YAHYA 17:24 - KITABI HABARI MOPIOHE

²⁴ Paapa, otohila laa-Tia alihu timongolio, tailudu mai li Paapa olaa-Tia, woluo pee̒-pee̒enta wolaa-Tia totambati Watia woluo, alihu timongolio moo̒onto odudaa̒ laa-Tia; deu̒ito-yito odudaa̒ uiludu mai li Paapa olaa-Tia; sababu ti Paapa lomonu olaa-Tia tou̒ dunia diipo pilowali mai.

YAHYA 17:24 ပူးပေါင်းရင်းမြစ်များ

ILOOWALI 45:13

Polelea mao̒ odeli paapanto deu̒ malo odito udaa̒alio kawasa lowatia tewe, to Masiri, wau wunggulia mao̒ olio totoonulalo umaa iloontonga limongoli. Lapatao̒ ngoi̒nta deloa mai tio odia mai.”

MATIUSI 25:21

‘Ooo̒,’ uali tuani boito, ‘Yio̒ tamoomayawa mopiohe wau tatapu molotolo hilao. Sababu yio̒ mowali palacayalo tou̒ ngoi̒di, yi u dadaata olo debo mapo malacayau̒ mai olemu. Tuwotai wau dulo motisanangi wolau̒!’

MATIUSI 25:23

‘Ooo̒,’ uali tuani boito ‘Yio̒ tamoomayawa mopiohe wau tatapu molotolo hilao. Sababu yio̒ mowali palacayalo tou̒ ngoi̒di, u dadaata olo debo mapo malacayau̒ mai olemu. Tuwotai wau dulo motisanangi wolau̒!’

MATIUSI 25:34

Lapatao̒ ti Olongia boito mamo tahuda ode tau-tauwala to ambahu olowala-Lio, ‘Duloolo timongoli tabilaa-katia li Paapa-U̒. Tuwotolo mai ode delomo Yiladia u piloheetu olemu tumulalo mai tobohulo dunia.

MATIUSI 26:29

Pomalacayalo; Wau̒ diilalo mongilu angguru botie poli tunggula Wau̒ mamongilu angguru bohu pee̒-pee̒enta woli mongoli to Dunia Bohu li Paapa-U̒.”

LUKASI 12:37

Donggo boli pae̒daalio tahi pomayawa u odungga donggo hemohima towakutu tituanilio meidungga mai. Pomalacayalo: tituani boito mamoti dapato wau mopoa̒hu mao̒ tahi pomayalio boito motihuloa̒a, tulusi tio mohinta olimongolio.

LUKASI 23:43

“Pomalacayalo,” tahuda mao̒ li Isa olio, “Dulahee botie yio̒ mapee̒-pee̒enta wola-U̒ to Pirdaus.”

YAHYA 1:14

Tahuda malowali manusia, Tio bilubiluloa̒ to wolotanto, wau ito maloo̒onto odudaa̒-Lio. Odudaa̒ boito tilolimo-Lio odelo Walao̒ Allahu Taa̒ala tatuwa-tuwaulo. Lotimbulude o-Lio ito maloo̒onto Allahu Taa̒ala wau ponu-Lio ode olanto.

YAHYA 12:26

Taa u motohilaa momaya ola-U̒ musi modudua̒ ola-U̒; alihu tamoomayawa ola-U̒ mowali pee̒-pee̒enta wola-U̒ tou̒toonu Wau̒ woluo. Taa u momaya ola-U̒ mahulumatio li Paapa-U̒.”

YAHYA 14:3

Lapatio mao̒ Wau̒ odito mola u mopo dapato tambati olimongoli, Wau̒ muli mohualingai wau mai molutula olimongoli, alihu tou̒toonu Wau̒ woluo, timongoli olo woluo.

YAHYA 15:9

Debo odelo ti Paapa-U̒ lomonu mai ola-U̒, oditolo olo Wau̒ momonu olimongoli. Mamusi timongoli tatapu wau molotolo hilao tumutumulo odelo taa u pilonu-U̒.

YAHYA 17:2

Ti Paapa malohudu mai kawasa to ngoa̒amila umati lomanusia ode Walao̒, alihu Tio mongohi tutumulo ututuulio tutu wau ohiheo-hiheolo mao̒ ode ngoa̒amila tamailudu mai li Paapa o-Lio.

YAHYA 17:22

Watia malohudu mao̒ olimongolio odudaa̒, uiludu mai li Paapa olaa-Tia, alihu timongolio mowali tuwau, tutuuwauwa debo odelo Ito olo tuwau;

YAHYA 17:5

Paapa! Pou̒daa̒alo mai Watia botia toli Paapa, wolo odudaa̒ u mililiki lo Watia pee̒-pee̒enta woli Paapa tou̒ dunia botie diipo pilowali mai.

YAHYA 6:37

Ngoa̒amila tailudu mai li Paapa ode ola-U̒ mamonao̒ mai ode ola-U̒. Wau̒ diila tamopo touli boli tatoonu tamonao̒ mai ode ola-U̒.

YAHYA 6:39

Wau uti-utieelo u otohilaa-Lio lo talolao mai ola-U̒: alihu monto ngoa̒amila tailudu-Lio mai ola-U̒, diaaluo penu boli ngotaa mao̒ tamooli; bo alihu Wau̒ mopobongu mai olimongolio to Dulahu Kiama.

YAHYA 8:58

Ti Isa lolametao̒, “Otutu Wau̒ motahuda mai olemu: tou̒ tei Abraham diipo pilotutulio mai, Wau̒ mawoluo.”

1 KORINTUS 13:12

Wolo u oontonganto masaatia botie yito debo odelo wolilu u modio̒lomo toinggilua. Bo ito de mahua̒a moo̒onto lou̒ mopatato. Botia diipo otaawa lowatia totoonulalo u hitua-tuawua, bo de mao̒taawa mao̒ lowatia totoonulalo u hitua-tuawua tutuuwauwa debo odelo Allahu Taa̒ala motota totoonulalo u hitua-tuawua tomimbihu batanga lowatia.

2 KORINTUS 3:18

Masaatia bayanto ngoa̒amila diila tilau̒be lo beleu̒to, wau ito mopo bulilangao̒ otinelo mobaango tutu li Isa Eeya. Wau masababu uito ito mololaalaaita bolio̒lo mowali debo odelo Tio; lebe hihiiheo mao̒ ito mowali helebe motinelo mobaango tutu. Otinelo mobaango tutu boito monto Rohu, wau Rohu boito yito Eeya.

2 KORINTUS 4:6

Allahu Taa̒ala talo tahuda, “Mamusi monto delomo dio̒lomo mobutu mai tilango,” Allahu Taa̒ala boitolo olo tamo pobutu mai tilango boito todelomo hilaanto, alihu pikiilanginto, mowali mobaangai u momaahamu otinelo mobaango tutu lo Allahu Taa̒ala u tinetinelo tobaya li Almasi.

2 KORINTUS 5:8

uito sababuulio hilaa lamiaatia sabali. Lebe otohilaa lamiaatia molopato monto batanga lamiaatia botie, alihu mowali motibiluloa̒ wolo Eeya.

PILIPI 1:23

Watia bilantangalio monto mohu-mohuwalia. Otohilaa daa̒ lowatia mololaa mao̒ dunia botie wau mola motibiluloa̒ woli Almasi, sababu uitolo ulaba-labaalo mopiohu;

1 TESALONIKA 4:17

Lapatao̒ uito, ito tadonggo tumutumulo tou̒ boito mapee̒-pee̒enta bintao̒-Lio woli mongolio ode delomo heengo mola modunggaya wolo Eeya todulente. Lapatao̒ ito mamo tibiluloa̒ wolo Eeya ohiheo-hiheolo mao̒.

1 PETRUS 1:21

Motimbulude o-Liolo timongoli palacaya to Allahu Taa̒ala tamaaluli lopotumulai o-Lio lonto opopate wau lopou̒daa̒ o-Lio. Oditolio, Allahu Taa̒alaalo tai̒laku mao̒ limongoli wau to Allahu Taa̒alaalo olo timongoli mopowunelo halapani.

1 YAHYA 3:2

Mongo wutato tao̒tolia̒ngo! Ito botia yito mongo walao̒ Allahu Taa̒ala, bo owowoluwonto de diipo mopatato. Bo otaawanto deu̒ wonu ti Almasi meidungga mai, ito mamowali debo odelo Tio, sababu mamoo̒onto o-Lio todelomo owowoluwoa-Lio u otutuulio mao̒.

WAHI 21:22

Watia diila loo̒onto Bele lo Allahu Taa̒ala todelomo kota boito, sababu Bele lo Allahu Taa̒alaalio yito Eeya lohihilao, Allahu Taa̒ala Taa Laba-labaalo kawasa, wau Walao̒ Himba boito.

WAHI 3:21

Timongolio taloo̒haama, mapo luasiyo-U̒ motihuloa̒a totambati lo huhuloa̒a-U̒ pee̒-pee̒enta wola-U̒, tutuuwauwa debo odelo Wau̒ lohihilao olo maloo̒haama wau masaatia hulohuloa̒a pee̒-pee̒enta woli Paapa-U̒ totambati lo huhuloa̒a-Lio.