YAHYA 17:3 - KITABI HABARI MOPIOHE

³ Uti-utieelo tutumulo ututuulio tutu wau ohiheo-hiheolo mao̒; alihu tau motota li Paapa, tuwa-tuwaulo Allahu Taa̒ala tabanali, wau moo̒onuhe li Isa Almasi tailao mai li Paapa.

YAHYA 17:3 ပူးပေါင်းရင်းမြစ်များ

BOHULO TAWARI 28:9

Lapatao̒ odelei Salomo, tei Dauda loloi̒ya mao̒, “Walau̒uu̒, patutilio Allahu Taa̒ala tahe tuboo liyamamu, akuwimu mao̒ odelo Allahu Taa̒alamu. Yio̒ musi motiwato to Eeya wolo hilaa ihilasi wau iloheela lohilao. Sababu otaawa lo Eeya ngoa̒amila pikiilangi wau otohilaa lo hilaanto. Wonu yio̒ mololohe to Eeya, Eeya maa odunggamu, bo wonu yio̒ mololaa mao̒ to Eeya, Eeya mamo potouli olemu u ohiheo-hiheolo mao̒.

OLUO TAWARI 15:3

Lohiheo mola daa̒ Isirai̒lu diila helo tiwato to Allahu Taa̒ala tao̒tutu, diila o bubuu-too̒waalo u musi dungohelo, wau diila o mongo iimamu tahemo poo̒olato olimongolio.

JABURU 9:10

Eeya boito tambati potiduo̒la lotaa hideehea, tambati potiwunela tou̒ oweepita.

POHUMAYA 8:35

Tatoonu tamoo̒tapu olau̒, moo̒toduo tutumulo, to olio Eeya motuhatawa.

YESAYA 48:16

Pohimbidulo mai to Olau̒ wau dungohilo, tumulalo muloololio mai Wau̒ helo tahuda mai wolo hilaa motulidu; wau tahudaa-U̒ laito powaliyo-U̒ ila-ilaalo.” Botia Eeya Allahu Taa̒ala lolao mai olaatia wau lohudu olaatia mai kawasaa-Lio lohihilao.

YESAYA 53:11

Sababu uito Eeya lotahuda, “Lapatio mao̒ modutolo sikisa, tio masanangi tutu wau olulia lohilao. Wato-U̒ boito, tamopo sanangi hilaa-U̒, malomanta mao̒ hukuumani lotaa dadaata; domi tio Wau̒ mamo ngambungu mai olimongolio.

YESAYA 61:1

Kawasa lo Eeya Taa Laba-labaalo molanggato woluo to olaatia; Eeya lolulaoto wau lolao olaatia u modelo habari mopiohu totaa mosikini wau mopoo̒luli taa u loa̒antulu daa̒ hilaalio; u mopo malalumu totaa tataahangi deu̒ timongolio hua̒a lopatolio, wau totau-tauwalo todelomo tutupa deu̒ timongolio malopatolio.

YEREMIA 10:10

Bo Eeya, yaa Eeya, Allahu Taa̒ala tabanari, Allahu Taa̒ala tamoongohia tutumulo, olongia ohiheo-hiheolo mao̒. Wonu Eeya muluka, dunia humeula mototoo̒ wau moo̒ohuu̒, wonu Eeya muluka daa̒ yi babaa-ngusawalo diila moo̒ taahangi. (

HOSEA 6:3

Sababu uito duloolo ito motolopani u tio̒otutua motota to Eeya. Tio tantu mamei dungga mai ode olanto debo odelo u mapobutua mai mato lodulahu, wau debo odelo didi u mopobata mai huta to pulito sembo lo polodidi.”

MARKUSI 9:37

“Taa mololimo tau̒kikiia̒ ngota debo odelo utie sababu Wau̒, boliilio mao̒ mololimo ola-U̒. Wau taa mololimo ola-U̒, tio diila bo wambao̒ mololimo ola-U̒, bo mololimo olo o-Lio talo poa̒hu mai ola-U̒.”

LUKASI 9:48

Lapatao̒ Tio lotahuda mao̒ to tahidudua̒ o-Lio, “Taa molilimo walao̒ botie sababu Wau̒, boliilio mao̒ mololimo ola-U̒. Wau taa mololimo ola-U̒, mololimo o-Lio talolao mai ola-U̒. Sababu taa upulito kikiio̒ towolota limongoli, matio-tiolo tapulito udaa̒!”

YAHYA 10:36

yilongola timongoli helo loi̒ya ola-U̒ hemo muayo Allahu Taa̒ala sababu Wau̒ lotahuda Walao̒ Allahu Taa̒ala? Lebe-lebe pomao̒ Wau̒ tilulaoto Allahu Taa̒ala wau yilao-Lio mai ode dunia.

YAHYA 11:42

Otaawa lowatia ti Paapa laito modungohei olaatia, bo watia moloi̒ya mao̒ utie, ode tau-tauwalo tawoluo teea; alihu timongolio palacaya deu̒ boti Paapalo talolao mai olaatia.”

YAHYA 14:26

Bo Rohullah, Tamoo-tulungia tamaa laolo mai li Paapa-U̒ to tanggulu-U̒, Tiolo tamaa mongaajali olimongoli totoonulolalo mao̒ wau mamopoe̒ela olimongoli ngoa̒amila umaa piloo̒taa-U̒ olimongoli.

YAHYA 17:18

Debo odelo ti Paapa malolao mai olaa-Tia ode dunia, odito olo Watia lolao olimongolio ode dunia.

YAHYA 17:21

Pohile laa-Tia, Paapa, alihu timongolio ngoa̒amila mowali tuwau, debo odelo ti Paapa lotituwau mai wolaa-Tia, wau Watia woli Paapa. Pohileaala dua̒ timongolio mowali tuwau wolaan-To alihu dunia palacaya deu̒ ti Paapa talolao mai olaa-Tia.

YAHYA 17:23

Watia woli mongolio, wau ti Paapa wolaa-Tia; alihu timongolio otu-otutuulo mao̒ tuwau. Yi dunia mamotota mao̒ deu̒ ti Paapaalo talolao mai olaa-Tia, wau deu̒ ti Paapa momonu olimongolio debo odelo ti Paapa lomonu olaa-Tia.

YAHYA 17:25

Paapa taa̒adili! Dunia diila moo̒onuhe li Paapa; bo Watia moo̒onuhe li Paapa; wau tau-tauwala botie motota deu̒ ti Paapa talolao mai olaa-Tia.

YAHYA 17:8

Mapilo tunggulao̒ lo Watia olimongolio tahuda u pilotahuda mai li Paapa olaa-Tia; wau timongolio malo lolimo mao̒. Otaawa limongolio deu̒ Watia otu-otutuulo mao̒ dungga-dungga mai lonto li Paapa wau timongolio palacaya deu̒ ti Paapaalo tamalolao mai olaa-Tia.

YAHYA 3:17

Sababu Allahu Taa̒ala lolao Wala-I̒o diila mai momutoo̒ dunia botie, bo mai mopoa̒ahu mao̒.

YAHYA 3:34

Sababu taa uilao mai lo Allahu Taa̒ala mopo tunggulai tataa-heyaalo Allahu Taa̒ala, sababu Rohullah mailohi ode o-Lio lealeaatulo mao̒.

YAHYA 5:44

Woloolo mola timongoli moo̒ palacaya, wonu timongoli bo ohilaa mei̒puji monto timongotamu, wau diila motolopani u moo̒tapu poloi̒laalo momuji monto Allahu Taa̒ala u Tuwa-tuwaulo?

YAHYA 6:57

Allahu Taa̒ala tatumu-tumulo boito, lolao mai ola-U̒ wau Wau̒ olo tumumulo monto Allahu Taa̒ala. Odito olo taa u molamelo tapu-U̒ matumumulo monto ola-U̒.

YAHYA 7:29

Wau̒ moo̒onuhe o-Lio, sababu Wau̒ asaliilio mai lonto o-Lio, wau Tiolo talolao mai ola-U̒.”

YAHYA 8:19

“Ti Paapa-Mu boito tou̒toonu?” loi̒ya mao̒ limongolio. Ti Isa lolametao̒, “Timongoli diila moo̒onuhe ola-U̒ meaambo li Paapa-U̒. Humayaalio timongoli olo moo̒onuhe ola-U̒, maatantu timongoli moo̒onuhe li Paapa-U̒.”

1 KORINTUS 15:34

Pongalatilo botia, wau diilalo pohutu dusa. Patutilio timongoli musi moolito, deu̒ towolota limongoli woluo tadiipo motota lo Allahu Taa̒ala.

1 KORINTUS 8:4

Pasali sua̒li lou̒ molamelo ua̒alo umapilo dewo ode balaahala, otaawanto deu̒ balaahala mopobayahei hitua-tuawua u otutuulio mao̒ diaaluo. Wau otaawanto olo deu̒ Allahu Taa̒ala bo tuwau; diaaluo tawewo.

2 KORINTUS 4:6

Allahu Taa̒ala talo tahuda, “Mamusi monto delomo dio̒lomo mobutu mai tilango,” Allahu Taa̒ala boitolo olo tamo pobutu mai tilango boito todelomo hilaanto, alihu pikiilanginto, mowali mobaangai u momaahamu otinelo mobaango tutu lo Allahu Taa̒ala u tinetinelo tobaya li Almasi.

PILIPI 3:10

Tuwa-tuwaulo u otohilaa lowatia yito alihu watia motota li Almasi, wau moo̒toduo kawasa u mopotumula o-Lio monto opopate. Otohilaa lowatia modudua̒ modutolo wo-Lio wau mowali tutuuwauwa debo odelo Tio todelomo sua̒li lo opopate-Lio.

PILIPI 3:8

Diila bo wambao̒ susuu-aliyaalo boito; bo tumbao̒ totoonulalo u hitua-tuawua he ilanggapu lowatia odelo susuu-aliyaalo u bo moo̒luhi wambai̒o. U mililiki lowatia masaatia botie yito lebe ohalaga: deu̒ito-yito motota li Isa Almasi, Eeyaau̒. Sababu ti Almasi, yi mailopato lowatia totoonulalo u hitua-tuawua. Ilanggapu lowatia ngoa̒amilalo boito odelo puputo wambao̒, alihu watia mowali moo̒tapu li Almasi,

1 TESALONIKA 1:9

Ngoa̒amila tau boito hemobisala pasali woloolo mola timongoli lololimo olamiaatia tou̒ amiaatia omoo̒omolu lonao̒ mai ode limongoli. Timongolio helo bisala tomimbihu woloolo mola timongoli lololaa mao̒ totoonulalo balaahala wau lonao̒ mai ode Allahu Taa̒ala tuwa-tuwaulo tatumu-tumulo u motiwato to o-Lio.

2 TESALONIKA 1:8

wau wolo tulu ulei̒-lei̒ita. Tio motuhutai u mohukuumani tau-tauwalo tadiili hipo mandungia Allahu Taa̒ala wau tadiila motohilaa tumumulo motuuu̒de wolo Habari Mopiohe pasali li Isa Eeyanto.

IBRANI 3:1

Mongo wutato timongota lo Nasara tamaa tiliango olo lo Allahu Taa̒ala! Nte pikiilangia mola tio̒otutua tomimbihu li Isa botie! Allahu Taa̒ala lolao mai o-Lio tolomodu u mowali Iimamu Daa̒ todelomo agama u hedudua̒nto.

2 PETRUS 1:2

Pohileaala dua̒ Allahu Taa̒ala mongohi mai balakati wau salaamati olimongoli wolo daata-daatalo mao̒, sababu timongoli motota lo Allahu Taa̒ala wau li Isa, Eeyanto.

2 PETRUS 1:3

Allahu Taa̒ala malomake kawasa ilahi-Lio u longohi mai to olanto totoonulalo hitua-tuawua u palaluwolo ode tutumulo potabiaalo. Tio lohutu mai utie loli wolo u otaawanto pasali li Isa Almasi, tamalo tianga olanto u molaasa mao̒ odudaa̒ wau opopio-Hio.

2 PETRUS 1:8

Ngoa̒amilalo boito yito pipii-iliyaalo upalaluo limongoli. Wonu pipii-iliyaalo boito woluo to olemu wolo daata-daatalo mao̒, timongoli mamowali moo̒lohu wau otilapulo, wau motota li Isa Almasi Eeyanto lou̒ lebe mopioheo̒ poli.

1 YAHYA 1:2

Tou̒ tutumulo boito piloi̒laalo mai, amiaatia loo̒onto mao̒. Uitolo sababuulio amiaatia mongohi mai ososakusi tomimbihu olio. Amiaatia mopohabari mai olimongoli pasali lo tutumulo u tutuulio tutu wau ohiheo-hiheolo mao̒, uwoluo pee̒-pee̒enta wolo Allahu Taa̒ala, wau u mapilo ilaalo mai olamiaatia.

1 YAHYA 1:3

Wolo umaa iloontonga wau ilodungohe lamiaatia, uitolo olo u pohabario mai lamiaatia olimongoli, alihu timongoli pee̒-pee̒enta wolamiaatia modudua̒ molaasa hitua-tuawua todelomo hilao to tutumulo motituwau woli Paapa wau wolo Wala-I̒o Isa Almasi.

1 YAHYA 2:23

Taa diila motolo akuo to Walao̒, boliilio mao̒ diila mololimo li Paapa olo. Wau taa motolo akuo to Walao̒ boliilio mao̒ mololimo li Paapa olo.

1 YAHYA 4:6

Bo ito yito mongo walao̒ Allahu Taa̒ala; wau taa u motota lo Allahu Taa̒ala, modungohe loi̒yanto. Taa u diila miliki lo Allahu Taa̒ala, diila modungohe loi̒yanto. Odieelo mola dudelolio ito motota mao̒ hiheedio towolota lo Rohu u mongohi pongaajali u otutu, wau rohu umopo lapalo.

1 YAHYA 5:20

Otaawanto deu̒ Walao̒ Allahu Taa̒ala malei dungga mai wau malongohi pongotota to olanto, alihu ito motota lo Allahu Taa̒ala tao̒tutu. Ito tumutumulo motituwau wolo Allahu Taa̒ala tao̒tutu, wau tumutumulo motituwau wolo Wala-I̒o Isa Almasi. Utieelo Allahu Taa̒ala tao̒tutu, wau utieelo tutumulo u tutuulio tutu wau ohiheo-hiheolo mao̒.