YAHYA 17:2 - KITABI HABARI MOPIOHE

² Ti Paapa malohudu mai kawasa to ngoa̒amila umati lomanusia ode Walao̒, alihu Tio mongohi tutumulo ututuulio tutu wau ohiheo-hiheolo mao̒ ode ngoa̒amila tamailudu mai li Paapa o-Lio.

YAHYA 17:2 ပူးပေါင်းရင်းမြစ်များ

JABURU 110:1

Jaburu lei Dauda. Eeya lotahuda odeli tuani laatia, “Potihuloo̒lo mola to ambahu olowala-U̒, tunggula mumuu-suumu potaa̒a-lukuwo-U̒ to olemu.”

DANIALI 7:14

Tio yilohia ohulumati wau okokawasa odelo olongia, tilinggula tau-tauwalo monto totoonulalo bangusa, suku bangusa wau bahasa momaya olio. Okokawasaalio mamoo̒ taahangi ohiheo-hiheolo mao̒, pamalentaalio diila tapo wulidulo.

MATIUSI 11:27

Lapatao̒ ti Isa lobisala, “Totoonulalo u hitua-tuawua mailudu mai li Paapa ode laatia. Diaaluo penu boli ngotaa mao̒ tamotota to Walao̒ ngopohia li Paapa. Diaaluo olo tamotota li Paapa ngopohia Walao̒, wau tau-tauwala ode tatoonu Walao̒ boito mopoo̒taa mao̒ pasali li Paapa.

MATIUSI 25:46

Yi tau-tauwalo boito mahukuu-maniyolo wolo hukuumani u ohiheo-hiheolo mao̒, hiambola tahi pohutua kahandaki lo Allahu Taa̒ala mamoo̒ toduo tutumulo ututulio tutu wau ohiheo-hiheolo mao̒.”

MATIUSI 28:18

Ti Isa lohimbideo̒ olimongolio wau lotahuda mao̒, “Ngoa̒amila kawasa tosologa wau todunia mailudu-Lio mai ola-U̒.

YAHYA 17:24

Paapa, otohila laa-Tia alihu timongolio, tailudu mai li Paapa olaa-Tia, woluo pee̒-pee̒enta wolaa-Tia totambati Watia woluo, alihu timongolio moo̒onto odudaa̒ laa-Tia; deu̒ito-yito odudaa̒ uiludu mai li Paapa olaa-Tia; sababu ti Paapa lomonu olaa-Tia tou̒ dunia diipo pilowali mai.

YAHYA 17:6

Watia malo poo̒taa li Paapa ode tau-tauwalo lonto dunia botie tamailudu mai li Paapa olaa-Tia. Timongolio yito miliki li Paapa, wau ti Paapa malohudu mai olimongolio ode Laatia. Timongolio malo dudua̒ tahuda li Paapa.

YAHYA 17:9

Watia modua̒ mola ode limongolio. Watia diila modua̒ duo̒lo dunia bo duo̒lo tamailudu mai li Paapa olaa-Tia, sababu timongolio deu̒ito-yito miliki li Paapa.

YAHYA 3:35

Allahu Taa̒ala momonu Wala-I̒o, wau malohudu totoonulalo kawasa to o-Lio.

YAHYA 4:14

“bo taa mongilu taluhu u mawohi-U̒ mai madiilalo mototoa̒ngo poli ohiheo-hiheolo mao̒. Sababu tahulu u mawohi-U̒ boito mamowali mato lotaluhu todelomo batangalio u mopentelai ode bulemengio wau mongohi olio tutumulo ututuulio tutu wau ohiheo-hiheolo mao̒.”

YAHYA 6:27

Diila mao̒ pokalaja u moo̒tapu mai ua̒alo u mowali mopulito wau mobunuto. Pokalajaalo u moo̒tapu mai ua̒alo udiila mowali mobunuto u mongohi tutumulo ututuulio tutu wau ohiheo-hiheolo mao̒. Ua̒alo boito mawohi mai lo Walao̒ Manusia olemu, sababu Tio mapiluduo̒ lo Allahu Taa̒ala.”

YAHYA 6:37

Ngoa̒amila tailudu mai li Paapa ode ola-U̒ mamonao̒ mai ode ola-U̒. Wau̒ diila tamopo touli boli tatoonu tamonao̒ mai ode ola-U̒.

YAHYA 6:39

Wau uti-utieelo u otohilaa-Lio lo talolao mai ola-U̒: alihu monto ngoa̒amila tailudu-Lio mai ola-U̒, diaaluo penu boli ngotaa mao̒ tamooli; bo alihu Wau̒ mopobongu mai olimongolio to Dulahu Kiama.

ROMA 6:23

Sababu opopate yito wuupa lodusa; bo tutumulo tutu wau ohiheo-hiheolo mao̒ pee̒-pee̒enta woli Isa Almasi Eeyanto yito wowohi uiludu mai lo Allahu Taa̒ala wolo palacuma.

1 KORINTUS 15:25

Ti Almasi musi tulusi momalenta dilumutu Allahu Taa̒ala mohutu mai ngoa̒amila musu li Almasi taa̒luku toli Almasi.

EPESUS 1:20

u pilomake-Lio tou̒ luli lopo tumulai li Almasi lonto opopate wau longohi o-Lio huhuloa̒a lebe lolaio̒ daa̒ pee̒-pee̒enta wolo Allahu Taa̒ala tosologa.

PILIPI 2:10

Yi u mohulumati li Isa, ngoa̒amila mahaluku u tosologa, wau u todunia, wau u to walungo dunia mamolubo o-Lio.

1 TIMOTIUS 1:16

Bo tumbao̒ masababu uitolo Allahu Taa̒ala lomonu mai olaatia, alihu ti Isa Almasi mowali mopo bilohei ngoa̒amila osabali-Lio olaatia, taa odusa daa̒ botie. Wau utie mowali tuwaulio obaaya ode ngoa̒amila tau u demaa palacaya to o-Lio wau moo̒tapu tutumulo tutu wau ohiheo-hiheolo mao̒.

IBRANI 1:2

Bo tojamani pulitio botie Tio lotahuda mai olanto wolo lotimbulude to Wala-I̒o. Lotimbulude to Wala-I̒o botieelo Allahu Taa̒ala lopowali mai ngoilanggubu aalamu. Wau Allahu Taa̒ala malolantu mao̒ deu̒ Wala-I̒o botieelo olo tao̒haku motolo miliki totoonulalo u hitua-tuawua.

1 PETRUS 3:22

wau malo botula mola ode sologa. Masaatia Tio okawasa pee̒-pee̒enta wolo Allahu Taa̒ala wau hemo malenta ngoa̒amila malai̒kati, ngoa̒amila tao̒kawasa wau ngoa̒amila olootolo.

1 YAHYA 1:2

Tou̒ tutumulo boito piloi̒laalo mai, amiaatia loo̒onto mao̒. Uitolo sababuulio amiaatia mongohi mai ososakusi tomimbihu olio. Amiaatia mopohabari mai olimongoli pasali lo tutumulo u tutuulio tutu wau ohiheo-hiheolo mao̒, uwoluo pee̒-pee̒enta wolo Allahu Taa̒ala, wau u mapilo ilaalo mai olamiaatia.

1 YAHYA 2:25

Wau utieelo upilo danti mai li Almasi lohihilao to olanto; tutumulo u tutuulio tutu wau ohiheo-hiheolo mao̒.

1 YAHYA 5:20

Otaawanto deu̒ Walao̒ Allahu Taa̒ala malei dungga mai wau malongohi pongotota to olanto, alihu ito motota lo Allahu Taa̒ala tao̒tutu. Ito tumutumulo motituwau wolo Allahu Taa̒ala tao̒tutu, wau tumutumulo motituwau wolo Wala-I̒o Isa Almasi. Utieelo Allahu Taa̒ala tao̒tutu, wau utieelo tutumulo u tutuulio tutu wau ohiheo-hiheolo mao̒.

YUDAS 1:21

wau poti tumulolo laito todelomo ponu lo Allahu Taa̒ala ngotilonggadu timongoli hemohima odehu hilao li Isa Almasi Eeyaanto, tamaa mongohi mai olimongoli tutumulo u tutuulio tutu wau ohiheo-hiheolo mao̒.