YAHYA 17:22 - KITABI HABARI MOPIOHE

²² Watia malohudu mao̒ olimongolio odudaa̒, uiludu mai li Paapa olaa-Tia, alihu timongolio mowali tuwau, tutuuwauwa debo odelo Ito olo tuwau;

YAHYA 17:22 ပူးပေါင်းရင်းမြစ်များ

MARKUSI 6:7

Tio lotiangai mopulaa duulota tahidudua̒ o-Lio, tulusi lolao olimongolio duduulota wau longohi kawasa olimongolio u mopohinggi roroo-huwaalo u moleeto.

LUKASI 22:30

Lou̒ odito timongoli mowali moduduo̒ motisana-sanangi wola-U̒ towakutu Wau̒ mowali Olongia. Wau timongoli mamo tihuloo̒ toitaato mopulaa duluo tambati huhuloa̒ li olongia u momalenta tomopulaa duluo suku bangusa lo Isirai̒lu.”

YAHYA 1:14

Tahuda malowali manusia, Tio bilubiluloa̒ to wolotanto, wau ito maloo̒onto odudaa̒-Lio. Odudaa̒ boito tilolimo-Lio odelo Walao̒ Allahu Taa̒ala tatuwa-tuwaulo. Lotimbulude o-Lio ito maloo̒onto Allahu Taa̒ala wau ponu-Lio ode olanto.

YAHYA 1:16

Tio polupolu loponu: diila ohuheli-Lio, Tio mobalakati olanto.

YAHYA 14:20

Wonu meidungga mai dulahu boito, mao̒taawa limongoli deu̒ Wau̒ motituwau woli Paapa, timongoli motituwau wola-U̒, wau Wau̒ motituwau woli mongoli.

YAHYA 17:24

Paapa, otohila laa-Tia alihu timongolio, tailudu mai li Paapa olaa-Tia, woluo pee̒-pee̒enta wolaa-Tia totambati Watia woluo, alihu timongolio moo̒onto odudaa̒ laa-Tia; deu̒ito-yito odudaa̒ uiludu mai li Paapa olaa-Tia; sababu ti Paapa lomonu olaa-Tia tou̒ dunia diipo pilowali mai.

WUNGGULI LOMONGO RASULU 5:41

Mongo rasulu boito lololaa mao̒ Mahakama Agama wolo wengahu sababu Allahu Taa̒ala malo nganggapu olimongolio paatuti u moo̒tapu mao̒ hihiina sababu ti Isa.

ROMA 8:30

Odieelo mola Allahu Taa̒ala lotianga olimongolio tamaa tilantu-Lio mai leimulo; wau timongolio tatilia-Ngio boito, yiluasia-Lio muli mopiiohe wo-Lio. Wau timongolio tailuasia-Lio muli mopiiohe wolo Allahu Taa̒ala, mohama tayade todelomo tutumulo Allahu Taa̒ala lohihilao.

2 KORINTUS 3:18

Masaatia bayanto ngoa̒amila diila tilau̒be lo beleu̒to, wau ito mopo bulilangao̒ otinelo mobaango tutu li Isa Eeya. Wau masababu uito ito mololaalaaita bolio̒lo mowali debo odelo Tio; lebe hihiiheo mao̒ ito mowali helebe motinelo mobaango tutu. Otinelo mobaango tutu boito monto Rohu, wau Rohu boito yito Eeya.

2 KORINTUS 5:20

Oditolio amiaatia yito mongo utolia li Almasi. Lotimbulude olamiaatia Allahu Taa̒ala lohihilao talopo tunggulai tahuli-Lio. To tangguli Almasi, amiaatia wolo tio̒otutua mohalapu, tolimowalo wuwudu uluu̒ lo Allahu Taa̒ala talo poo̒wali mai olimongoli luli lopiiohe wo-Lio.

2 KORINTUS 6:1

Sababu amiaatia hemo kalaja pee̒-pee̒enta wolo Allahu Taa̒ala, yi halapuo lamiaatia lou̒ tio̒otutua diila mao̒ polemea limongoli opopiohu hilaa lo Allahu Taa̒ala boito.

EPESUS 2:20

Timongoli olo bilongulio toitaato wumbato u pilodutu lomongo rasulu wau mongo nabi woli Isa Almasi odelo botu ulaba-labaalo mopiohu.

PILIPI 1:29

Sababu Allahu Taa̒ala malongohi mai ponu olimongoli diila bo u palacaya li Almasi wambao̒, bo u modutolo olo odeli Almasi.

KOLOSE 1:24

Botia watia sanangi modutolo ode polohuna daa̒ limongoli. Sababu wolo dudutolo lowawao̒ laatia, watia mopo wimumuto wolo udonggo musi dutola li Almasi ode jamaa̒-Lio, deu̒ito-yito batanga-Lio.

1 YAHYA 1:3

Wolo umaa iloontonga wau ilodungohe lamiaatia, uitolo olo u pohabario mai lamiaatia olimongoli, alihu timongoli pee̒-pee̒enta wolamiaatia modudua̒ molaasa hitua-tuawua todelomo hilao to tutumulo motituwau woli Paapa wau wolo Wala-I̒o Isa Almasi.

1 YAHYA 3:24

Ngoa̒amila taa u modungohe totoonulalo palenta lo Allahu Taa̒ala, tumumulo motituwau wolo Allahu Taa̒ala, wau Allahu Taa̒ala motituwau woli mongolio. Wau otaawanto deu̒ Allahu Taa̒ala tumutumulo lotituwau wolanto, sababu Tio malongohi mai Rohu-Lio to olanto.

1 YAHYA 4:17

Ponu pilowali-Lio mai wimu-wimumuto tutu todelomo batanganto, alihu woluo buhelinto to Dulahe Pomutoa̒alo. Woluo buhelinto, sababu tutumulonto todunia botie tutuuwauwa debo odelo tutumuli Almasi.

WAHI 21:14

Dingingo meseli lokota boito bilongulio toitaato mopulaa duluo lobotu pundasi. To boboo-tuwaalo pundasi boito hitulade tanggulo lo opulaa duluo rasulu lo Walao̒ Himba boito.