YAHYA 17:21 - KITABI HABARI MOPIOHE

²¹ Pohile laa-Tia, Paapa, alihu timongolio ngoa̒amila mowali tuwau, debo odelo ti Paapa lotituwau mai wolaa-Tia, wau Watia woli Paapa. Pohileaala dua̒ timongolio mowali tuwau wolaan-To alihu dunia palacaya deu̒ ti Paapa talolao mai olaa-Tia.

YAHYA 17:21 ပူးပေါင်းရင်းမြစ်များ

YEREMIA 32:39

Wau̒ mamongohi mai olimongolio bo tuwau patuju lo tutumulo: deu̒yito-yito, mohulumati ola-U̒ ohiheo-hiheolo mao̒; sua̒li boito mamodelo olimongolio lohihilao ode u mopiohu, wau ode wali mola limongolio.

JEPANYA 3:9

Bo lapatao̒ Wau̒ mamo lomelo hilaa lo babaa-ngusawalo boito, tilinggula timongolio modua̒ ode Olau̒ wambai̒o, wau diila ode ila-ila wewo. Babaa-ngusawalo ngoa̒amila mamo dungohe ola-U̒.

JAKARIA 14:9

Yi Eeya mamo malenta odelo olongia to ngoilanggubu tudu lodunia; timii̒du tau mamolubo o-Lio odelo Allahu Taa̒ala wau motota o-Lio wolo tanggulo u tutuuwauwa.

MARKUSI 3:24

“Wonu lipu tuwau mopoo̒ hipole-polemboa̒ wau tinggai mumuusua, lipu boito diila moo̒ tahangi.

YAHYA 10:16

Donggo woluo hihii-mbawaalo uwewo hakuu-U̒ olo, bo diila waiwaito todelomo himbala lohimba botie. Timongolio olo musi deloo-U̒ wau timongolio mamo dungohe sualaa-U̒. Timongolio ngoa̒amilalo mamowali ngopo himbala wolo ngota ditilio.

YAHYA 10:30

Wau̒ wau ti Paapa-U̒ yito tuwau.”

YAHYA 10:38

Bo sababu Wau̒ helohutu mao̒ uito, pomalacayalo tou̒ wolo u pilohutu-U̒ boito, eleponu timongoli diila mohuto palacaya ola-U̒. Lou̒ odito otaawa mao̒ limongoli wau mongalati deu̒ Allahu Taa̒ala debo tuwau wola-U̒, wau Wau̒ debo tuwau wolo Allahu Taa̒ala.”

YAHYA 11:42

Otaawa lowatia ti Paapa laito modungohei olaatia, bo watia moloi̒ya mao̒ utie, ode tau-tauwalo tawoluo teea; alihu timongolio palacaya deu̒ boti Paapalo talolao mai olaatia.”

YAHYA 13:32

Wonu Allahu Taa̒ala pou̒daa̒alo moli o-Lio, Tio olo pou̒daa̒ mai lo Allahu Taa̒ala moli batanga-Lio lohihilao. Tumbao̒ Allahu Taa̒ala mahua̒a mopou̒daa̒ mai o-Lio.

YAHYA 13:35

Wonu timongoli mototoo-lia̒nga, ngoa̒amila tau mamotota deu̒ timongoli muri-U̒.”

YAHYA 17:11

Botia Watia monao̒ mai odeli Paapa. Watia diilalo motibiluloa̒ todunia; bo timongolio woluo todunia. Paapa tamantali! Dahailo mai timongolio wolo okokawasa tangguli Paapa, deu̒ito-yito tanggulo u mailohi mai li Paapa olaa-Tia – alihu timongolio mowali tuwau, tutuuwauwa debo odelo ti Paapa wau Watia tuwau olo.

YAHYA 17:18

Debo odelo ti Paapa malolao mai olaa-Tia ode dunia, odito olo Watia lolao olimongolio ode dunia.

YAHYA 17:20

Diila bo ode limongolio wambao̒ Watia modua̒ mola. Watia modua̒ mola olo ode tau-tauwalo tamaa palacaya olaa-Tia lo ososakusi limongolio botie.

YAHYA 17:25

Paapa taa̒adili! Dunia diila moo̒onuhe li Paapa; bo Watia moo̒onuhe li Paapa; wau tau-tauwala botie motota deu̒ ti Paapa talolao mai olaa-Tia.

YAHYA 17:3

Uti-utieelo tutumulo ututuulio tutu wau ohiheo-hiheolo mao̒; alihu tau motota li Paapa, tuwa-tuwaulo Allahu Taa̒ala tabanali, wau moo̒onuhe li Isa Almasi tailao mai li Paapa.

YAHYA 17:8

Mapilo tunggulao̒ lo Watia olimongolio tahuda u pilotahuda mai li Paapa olaa-Tia; wau timongolio malo lolimo mao̒. Otaawa limongolio deu̒ Watia otu-otutuulo mao̒ dungga-dungga mai lonto li Paapa wau timongolio palacaya deu̒ ti Paapaalo tamalolao mai olaa-Tia.

YAHYA 3:17

Sababu Allahu Taa̒ala lolao Wala-I̒o diila mai momutoo̒ dunia botie, bo mai mopoa̒ahu mao̒.

YAHYA 5:23

Allahu Taa̒ala lohutu uito alihu ngoa̒amila tau mohulumati to Walao̒ debo odelo timongolio mohulumati to Allahu Taa̒ala. Taa diila mohulumati to Walao̒ diila mohulumati olo to Allahu Taa̒ala tamalolao mai to Walao̒.

WUNGGULI LOMONGO RASULU 2:46

Timii̒du dulahu timongolio tulusi hemo tia̒mbu to Bele lo Eeya; wau hemo lamelo pee̒-pee̒enta, wolo hiwengahe wau hidupapawa lohilao to bebee-leyaalo limongolio.

WUNGGULI LOMONGO RASULU 4:32

Ngoa̒amila taa palacaya boito hitumula ngohilao wau ngojiwa. Diaaluo penu boli ngota mao̒ limongolio hemo nganggapu deu̒ wolo u mililikilio yito uolio lohihilao. Totoonulalo u hitua-tuawua uwoluo toli mongolio, pilomake limongolio pee̒-pee̒enta.

ROMA 12:5

Odito olo wolanto. Eleponu ito ngoa̒amilalo dadaata, bo ito debo odelo batanga tuwau sababu ito tuwau woli Almasi. Wau ito ngota-ngota wuwuumbuta ngota-timongota odelo popoo-ngawaa̒alo monto batanga tuwau.

1 KORINTUS 1:10

Mongo wutato! To tanggulo Eeyanto Isa Almasi, pohile lowatia alihu timongoli ngoa̒amilalo tuwau lohuhama; alihu diaaluo polo hulinggila towolota limongoli. Mamusi timongoli motituwau, ngohilao wau ngopikiilangi.

1 KORINTUS 12:12

Ti Almasi yito debo odelo batanga lomanusia; batanga boito tuwau, bo tilitangoa lou̒ pongawaa̒ dadaata. Ngoa̒amila pongawaa̒ boito, penu boli dadaata, bo ngobatanga wambai̒o.

1 KORINTUS 6:17

Bo taa mopotuwau batangalio wolo Eeya, Rohu lo Eeya wolo Rohu lotau boito mowali tuwau.

GALATIA 3:28

Todelomo sua̒li botie diilalo pilopo woluo polohiheede towolota taulo Yahudi wau taa diila Yahudi, towolota lowato wau taa lolopato, towolota talolai̒ wau taabua. Wutato ngoa̒amilalo tuwau sababu ti Isa Almasi.

PILIPI 1:27

Naa, u polohuna daa̒ botia yito deu̒ timongoli tumumulo motuuu̒de lou̒ wolo u pohile wolo moo̒ohuu̒ lo Habari Mopiohe pasali li Isa Almasi boito. Lou̒ odito, diila otaawa laatia donggo moo̒ dunggaya woli mongoli meaalo diila, watia mamo dungoheo̒ deu̒ timongoli molotolo motituwau wau mohipate pee̒-pee̒enta bo u makusudu tuwau wau tuwau ilohilaa; deu̒ito-yito to opopalacaya u motuuu̒de wolo Habari Mopiohe monto Allahu Taa̒ala boito.

1 YAHYA 1:3

Wolo umaa iloontonga wau ilodungohe lamiaatia, uitolo olo u pohabario mai lamiaatia olimongoli, alihu timongoli pee̒-pee̒enta wolamiaatia modudua̒ molaasa hitua-tuawua todelomo hilao to tutumulo motituwau woli Paapa wau wolo Wala-I̒o Isa Almasi.

1 YAHYA 5:7

Mohelu totolu sakusi: Rohullah, taluhu wau duhu – toto-totoolulo boito mongohi sakusi u tutuuwauwa.