YAHYA 17:13 - KITABI HABARI MOPIOHE

¹³ Botia Watia monao̒ mai odeli Paapa. Ngoa̒amilalo botie tilahuda mao̒ lo Watia tou̒ donggo todunia; alihu timongolio wolo tio̒otutua moo̒laasa owengahu lo Watia.

YAHYA 17:13 ပူးပေါင်းရင်းမြစ်များ

NEHEMIA 8:10

Botia pohualingolo; polamelolo wau pongilulo wolo weengahu. Wohia mota ngotayadu lo ua̒alo wau angguru limongoli ode limongolio tahi mosikinia. To dulahe botie dulahe tolomodu ode Eeyaanto, oditolio diila mao̒ potisuukali. Oweengahu uilohi mai lo Eeya ode limongoli mamopo lotolao̒ olimongoli.”

JABURU 126:5

Pohileaala dua̒ taa u momua̒yade sambela hehiyonga, mamolipu wolo tingalaa̒a wengahu.

JABURU 43:4

Yi watia mamoti dulunga ode mesba lo Allahu Taa̒ala, motaalua wolo Allahu Taa̒ala bungo lo osaanangi tutu lowatia. Watia mamopolahu mola wau moitohe kocapi, u momuji mola to Eeya, yaa Allahu Taa̒ala, Allahu Taa̒ala lowatia.

YAHYA 13:3

Otaawa li Isa deu̒ ti Paapa-Lio malohudu mai ngoa̒amila okokawasa ode o-Lio. Otaawa-Lio olo deu̒ dudunggaa-Lio mai monto Allahu Taa̒ala wau mamuli mohualinga mola ode Allahu Taa̒ala.

YAHYA 15:11

Ngoa̒amilalo botie poo̒taa-U̒ mai olimongoli, alihu owengahu-U̒ woluo todelomo hilaa limongoli, wau owengahi mongoli mowali wimu-wimumuto ngoa̒amilalo.

YAHYA 16:33

Ngoa̒amilalo botie polele-U̒ mai alihu timongoli moo̒toduo mai moa̒ahu sababu motituwau wola-U̒. To dunia timongoli mamodutolo. Bo poo̒toheeta mola hilaamu! Dunia maa ilolaahe-U̒!”

YAHYA 17:11

Botia Watia monao̒ mai odeli Paapa. Watia diilalo motibiluloa̒ todunia; bo timongolio woluo todunia. Paapa tamantali! Dahailo mai timongolio wolo okokawasa tangguli Paapa, deu̒ito-yito tanggulo u mailohi mai li Paapa olaa-Tia – alihu timongolio mowali tuwau, tutuuwauwa debo odelo ti Paapa wau Watia tuwau olo.

YAHYA 3:29

Bulentiti taabua yito hakuulio libulentiti talolai̒. Sahabati libulentiti talolai̒ boito wambao̒ tihutihula totili wau modungohe, wau tio sanangi wonu modungohe suala libulentiti talolai̒. Odito olo wolaatia. Masaatia watia sanangi daa̒.

YAHYA 7:33

Ti Isa lotahuda mao̒ totaa dadaata boito todelomo Bele lo Eeya, “Bo ngopee̒ mola wambao̒ Wau̒ donggo pee̒-pee̒enta woli mongoli. Lapatao̒ uito Wau̒ mamuli mohualinga mola ode talolao mai ola-U̒.

WUNGGULI LOMONGO RASULU 13:52

Tahidudua̒ to Antiokhia leengahe daa̒ wau kiluwaasa mai lo Rohullah.

ROMA 14:17

Sababu wonu Allahu Taa̒ala momalenta tutumulo lo tahingota-ngotaawa, wolo umowali tamelolio meaalo yilumolo, diilalo polohuna daa̒. U polohuna daa̒ yito deu̒ tau boito modudua̒ otohilaa lo Allahu Taa̒ala, molaasa oduo̒oto hilao wau mololimo wengahe uwohi lo Rohullah.

GALATIA 5:22

Bolii̒o mao̒, wonu tau-tauwalo dilelo lo Rohullah, tilapulio yito: Timongolio mototoo-lia̒nga, timongolio meengahe, timongolio oduo̒ota lohilao, timongolio sabali wau obudi, timongolio mopiohe ode taa wewo, timongolio tatapu wau molotolo hilao,

IBRANI 12:2

Mamusi bibilohunto duludulunga odeli Isa, sababu Tiolo talo pobongu mai iimaninto wau lolaalao̒ tou̒ bohuliolo mai dilumutu pulitio. Ti Isa tatapu owowoluwoalio lodutolo to ayu salipu! Tio diila paduli deu̒ mate to ayu salipu boito yito tala tuwau sua̒li umoo̒olito. Tio bo hemoe̒ela mola oweengahe umaa olasaa-Lio lapatio mao̒. Masaatia Tio hulohuloa̒ to ambahu olowala totambati huhuloa̒lo Allahu Taa̒ala wau hemo malenta pee̒-pee̒enta wo-Lio.

1 YAHYA 1:4

Amiaatia loluladei utie alihu hilaanto tio̒otutua meengahe.

2 YAHYA 1:12

Dadaata daa̒ upalalu poo̒taa mai lowatia olimongoli, bo lasaalio lebe mopiohu diila mao̒ moli tuladu. Watia mohalapu moo̒ biilohe wau mobisala lohihilao woli mongoli, alihu hilaa limongoli tio̒otutua meengahe.