YAHYA 17:26 - KITABI HABARI MOPIOHE

²⁶ Watia malo poi̒laalo tangguli Paapa ode limongolio; wau Watia madebo mohutu mao̒ odito, alihu ponu li Paapa olaa-Tia debo todelomo hilaa limongolio wau Watia motituwau woli mongolio.”

YAHYA 17:26 ပူးပေါင်းရင်းမြစ်များ

JABURU 22:22

Watotia diila olotolo, lopataalo mai watotia monto tunge losapi oa̒ayua wau monto tunggilo hayahayao̒ singa.

YAHYA 14:20

Wonu meidungga mai dulahu boito, mao̒taawa limongoli deu̒ Wau̒ motituwau woli Paapa, timongoli motituwau wola-U̒, wau Wau̒ motituwau woli mongoli.

YAHYA 14:23

Ti Isa lolametao̒, “Taa motolia̒ngu-U̒, mamo dudua̒ pongaajali-U̒. Ti Paapa-U̒ mamomonu mai olio. Ti Paapa wau Wau̒ mamei dungga mai ode olio wau motibiluloa̒ wolio.

YAHYA 15:15

Timongoli diilalo tanggula-U̒ wato, sababu wato diila motota wolo u hekalaja lituanilio. Timongoli tanggula-U̒ mai sahabati, sababu ngoa̒amila u dilungohe-U̒ lonto li Paapa-U̒, mapiloo̒taa-U̒ mai olimongoli.

YAHYA 15:4

Debo potituwaulo wola-U̒ wau Wau̒ olo madebo motituwau woli mongoli. Tango wambao̒ diila mowali momungo mai, ngopohia wonu tango boito debo to bungolio. Odito olo timongoli bo mowali momungo, wonu debo motituwau wola-U̒.

YAHYA 15:9

Debo odelo ti Paapa-U̒ lomonu mai ola-U̒, oditolo olo Wau̒ momonu olimongoli. Mamusi timongoli tatapu wau molotolo hilao tumutumulo odelo taa u pilonu-U̒.

YAHYA 17:23

Watia woli mongolio, wau ti Paapa wolaa-Tia; alihu timongolio otu-otutuulo mao̒ tuwau. Yi dunia mamotota mao̒ deu̒ ti Paapaalo talolao mai olaa-Tia, wau deu̒ ti Paapa momonu olimongolio debo odelo ti Paapa lomonu olaa-Tia.

YAHYA 17:6

Watia malo poo̒taa li Paapa ode tau-tauwalo lonto dunia botie tamailudu mai li Paapa olaa-Tia. Timongolio yito miliki li Paapa, wau ti Paapa malohudu mai olimongolio ode Laatia. Timongolio malo dudua̒ tahuda li Paapa.

YAHYA 17:8

Mapilo tunggulao̒ lo Watia olimongolio tahuda u pilotahuda mai li Paapa olaa-Tia; wau timongolio malo lolimo mao̒. Otaawa limongolio deu̒ Watia otu-otutuulo mao̒ dungga-dungga mai lonto li Paapa wau timongolio palacaya deu̒ ti Paapaalo tamalolao mai olaa-Tia.

YAHYA 6:56

Taa u molamelo tapu-U̒ wau mongilu duhu-U̒, debo motituwau wola-U̒, wau Wau̒ wolio.

YAHYA 8:50

Wau̒ diila hemo lolohe hulumati ode batanga-U̒ lohihilao. Woluo ngota tahemo tolopani mai ohulumati ode ola-U̒, wau Tiolo tamo mutoa̒i.

ROMA 8:10

Bo wonu ti Almasi tumutumulo todelomo batangamu, yi eleponu wawau̒mu maamate sababu dusa, bo Rohullah mongohi mai tutumulo olemu, sababu wumbutamu wolo Allahu Taa̒ala malopiohu.

1 KORINTUS 1:30

Allahu Taa̒ala lohihilaolo tamohutu mai tilinggula Wutato motituwau woli Isa Almasi. Lotimbulude li Isa Almasi, ito pilowali molinepo. Wau lotimbulude o-Lio olo Allahu Taa̒ala lohutu mai olanto luli mopiiohe wolo batanga-Lio, lopowali olanto tolomodu umati-Lio, wau lolopato olanto.

1 KORINTUS 12:12

Ti Almasi yito debo odelo batanga lomanusia; batanga boito tuwau, bo tilitangoa lou̒ pongawaa̒ dadaata. Ngoa̒amila pongawaa̒ boito, penu boli dadaata, bo ngobatanga wambai̒o.

GALATIA 2:20

Botia diilalo watia tatumu-tumulo, boti Almasi tatumu-tumulo todelomo batanga lowatia lohihilao. Tutumulo botie u tomimbihu tutumulo laatia botia yito tutumula lo iimani ode Walao̒ Allahu Taa̒ala talomonu mai olaatia wau tamalo pobake batanga-Lio ode laatia.

EPESUS 1:6

Ilopujialo mola Allahu Taa̒ala tamolai̒o, sababu lotimbulude to Wala-I̒o tapilonu-Lio Tio lomonu tutu olanto.

EPESUS 3:17

Pohileaalo dua̒ sababu timongoli palacaya li Almasi, ti Almasi motibiluloa̒ todelomo hilaa limongoli, wau tutumuli mongoli pilopo daasali wau kiluwasa lo tolia̒ngo.

EPESUS 5:30

Otaawanto uito, sababu ito yito popoo-ngawaa̒alo batanga li Almasi.)

EPESUS 5:32

Ayati boito wanto-wantohe boliilio u modelomo. Wau poa̒ayito mao̒ lowatia uito wolo wumbuta wolota li Almasi wau jamaa̒.

KOLOSE 1:27

To umati-Lio boito Allahu Taa̒ala ohilaa mopoi̒laalo donggo boli piohio wau udaa̒alio hitua-tuawua u milakusudu tiluu-I̒o boito ode ngoa̒amila umati lomanusia. Hitua-tuawua u milakusudu tiluuo̒ boito yito: ti Almasi woluo todelomo batanga limongoli, ubolilio mao̒ timongoli mamodudua̒ moo̒laasa odudaa̒ lo Allahu Taa̒ala.

KOLOSE 2:10

Wau kalana tumutumulo lotituwau woli Almasi, timongoli olo yilohia-Lio tutumulo lealeaatulo mao̒. Sababu ti Almasi yito tau̒wa lo timii̒du rohu u okawasa wau u hemomalenta.

KOLOSE 3:11

Odelo akibati leeto boito madiduu̒ ngoa̒amila polo hiihede towolota taulo Yahudi wau diila Yahudi, taa tiluuna wau taa diila tiluuna, diduu̒ polo hiihede towolota lotaa deli wau taa diila oa̒dabu, towolota lowato wau taa lolopato, sababu ti Almasi yito ngoa̒amilalo sama-samaata wau Tio lotituwau woli mongolio ngoa̒amilalo!

2 TESALONIKA 2:16

Pohileaala dua̒ Eeyanto Isa Almasi lohihilao, wau Allahu Taa̒ala ti Paapanto moliyango wau mopoo̒ lotolo hilaa limongoli, alihu timongoli mowali mokalaja wau mopohabari wolo u mopiohe. Sababu Allahu Taa̒ala momonu olanto, wau sababu opopiohu hilaa-Lio Tio mohutu mai olanto tatapu wau molotolo hilao, wau mohalapu u mopiohe.

IBRANI 2:12

Ti Isa loloi̒ya ode Allahu Taa̒ala, “Wau̒ mamo pohabari tomongo wutatu-U̒ pasali lo Allahu Taa̒ala. Wau̒ mamomuji mola Allahu Taa̒ala todelomo dudunggaya limongolio.”

1 YAHYA 3:24

Ngoa̒amila taa u modungohe totoonulalo palenta lo Allahu Taa̒ala, tumumulo motituwau wolo Allahu Taa̒ala, wau Allahu Taa̒ala motituwau woli mongolio. Wau otaawanto deu̒ Allahu Taa̒ala tumutumulo lotituwau wolanto, sababu Tio malongohi mai Rohu-Lio to olanto.