YAHYA 17:14 - KITABI HABARI MOPIOHE

¹⁴ Watia malopo tunggulao̒ olimongolio tahuda li Paapa, wau dunia molonui̒ mongolio, sababu timongolio diila miliki lodunia, tutuuwauwa debo odelo Watia olo diila miliki lodunia.

YAHYA 17:14 ပူးပေါင်းရင်းမြစ်များ

ILOOWALI 3:15

Yio̒ wau taabua boito mamo loloonua̒, waliilio mola wau waliimu mola mamo mumuusua laito. Waliilio mola mamopo toyopu lunggongumu, wau yio̒ mamo dengeta pai̒ limongolio.”

POHUMAYA 29:27

Taa mopiohu diila sanangi wolo taa moleeto; taa moleeto molonuo̒ totaa mopiohu.

JAKARIA 11:8

Diiti toulota tamolonuo̒ olaatia lopoo̒ pulito osaabali lowatia. Timongolio pilopolaahu lowatia todelomo wakutu ngohula mola.

MARKUSI 10:39

“Mambo,” tametao̒ limongolio: yi ti Isa luli lotahuda olimongolio: “Memangi, timongoli mamongilu monto hakati polodutolo u mailumo-U̒ wau matumuwoto ode delomo polodutolo umaa tuwoto-U̒.

YAHYA 17:16

Tutuuwauwa sua̒liilio debo odelo Watia diila miliki lodunia, timongolio olo diila miliki lodunia.

YAHYA 17:8

Mapilo tunggulao̒ lo Watia olimongolio tahuda u pilotahuda mai li Paapa olaa-Tia; wau timongolio malo lolimo mao̒. Otaawa limongolio deu̒ Watia otu-otutuulo mao̒ dungga-dungga mai lonto li Paapa wau timongolio palacaya deu̒ ti Paapaalo tamalolao mai olaa-Tia.

YAHYA 7:7

Dunia botie diila pongalo aakali molonui̒ mongoli. Bo Wau̒ memangi lonuo̒ lodunia, sababu Wau̒ laito hemo tahuda ode dunia deu̒ huhutuulio moleeto.

YAHYA 8:23

Lapatao̒ ti Isa lotahuda mao̒ ode limongolio, “Timongoli dungga-dungga mai lonto walungo; bo Wau̒ dungga-dungga mai lonto yitaato. Timongoli lonto dunia; Wau̒ diila lonto dunia.

1 YAHYA 3:12

Diila mao̒ potihutu ito debo odelo tei Kain, tamalowali walao̒ Ibilisi wau lomate wutatio lohihilao yila-yilateelo mao̒. Wolo sababuulio tei Kain lomate wutatio yila-yilateelo mao̒? Sababu susuu-aliyaalo u pilohutulio yito tilala, bo susuu-aliyaalo u pilohutu lowutatio boito otutu.

1 YAHYA 3:13

Sababu uito, mongo wutatuu̒, diila mao̒ polinggolabu wonu taulo dunia botie molonuo̒ olimongoli.