YAHYA 17:18 - KITABI HABARI MOPIOHE

¹⁸ Debo odelo ti Paapa malolao mai olaa-Tia ode dunia, odito olo Watia lolao olimongolio ode dunia.

YAHYA 17:18 ပူးပေါင်းရင်းမြစ်များ

MATIUSI 10:5

Tamopulaa duulota rasulu boito lapatao̒ yilao li Isa wolo loo̒tapu popoo-tuhatawalo utie, “Diila mao̒ ponao̒ ode madala lotau-tauwalo tadiila Yahudi. Diila mao̒ olo ode kokoo-tawaalo taulo Samaria.

MATIUSI 23:34

Dungohilo tio̒otutua: Wau̒ mamolao mai olemu mongo nabi, tau-tauwalo molinepo, wau guguu-ruwaalo; ngatayadi mongolio mapatee limongoli mate-mateelo mao̒, wau ngotayade wewolio mapakua limongoli to ayu saalipu. Woluo taposikisa limongoli to bebee-leyaala potabiaalo, wau poheheenela limongoli monto kota tuwau ode kota uwewo.

YAHYA 17:21

Pohile laa-Tia, Paapa, alihu timongolio ngoa̒amila mowali tuwau, debo odelo ti Paapa lotituwau mai wolaa-Tia, wau Watia woli Paapa. Pohileaala dua̒ timongolio mowali tuwau wolaan-To alihu dunia palacaya deu̒ ti Paapa talolao mai olaa-Tia.

YAHYA 17:23

Watia woli mongolio, wau ti Paapa wolaa-Tia; alihu timongolio otu-otutuulo mao̒ tuwau. Yi dunia mamotota mao̒ deu̒ ti Paapaalo talolao mai olaa-Tia, wau deu̒ ti Paapa momonu olimongolio debo odelo ti Paapa lomonu olaa-Tia.

YAHYA 17:25

Paapa taa̒adili! Dunia diila moo̒onuhe li Paapa; bo Watia moo̒onuhe li Paapa; wau tau-tauwala botie motota deu̒ ti Paapa talolao mai olaa-Tia.

YAHYA 17:3

Uti-utieelo tutumulo ututuulio tutu wau ohiheo-hiheolo mao̒; alihu tau motota li Paapa, tuwa-tuwaulo Allahu Taa̒ala tabanali, wau moo̒onuhe li Isa Almasi tailao mai li Paapa.

YAHYA 17:8

Mapilo tunggulao̒ lo Watia olimongolio tahuda u pilotahuda mai li Paapa olaa-Tia; wau timongolio malo lolimo mao̒. Otaawa limongolio deu̒ Watia otu-otutuulo mao̒ dungga-dungga mai lonto li Paapa wau timongolio palacaya deu̒ ti Paapaalo tamalolao mai olaa-Tia.

YAHYA 20:21

Lapatao̒ ti Isa pee̒entapo lotahuda mao̒ olimongolio, “Salamu moa̒ahu olemu. Debo odelo ti Paapa-U̒ lolao mai ola-U̒, odito olo Wau̒ mamolao olimongoli.”

YAHYA 3:17

Sababu Allahu Taa̒ala lolao Wala-I̒o diila mai momutoo̒ dunia botie, bo mai mopoa̒ahu mao̒.

YAHYA 4:38

Wau̒ mopoa̒hu olimongoli mota mongotolo to halabolu udiila tilolopani limongoli; taawewo malo kalaja mola teto, wau timongoli tamololimo pae̒eda lokalaja limongolio.”

2 KORINTUS 5:20

Oditolio amiaatia yito mongo utolia li Almasi. Lotimbulude olamiaatia Allahu Taa̒ala lohihilao talopo tunggulai tahuli-Lio. To tangguli Almasi, amiaatia wolo tio̒otutua mohalapu, tolimowalo wuwudu uluu̒ lo Allahu Taa̒ala talo poo̒wali mai olimongoli luli lopiiohe wo-Lio.

EPESUS 3:7

Allahu Taa̒ala longohi mai olaatia ponu – deu̒ito-yito tuugasi – u mopololadu Habari Mopiohe boito. Tilolimo lowatia ponu boito lotimbulude tokawasa lo Allahu Taa̒ala u kalakalaja todelomo batanga lowatia.