mohuntulai alihu timongoli lebe motolopani mao̒ todelomo sua̒li boito!

1 YAHYA 4:14

Amiaatia lohihilao maloo̒onto Walao̒ Allahu Taa̒ala, wau amiaatia helo pohabari deu̒ Tio yilao mai lo Allahu Taa̒ala u lowali Olongia Tamoo-poa̒ahua dunia botie.

WAHI 1:1

Tuango buku botie tomimbihu wolo u piloi̒laalo li Isa Almasi pasali popoo-lou̒tiyalo u mamotoduo mai. Allahu Taa̒ala lopoo̒taa li Almasi alihu Tio mopo biloheo̒ tomongo wato lo Allahu Taa̒ala wolo umusi hua̒a motoduo mai. Ti Isa Almasi malolao malai̒kati-Lio odelei Yahya, wato-Lio mola lopoo̒taa popoo-lou̒tiyalo boito olio.