YAHYA 17:25 - KITABI HABARI MOPIOHE

²⁵ Paapa taa̒adili! Dunia diila moo̒onuhe li Paapa; bo Watia moo̒onuhe li Paapa; wau tau-tauwala botie motota deu̒ ti Paapa talolao mai olaa-Tia.

YAHYA 17:25 ပူးပေါင်းရင်းမြစ်များ

YESAYA 45:21

Wuduwalo palakalamu, podudulaalo bubuu-kutiilio, ooo̒, huliaalo mao̒ timongolio moheeluma pee̒-pee̒enta. Tatoonu talo pohabari mai sua̒li boito wau lopoo̒otai tumulalo muloololio mai? Diila maa Wau̒, Eeya? Diaaluo ila wewo ngopohia Wau̒. Wau̒ulo Allahu Taa̒ala taa̒adili tamoo-poa̒ahu, diaaluo wewolio ngopohia Wau̒!

MATIUSI 11:27

Lapatao̒ ti Isa lobisala, “Totoonulalo u hitua-tuawua mailudu mai li Paapa ode laatia. Diaaluo penu boli ngotaa mao̒ tamotota to Walao̒ ngopohia li Paapa. Diaaluo olo tamotota li Paapa ngopohia Walao̒, wau tau-tauwala ode tatoonu Walao̒ boito mopoo̒taa mao̒ pasali li Paapa.

MATIUSI 16:16

Tei Simon Petrus lolametao̒, “Ti Paaa̒ yito Olongia Tamoo-poa̒ahua Walao̒ Allahu Taa̒ala Tatumu-tumulo.”

LUKASI 10:22

Toonulalo u hitua-tuauwa mailudu mai li Paapa to olaa-Tia. Diaaluo mao̒ penu boli ngota tamotota to Walao̒, ngopohia li Paapa. Diaaluo olo tamotota li Paapa, ngopohia lo Walao̒; wau tau-tauwala too̒lita Walao̒ boito yinao mopoo̒taa li Paapa.”

YAHYA 1:18

Diaaluo tapee̒enta mao̒ loo̒onto Allahu Taa̒ala, ngopohia Walao̒ tuwa-tuwaulo lo Allahu Taa̒ala, u tutuuwauwa wolo Allahu Taa̒ala wau mohulanga daa̒ wo-Lio. Tiolo talo poi̒laalo mai Allahu Taa̒ala to olanto.

YAHYA 15:21

Ngoa̒amilalo boito mapohutuo limongolio ode limongoli, sababu timongoli muri-U̒, sababu timongolio diila moo̒onuhe o-Lio talolao mai ola-U̒.

YAHYA 16:27

sababu ti Paapa-U̒ lohihilao momonu olimongoli. Tio momonu olimongoli sababu timongoli motolia̒nga ola-U̒, wau palacaya deu̒ Wau̒ dungga-dungga mai lonto li Paapa-U̒.

YAHYA 16:3

Timongolio mohutu mai uito olemu sababu timongolio diipo moo̒onuhe li Paapa-U̒ meaalo ola-U̒.

YAHYA 16:30

wau otaawa lo mongowatotia deu̒ otaawa lo Eeya totoonulalo u hitua-tuawua. Diila palalu penu boli ngotaa mao̒ mohintu wolo-wolo ode Eeya. Sababu uito mongowatotia palacaya to Eeya dungga-dungga mai lonto Allahu Taa̒ala.”

YAHYA 17:11

Botia Watia monao̒ mai odeli Paapa. Watia diilalo motibiluloa̒ todunia; bo timongolio woluo todunia. Paapa tamantali! Dahailo mai timongolio wolo okokawasa tangguli Paapa, deu̒ito-yito tanggulo u mailohi mai li Paapa olaa-Tia – alihu timongolio mowali tuwau, tutuuwauwa debo odelo ti Paapa wau Watia tuwau olo.

YAHYA 17:18

Debo odelo ti Paapa malolao mai olaa-Tia ode dunia, odito olo Watia lolao olimongolio ode dunia.

YAHYA 17:21

Pohile laa-Tia, Paapa, alihu timongolio ngoa̒amila mowali tuwau, debo odelo ti Paapa lotituwau mai wolaa-Tia, wau Watia woli Paapa. Pohileaala dua̒ timongolio mowali tuwau wolaan-To alihu dunia palacaya deu̒ ti Paapa talolao mai olaa-Tia.

YAHYA 17:23

Watia woli mongolio, wau ti Paapa wolaa-Tia; alihu timongolio otu-otutuulo mao̒ tuwau. Yi dunia mamotota mao̒ deu̒ ti Paapaalo talolao mai olaa-Tia, wau deu̒ ti Paapa momonu olimongolio debo odelo ti Paapa lomonu olaa-Tia.

YAHYA 17:3

Uti-utieelo tutumulo ututuulio tutu wau ohiheo-hiheolo mao̒; alihu tau motota li Paapa, tuwa-tuwaulo Allahu Taa̒ala tabanali, wau moo̒onuhe li Isa Almasi tailao mai li Paapa.

YAHYA 17:8

Mapilo tunggulao̒ lo Watia olimongolio tahuda u pilotahuda mai li Paapa olaa-Tia; wau timongolio malo lolimo mao̒. Otaawa limongolio deu̒ Watia otu-otutuulo mao̒ dungga-dungga mai lonto li Paapa wau timongolio palacaya deu̒ ti Paapaalo tamalolao mai olaa-Tia.

YAHYA 3:17

Sababu Allahu Taa̒ala lolao Wala-I̒o diila mai momutoo̒ dunia botie, bo mai mopoa̒ahu mao̒.

YAHYA 6:19

Tou̒ malobite mota tanu limo meaalo wolomo kilo, timongolio loo̒onto mota li Isa tahu-tahudei ode bulotu wau nao̒nao̒ totudu lotaluhu. Timongolio mailoohe daa̒.

YAHYA 7:29

Wau̒ moo̒onuhe o-Lio, sababu Wau̒ asaliilio mai lonto o-Lio, wau Tiolo talolao mai ola-U̒.”

YAHYA 8:19

“Ti Paapa-Mu boito tou̒toonu?” loi̒ya mao̒ limongolio. Ti Isa lolametao̒, “Timongoli diila moo̒onuhe ola-U̒ meaambo li Paapa-U̒. Humayaalio timongoli olo moo̒onuhe ola-U̒, maatantu timongoli moo̒onuhe li Paapa-U̒.”

YAHYA 8:55

lebe-lebe pomao̒ timongoli diila moo̒onuhe o-Lio. Bo Wau̒ moo̒onuhe o-Lio. Humayaalio Wau̒ motahuda mai deu̒ Wau̒ diila moo̒onuhe o-Lio, yi Wau̒ ngotaalio lo tamoo-himbulowa, tutuuwauwa debo odelo timongoli. Wau̒ moo̒onuhe o-Lio wau modungohe tahudaa-Lio.

WUNGGULI LOMONGO RASULU 17:23

Sababu tou̒ watia lolontale mota topalito kotamu wau helo poo̒tuoto tataa-mbatiyalo potabiaamu, watia loo̒onto olo tambati tuwau uhepo dewowalo bake; totambati boito tulatuladu, ‘Duo̒lo Allahu Taa̒ala Taa Diila Otaawa.’ Naa, Allahu Taa̒ala tahe tuboo limongoli bo diila oonuhe limongoli boitolo, tahepo habariyou̒ mai olimongoli.

WUNGGULI LOMONGO RASULU 26:18

u momuo̒ mato limongolio alihu timongolio lumualo monto u modio̒lomo wau tumuwoto ode u mobaango; alihu timongolio molopato monto aangio lo Ibilisi, lapatao̒ kiluwaasa lo Allahu Taa̒ala. Yi lou̒ momalacaya ola-U̒ duduu-sawaalo limongolio maa ambunguo-Lio wau timongolio mamowali pongawaa̒ umati lo Allahu Taa̒ala tai̒lo tulaota.’ ”

ROMA 1:28

Masababu manusia diila molaasa palalu moo̒onuhe to Allahu Taa̒ala, yi hiluliaalo mao̒ lo Allahu Taa̒ala pikiilangi limongolio lowali lolusa, tilinggula timongolio helohutu susuu-aliyaalo udiila opohutuo limongolio.

ROMA 3:11

diaaluo penu boli ngotaa mao̒ tamongalati wau diaaluo penu boli ngotaa mao̒ tamolubo Allahu Taa̒ala.

ROMA 3:26

Bo botia hepilohutu-Lio ode dusa boito u mopo bukuti mao̒ o aadili-Lio. Wolo dudelo boito Tio mopo bilohei deu̒ batanga-Lio otutu; wau timii̒du taa palacaya li Isa poi̒laalo-Lio mai odelo taa maluli lopiiohe wolo Allahu Taa̒ala.

1 KORINTUS 1:21

Sababu penu boli woloolo mola totaalio lomanusia, tio diila mowali moo̒onuhe Allahu Taa̒ala motimbulude to pongotalio lohihilao. Bo tumbao̒ sababu Allahu Taa̒ala molinepo, yi Tio lotuhatawa lopoa̒ahu mai tau-tauwalo tapalacaya o-Lio lotimbulude tohabari upilo loladei lamiaatia u hea̒nggapuo lodunia yimbulo.

1 KORINTUS 15:34

Pongalatilo botia, wau diilalo pohutu dusa. Patutilio timongoli musi moolito, deu̒ towolota limongoli woluo tadiipo motota lo Allahu Taa̒ala.

2 KORINTUS 4:4

Ila moleeto umotolo kawasa dunia botie moheu̒ta pikiilangi lotau-tauwalo tadiila palacaya boito. Tiolo tamo monto-montola olimongolio alihu timongolio diila moo̒onto tilango monto Habari Mopiohe boito tomimbihu odudaa̒ li Almasi, tadebo odelo bayahu lo Allahu Taa̒ala.

2 TESALONIKA 1:8

wau wolo tulu ulei̒-lei̒ita. Tio motuhutai u mohukuumani tau-tauwalo tadiili hipo mandungia Allahu Taa̒ala wau tadiila motohilaa tumumulo motuuu̒de wolo Habari Mopiohe pasali li Isa Eeyanto.

IBRANI 8:11

Timongolio diilalo palalu mongaajali tinggai waitio, meaalo mopoo̒taa to wutatio, ‘Oonuhelo mao̒ Eeya.’ Sababu timongolio ngoa̒amila, kikiio̒ wau lei̒daa̒ mamoo̒onuhe ola-U̒.

1 YAHYA 1:9

Bo wonu ito motolo akuo duduu-saanto to Allahu Taa̒ala, Tio mamoe̒elai danti-Lio wau mohutu wolo u aadili. Tio mamo ngambungu duduu-saanto wau mopobelesi olanto monto totoonulalo huhutuunto utilala.

WAHI 13:8

Binatangi boito matuboo lo ngoa̒amila taa utumu-tumulo toitaato dunia, ngopohia tau-tauwalo u tanggulio malei daputali tou̒ dunia diipo pilowali mai, todelomo buku taa tumu-tumulo miliki lo Walao̒ Himba umaa iloloto.

WAHI 16:5

Watia loo̒dungohe malai̒kati tao̒kawasa totudu lotaluhu loloi̒ya, “Hukuumani umaa pilodehu mai lo Eeya yito aadili, ooo̒ Laba-labaalo mantali, Allahu Taa̒ala tawoluo, wau tamawoluo!